ପଂଚାୟତ ନିର୍ବାଚନ ପୂର୍ବରୁ ଗ୍ରାମବାସୀଙ୍କ ସଜବାଜ: ୪୦ ବର୍ଷ ହେଲା ଗାଁରେ ବିକାଶ ନାହିଁ, ଏବେ ଆଉ ଶୁଣିବୁ ନାହିଁ ପ୍ରତିଶ୍ରୁତି
କନକ ବ୍ୟୁରୋ: ପଂଚାୟତ ନିର୍ବାଚନ ପାଇଁ ପ୍ରସ୍ତୁତି କଲେଣି ରାଜନୈତିକ ଦଳ । ଫେବୃଆରୀ ଦ୍ୱିତୀୟ ସପ୍ତାହରେ ଭୋଟ ହେବ ବୋଲି ଜାଣିବା ପରେ ଭୋଟ୍ ବ୍ୟାଙ୍କ ବଢାଇବା ପାଇଁ ଗ୍ରାମାଂଚଳରେ ଆରମ୍ଭ ହେଲାଣି କସରତ କଲେଣି । ହେଲେ ଏଥର ଆଉ ନେତାଙ୍କ ଚାଲବାଜି ଚଳିବ ନାହିଁ । ମୌଳିକ ସୁବିଧା ସୁଯୋଗ ନମିଳିଲେ, ଲୋକେ ଭୋଟ୍ ଦେବେ ନାହିଁ ବୋଲି ଚେତାବନୀ ଦେଇଛନ୍ତି । ଶିକ୍ଷା, ସ୍ୱାସ୍ଥ୍ୟ ଓ ଗମନାଗମନ ଠାରୁ ମାଇଲ୍ ମାଇଲ ଦୂରରେ ଥିବା ଗଂଜାମ ଜିଲ୍ଲା ପୁରୁଷୋତମପୁର ବ୍ଲକ ଜେମାଦେଇପୁର ଗାଁର ଲୋକେ ଏମିତି କଡା ଚେତାବନୀ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗାଁରେ ୪୦ରୁ ଅଧିକ ପରିବାର ରହୁଥିବା ବେଳେ ୪୦ ବର୍ଷ ହେବ କୌଣସି ଉନ୍ନୟନମୂଳକ କାମ କାମ ହୋଇନାହିଁ । ଗାଁ ରାସ୍ତା ମାଟି କାଦୁଅରେ ଫୁଟିଛି । ପାଣି ଜମି ରହିଛି । ୪ ବର୍ଷ ତଳୁ ଜେମାଦେଇପୁର ପ୍ରାଥମିକ ବିଦ୍ୟାଳୟକୁ ବନ୍ଦ କରିଦେଇଛନ୍ତି ସରକାର । କିନ୍ତୁ ୭ ଜଣ ପିଲାଙ୍କ ପାଇଁ ଗାଁରେ ୫ ଲକ୍ଷ ଖର୍ଚରେ ଅଙ୍ଗନବାଡି ଗୃହ ର୍ନିମାଣ ହୋଇଛି । ତାହା ଅଦରକାରି ହୋଇ ପଡିରହିଛି । ସମସ୍ୟାର ସମାଧାନ ଦାବି କରି ପୁରୁଷୋତମପୁର ବିଡିଓଙ୍କୁ ଦାବିପତ୍ର ପ୍ରଦାନ କରିଛନନ୍ତି ଗ୍ରାମବାସୀ ।
ପଞ୍ଚାୟତ ର୍ନିବାଚନ ଆଗରୁ ଯଦି ଗାଁ ସମସ୍ୟା ନସୁଧୁରିଲା, ତେବେ ଗାଁ ଲୋକେ ସମୁହ ଭୋଟ୍ ବର୍ଜନ କରିବେ, ଜଣେ ବି ମତଦାନ କେନ୍ଦ୍ରକୁ ଯିବେ ନାହିଁ ଚେତାଇ ଦେଇଛନ୍ତି ।