ଦାର୍ଜିଲିଂରେ ମର୍ମନ୍ତୁଦ ସଡକ ଦୁର୍ଘଟଣା । ଘାଟିରେ ଭାରସାମ୍ୟ ହରାଇ ଖସିପଡିଲା କାର । ୫ ଓଡିଆ ମୃତ, ୩ ଜଣ ଆହତ
ଗାଙ୍ଗଟକରୁ ଦାର୍ଜିଲିଂ ଯାଉଥିବା ବେଳେ ଘଟିଲା ଦୁର୍ଘଟଣା
କନକ ବ୍ୟୁରୋ: କରୋନାର ଭୟବହତା ଭିତରେ ପଶ୍ଚିମ ବଙ୍ଗର ଦାର୍ଜିଲିଂରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଏଥିରେ ୫ଜଣ ଓଡିଆ ଯାତ୍ରୀ ପ୍ରାଣ ହରାଇଛନ୍ତି । ଗାଙ୍ଗଟକରୁ ଦାର୍ଜିଲିଂ ଯାଉଥିବା ବେଳେ ଭାରସାମ୍ୟ ହରାଇ ପାହାଡରୁ ଖସିପଡିଛି ପର୍ଯ୍ୟଟକ ଗାଡି । ଏଥିରେ ୫ ଜଣଙ୍କ ମୃତ୍ୟୁ ଘଟିଥିବା ବେଳେ ୩ ଜଣ ଗୁରୁତର ଆହତ ହୋଇଛନ୍ତି । ଆହତଙ୍କୁ ସିଲିଗୁଡି ସ୍ଥିତ ନର୍ଥ ବେଙ୍ଗାଲ ମେଡିକାଲ କଲେଜରେ ଭର୍ତି କରାଯାଇଛି । ସମସ୍ତେ ଗୋଟିଏ ପରିବାରର ଏବଂ ସମସ୍ତଙ୍କ ଘର ଓଡିଶାରେ । ମୃତ ୫ ଜଣ ହେଉଛନ୍ତି ଅଭିଜିତ ରଥ, ସୁଲୋଚନା ପଣ୍ଡା, ଶକୁନ୍ତଳା ନନ୍ଦ, ଚନ୍ଦ୍ର ଶେଖର ନନ୍ଦ ଓ ସବିତା ନନ୍ଦ ।
Kanak News is now on WhatsApp
Join and get latest news updates delivered to you via WhatsApp
ସାଲେପୁର ଥାନା ନିଶ୍ଚିନ୍ତକୋଇଲି ବ୍ଲକ ଅନ୍ତର୍ଗତ ପାଟପୁର ଗାଁର ଏହି ବ୍ୟକ୍ତିମାନେ ଏକାଠି ଦାର୍ଜିଲିଂ ବୁଲିବାକୁ ଯାଇଥିଲେ। ଭାଇ-ଭାଉଜ, ଭଉଣୀ-ଜ୍ବାଇଁ ଓ ସେମାନଙ୍କ ପରିବାରରର ଅନ୍ୟମାନେ ଏକ ବୋଲେରୋରେ ଦାର୍ଜିଲିଂ ରାସ୍ତାରେ ଯାଉଥିବା ବେଳେ ଗାଡ଼ିଟି ଶହେ ଫୁଟ୍ ତଳକୁ ଖସି ପଡ଼ିଥିବା କୁହାଯାଉଛି। ମୃତ ଓ ଆହତ ମାନଙ୍କୁ ଉଦ୍ଧାର କରି ପ୍ରଥମେ ସିଲିଗୁଡି ଓ ପରେ କୋଲକାତା ଅଣାଯାଇଛି। ଦୁର୍ଘଟଣାରେ ଶିକାର ହୋଇଥିବା ଲୋକମାନେ ତିନିଦିନ ତଳେ ଟ୍ରେନ୍ରେ କୋଲକାତା ଯାଇଥିଲେ।