ବିହାରରେ ଥମୁନି ବିଷାକ୍ତ ମଦମୃତ୍ୟୁ ମାମଲା, ପୁଣି ୬ ଜଣଙ୍କ ମୃତ୍ୟୁ ପରେ ତେଜିଲା ବିବାଦ
କନକ ବ୍ୟୁରୋ : ବିହାରରେ ରାଜ୍ୟ ସରକାରଙ୍କ ଦ୍ୱାରା ମଦ ଉପରେ ସମ୍ପୂର୍ଣ୍ଣ ପ୍ରତିବନ୍ଧକ ଳଗାଯାଇଛି । ହେଲେ ଏହା କେବଳ ଆଇନକୁ ଆଖିଠାର ଭଳି ଦୈନିକ ବିଷାକ୍ତ ମଦପିଇ କେଉଁଠି ନା କେଉଁଠି ଲୋକମାନେ ମୃତ୍ୟୁବରଣ କରୁଛନ୍ତି । ଏହି କ୍ରମରେ ଏବେ ସାରଣ ଜିଲ୍ଲାର ତରୈୟା ଗ୍ରାମରେ ବିଷାକ୍ତ ମଦ ପଇ ୬ ଜଣଙ୍କ ମୃତ୍ୟୁ ପରେ ସରକାରଙ୍କୁ ବିରୋଧୀଦଳମାନେ ଟାର୍ଗେଟ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ମୃତ୍ୟୁ ମାମଲାରେ ମୃତ୍ୟୁବରଣ କରିଥିବା ଲୋକଙ୍କ ପରିବାର ଓ ଗ୍ରାମବାସୀମାନେ ବିଷାକ୍ତ ମଦ କାରଣରୁ ମୃତ୍ୟୁ ହୋଇଥିବା କଥା କହୁଥିବା ବେଳେ ପୋଲିସ କିନ୍ତୁ ଏହା ମାନିବାକୁ ନାରାଜ । ପୋଲିସ କହୁଛି କି ପଣଷ ଓ ଭାତ ଖାଇ ଏମାନଙ୍କର ମୃତ୍ୟୁ ହୋଇଛି ।
ସୂଚନା ମୁତାବକ ଗୁରୁବାର ଦିନ ଏଭଳି ଘଟଣା ପରେ ପୋଲିସର କାର୍ଯ୍ୟାନୁଷ୍ଠାନ ଉପରେ ସନ୍ଦେହ ପ୍ରକଟ ହୋଇଥିଲା । ମୃତ ୬ ଜଣଙ୍କ ମଧ୍ୟରୁ ପୋଲିସ କେବଳ ଜଣଙ୍କର ଶବକୁ ପୋଷ୍ଟମର୍ଟମ କରିବାକୁ ପଠାଇଥିଲା । ଏହି ସମୟରେ ମୃତକଙ୍କ ପରିଜନମାନେ ଗଣମାଧ୍ୟମ ଆଗରେ କହିଥିଲେ କି ବିଷାକ୍ତ ମଦ ପିଇବା ଦ୍ୱାରା ସେମାନଙ୍କର ମୃତ୍ୟୁ ହୋଇଛି । ହେଲେ ଯେତେବେଳେ ପୋଲିସର ବରିଷ୍ଠ ଅଧିକାରୀମାନେ ସେମାନଙ୍କୁ ପଚାରିଥିଲେ ସେମାନେ ବୟାନ ବଦଳାଇ ଦେଇଥିଲେ ।
ପୁଣି ଏବେ ମୃତକଙ୍କ ପରିଜନମାନେ କହିଛନ୍ତି କି ସେମାନେ ପୋଲିସର ଚାପ ଫଳରେ ବୟାନ ବଦଳାଇଥିଲେ । ହେଲେ ମୃତ ୬ ଜଣ ଯାକ ମଦ ପିଇବା ପରେ ମୃତ୍ୟୁ ବରଣ କରିଥିବା କଥା ପୁଣି ଗଣମାଧ୍ୟମ ଆଗରେ ସେମାନେ କହିଛନ୍ତି । ଏହାସହ ଏବେ ପ୍ରଶାସନ ଓ ମଦ ମାଫିଆମାନେ ମିଳିମିଶି ମୃତକଙ୍କ ପରିବାରକୁ ଧମକ ଦେଉଥିବା କଥା ସେମାନେ ଅଭିଯୋଗ କରିଛନ୍ତି ।