କନକ ବ୍ୟୁରୋ : ଏୟାରଟେଲ, ଭୋଡାଫୋନ୍-ଆଇଡିଆ ଏବଂ ରିଲାଏନ୍ସ ଜିଓ ପ୍ରି-ପେଡ୍ ପ୍ଲାନଗୁଡିକର ମୂଲ୍ୟକୁ ବୃଦ୍ଧି କରିଛନ୍ତି । ଏହି ତିନୋଟି କମ୍ପାନୀ ସମସ୍ତ ପ୍ରି-ପେଡ୍ ପ୍ଲାନଗୁଡିକର ମୂଲ୍ୟକୁ ୨୦ରୁ ୨୫ ପ୍ରତିଶତ ବୃଦ୍ଧି କରିଛନ୍ତି । କିନ୍ତୁ ଏହି ତିନୋଟି ଟେଲିକମ୍ କମ୍ପାନୀ ସହିତ ପ୍ରତିଦ୍ୱନ୍ଦ୍ୱିତା କରିବାକୁ ରାଷ୍ଟ୍ରାୟତ୍ତ ଟେଲିକମ୍ କମ୍ପାନୀ ବିଏସ୍ଏନ୍ଏଲ୍ ଏକ ପ୍ରି-ପେଡ୍ ପ୍ଲାନ ପ୍ରଣୟନ କରିଛି । ଏହି ପ୍ଲାନ ମୂଲ୍ୟ ଓ ଭାଲିଡିଟି ଦୃଷ୍ଟିରୁ ଜିଓ ଏବଂ ଏୟାରଟେଲକୁ ପଛରେ ପକାଇ ଦେଇଛି । ୭୫ ଦିନର ସର୍ବାଧିକ ବୈଧତା ସହ ବିଏସଏନଏଲର ୯୪ ଟଙ୍କା ପ୍ଲାନ ଲଞ୍ଚ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଥାଉ କି ଯେ ୧୦୦ ଟଙ୍କା ମୂଲ୍ୟରୁ କମ ମୂଲ୍ୟରେ ୭୫ ଦିନର ବୈଧତା ଥିବା ପ୍ଲାନ କେହି ବି ଟେଲି ଅପରେଟର ଦେଉନାହାନ୍ତି । ଏହି ୯୪ ଟଙ୍କାର ପ୍ଲାନରେ ୩ଜିବି ଡାଟା ମଧ୍ୟ ଦିଆଯାଉଛି । ସେହିପରି କଲିଂ ପାଇଁ ୧୦୦ ମିନିଟ୍ ଦିଆଯାଉଛି । ଆଉ ୧୦୦ ମିନିଟ୍ ପରେ, ଉପଭୋକ୍ତାମାନଙ୍କୁ ପ୍ରତି ମିନିଟରେ ୩୦ ପଇସା ଚାର୍ଜ ଲାଗିବ । ସୂଚନା ଥାଉ କି ଯେ ଜିଓ ଦ୍ୱାରା ସର୍ବନିମ୍ନ ୭୫ ଟଙ୍କାରେ ୨୪ ଦିନର ବୈଧତା ଦିଆଯାଉଥିବାବେଳେ ଏୟାରଟେଲର ସବୁଠାରୁ ଶସ୍ତା ଡାଟା ଏବଂ କଲିଂ ପ୍ଲାନ ୯୯ ଟଙ୍କାରେ ଆସିଥାଏ । ଏହି ପ୍ଲାନର ବୈଧତା ହେଉଛି ୨୮ ଦିନ ।