ଡାକ୍ତରଖାନା ମୁଖ୍ୟଦ୍ୱାରରେ ଠିଆ ହୋଇଥିଲେ ୪ କୁକୁର,ସମ୍ପୁର୍ଣ୍ଣ ଘଟଣା ଶୁଣିବା ପରେ କର୍ମଚାରୀଙ୍କ ଆଖିରେ ଆସିଗଲା ଲୁହ ।
କଥାରେ ଅଛି ମଣିଷର ସବୁଠାରୁ ବିଶ୍ୱସ୍ଥ ବନ୍ଧୁ ହେଉଛି କୁକୁର । ଏହି କଥା ଆପଣ ଏହି ଖବର ଏବଂ ଭାଇରାଲ୍ ଫଟୋ ଦେଖି ଜାଣିପାରୁଥିବେ । ହଁ ଆଜ୍ଞା , ଏହି ଫଟୋଟି ହେଉଛି ବ୍ରାଜିଲର ଏକ ହସପିଟାଲର । ହସ୍ପିଟାଲରେ ଚାରୋଟି ବୁଲା କୁକୁର ମେନଗେଟ୍ ପାଖରେ ଠିଆ ହୋଇ ଗୋଟିଏ କୋଠରୀ ଆଡକୁ ଚାହିଁ ରହିଛନ୍ତି । ଏହି ଦୃଶ୍ୟକୁ ଦେଖିବା ପରେ ସେଠାରେ ଉପସ୍ଥିତ ଥିବା ଜଣେ ନର୍ସ କ୍ୟାମେରାରେ ଫଟୋ ଉତ୍ତୋଳନ କରି ସୋସିଆଲ୍ ମିଡିଆରେ ପୋଷ୍ଟ୍ କରିଥିଲେ । ଚାହୁଁ ଚାହୁଁ ଫଟୋଟି ଖୁବ୍ ଭାଇରାଲ୍ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ବାସ୍ତବରେ ହସ୍ପିଟାଲରେ ଜଣେ ଅଜ୍ଞାତ ଯୁବକକୁ କିଛି ସହୃଦୟବାନ ଲୋକ ଚିକିତ୍ସା ପାଇଁ ନେଇ ଆସିଥିଲେ ଏବଂ ଆଡମିଶନ୍ କରି ସେଠାରୁ ଚାଲି ଯାଇଥିଲେ କିନ୍ତୁ ଚାରୋଟି କୁକୁର ଗେଟ୍ ପାଖରେ ବହୁ ସମୟରୁ ଠିଆ ହୋଇଥିବା ଦେଖା ଯାଇଥିଲା । ଏହାପରେ ଜଣେ ନର୍ସ କ୍ୟାମେରାରେ ଏହି ଦୃଶ୍ୟକୁ କଏଦ୍ କରି ଭାଇରାଲ୍ କରିଥିଲେ । ଯୁବକ ଜଣଙ୍କର ଘରଦ୍ୱାର ବୋଲି କିଛି ନଥିଲା ଏବଂ ସେ ବହୁ ଦିନରୁ ଭୋକିଲା ଥିଲେ । ତାଙ୍କ ସାଙ୍ଗ କହିଲେ ସେହି ୪ କୁକୁର ଥିଲେ ଯାହାଙ୍କ ସହ ସେ ରାସ୍ତାକଡରେ ଶୋଉଥିଲେ । ବେଳେବେଳେ ଖାଦ୍ୟ ପାଇଲେ ସେ କୁକୁରଙ୍କୁ ଖାଇବାକୁ ଦେଇ ନିଜେ ଉପବାସ ରହୁଥିଲେ । ଏହି ଘଟଣା ଜଣାପଡିବା ପରେ ହସ୍ପିଟାଲ୍ କର୍ମଚାରୀ କୁକୁରଙ୍କୁ ଭିତରକୁ ଆସିବାକୁ ଦେଲେ ଏବଂ ଖାଇବାକୁ ମଧ୍ୟ ଦେଇଥିଲେ ।