କନକ ବ୍ୟୁରୋ: ପାଲେଷ୍ଟାଇନ୍ ଗାଜା ଷ୍ଟ୍ରିପର ଏକ ଶରଣାର୍ଥୀ ଶିବିରରେ ଥିବା ଏକ ଆବାସିକ କୋଠାରେ ଭୟାବହ ଅଗ୍ନିକାଣ୍ଡ ଘଟିଛି । ଫଳରେ ୭ ଜଣ ପିଲାଙ୍କ ସମେତ ୨୧ ଜଣ ଜୀବନ୍ତ ଦଗ୍ଧ ହୋଇ ପ୍ରାଣ ହରାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗାଜାର ଆଭ୍ୟନ୍ତରୀଣ ମନ୍ତ୍ରଣାଳୟ କହିଛି ଯେ, ଉତ୍ତର ଗାଜାର ଜନବହୁଳ ଜାବାଲିଆ ଶରଣାର୍ଥୀ ଶିବିରରେ ଏହି ଅଗ୍ନିକାଣ୍ଡ ଘଟିଛି। ୪ ମହଲା ଆବାସିକ କୋଠାର ଉପର ମହଲା ରେ ନିଆଁର ପ୍ରକୋପ ଏତେ ଭୟାବହ ଥିଲା ଯେ, ଅନେକ ଘଣ୍ଟା ପରିଶ୍ରମ ପରେ ଏହି ନିଆଁକୁ ନିୟନ୍ତ୍ରଣ କରାଯାଇଥିଲା । ସେତେବେଳେକୁ ଅନେକ କ୍ଷୟକ୍ଷତି ଘଟିସାରିଥିଲା ।
ପ୍ରାଥମିକ ଅନୁସନ୍ଧାନ ଅନୁଯାୟୀ, କୋଠା ଭିତରେ ବହୁ ପରିମାଣର ଗ୍ୟାସୋଲିନ୍ ଗଚ୍ଛିତ ରଖାଯାଇଥିଲା, ଯାହା ଯୋଗୁଁ ଲାଗିଥିବା ନିଆଁ ଆଖିପିଛୁଳାକେ ଚାରିଆଡକୁ ବ୍ୟାପୀଯାଇଥିଲା । କୋଠାରେ ରହୁଥିବା ଲୋକମାନେ ଉଦ୍ଧାର ପାଇଁ ଚିକ୍ରାର କରୁଥିଲେ ବି ଏମାନଙ୍କୁ ଉଦ୍ଧାର କରିବା ସହଜ ନଥିଲା ।
ପାଲେଷ୍ଟାଇନ କର୍ତ୍ତୃପକ୍ଷ ରାଷ୍ଟ୍ରପତି ମହମୁଦ ଅବ୍ବାସ ଏହାକୁ ଏକ ଜାତୀୟ ଦୁଃଖଦ ଘଟଣା ବୋଲି କହିବା ସହ ଦେଶରେ ଦିନିକିଆ ଶୋକ ଦିବସ ଘୋଷଣା କରିଛନ୍ତି ।