ଅଣ୍ଡାମାଡ଼ ପାଇଁ ୩୦୭, ହେଲେ ଫଟୋ ସାମ୍ବାଦିକଙ୍କୁ ମାଡ଼ ଘଟଣାରେ କାର୍ଯ୍ୟାନୁଷ୍ଠାନ ଶୂନ । କମିଶନରେଟ୍ ପୋଲିସର ଏ କି ନୀତି?
କନକ ବ୍ୟୁରୋ: ପ୍ରତ୍ୟେକ ଦିନ ଫଟୋ ଉଠାଇ ଖବର କରୁଥିବା ଫଟୋ ସାମ୍ବାଦିକ ଜଣକ ମାଡ ଖାଇବେ, ତାହା ପୁଣି ପୋଲିସ ଠାରୁ ତାହା ହୁଏତ ସେ କେବେ ଭାବି ନଥିବେ । ହେଲେ କଳିଙ୍ଗ ଷ୍ଟାଡିୟମ ୮ନମ୍ବର ଗେଟ୍ ଆଗରେ ଫଟୋ ସାମ୍ବାଦିକ ରାକେଶ ରାଉଳ ପୋଲିସ ଜଣଙ୍କ ମାଡ ମାରିବା ସହିତ ତାଙ୍କ ଉପରେ ଝୁଙ୍କି ପଡି କ୍ୟାମେରା ଛଡାଇଥିଲେ । ଆଉ ସେ ଯେଉଁ ଭାଷାରେ ଗାଳି ଦେଉଥିଲେ ତାହା କହିବା ବି ମୁସ୍କିଲ । ରାକେଶଙ୍କ ଭୁଲ ଏତିକି ଥିଲା, ସେ ଖବର କରିବାକୁ ଗାଡିରେ ଯାଉଥିବା ହକି ଖେଳାଳିଙ୍କ ଫଟୋ ଉଠାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
କାର୍ଯ୍ୟରତ ଜଣେ ଫଟୋ ସାମ୍ବାଦିକଙ୍କୁ ମାଡ ମରାଯିବାର ଗୋଟିଏ ଦିନ ପରେ ବି ଅଭିଯୁକ୍ତଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ନେଇନି କମିଶନରେଟ୍ ପୋଲିସ । ସେପଟେ ବଲାଙ୍ଗୀରରେ ସାମ୍ବାଦିକାଙ୍କଠାରୁ ମୋବାଇଲ ଛଡାଇ ନେଇଥିବା ଅଭିଯୁକ୍ତଙ୍କ ବିରୋଧରେ ମଧ୍ୟ କାର୍ଯ୍ୟାନୁଷ୍ଠାନ ନେଇନି ପୋଲିସ । ଯାହାକୁ ନେଇ ଅନେକ ପ୍ରଶ୍ନ ଉଠିବାରେ ଲାଗିଛି ।
- ଅଣ୍ଡା ମାଡ ପାଇଁ ୩୦୭ ଦଫା
- ମାଡ ମାରିଲେ ଲାଗିବ କେଉଁ ଦଫା?
ଗତ ୩୧ ତାରିଖରେ ଧର୍ମେନ୍ଦ୍ର ସାହୁ ମୃତ୍ୟୁ ମାମଲାରେ ଛାତ୍ର କଂଗ୍ରେସ କର୍ମୀ ନବୀନ ନିବାସ ଘେରାଉ କରିବାକୁ ଯାଇଥିଲେ । ସେହି ସମୟରେ ଛାତ୍ର କଂଗ୍ରେସ କର୍ମୀଙ୍କୁ ପୋଲିସ ଅଟକାଇବାରୁ ଆନ୍ଦୋଳନକାରୀ ପୋଲିସ ଉପରକୁ ଅଣ୍ଡାମାଡ କରିଥିଲେ । ମନ୍ତ୍ରୀ ତୁଷାରକାନ୍ତି ବେହେରାଙ୍କ ଘର ଘେରାଉ କରିବା ସହ କଂଗ୍ରେସ କର୍ମୀ ଅଣ୍ଡାମାଡ କରିଥିଲେ । ଯାହାକୁ ନେଇ ସେମାନଙ୍କ ବିରୋଧରେ ପୋଲିସ ଦଫା ୩୦୭ରେ ମାମଲା ରୁଜୁ କରିଛି । ପୋଲିସର ଏଭଳି ଦଫାକୁ ଦେଖି ଚିହିଁକି ଉଠିଛି କଂଗ୍ରେସ । ଅଭିଯୁକ୍ତ ମନ୍ତ୍ରୀଙ୍କୁ ତଦନ୍ତ ପରିସରଭୁକ୍ତ ନକରି ବିରୋଧୀ ସ୍ୱରକୁ ଚପାଇ ଦେବାକୁ ଉଦ୍ୟମ କରାଯାଉଥିବା ଅଭିଯାଗ କରିଛି । ଏବଂ ଲାଗିଥିବା ଦଫା ନହଟାଇଲେ ଆନ୍ଦୋଳନ ଓ ଅନଶନ କରିବେ ବୋଲି ଚେତାବନୀ ଦେଇଛନ୍ତି ।
ପୋଲିସର ଦୁଇ ପ୍ରକାର ନୀତିକୁ ନେଇ ସାଧାରଣରେ ପ୍ରଶ୍ନ ଉଠିଛି । ଅଣ୍ଡା ମାଡ ପାଇଁ ଯଦି ୩୦୭ ଦଫା ଲଗା ଯାଉଛିି ତେବେ ସାମ୍ବାଦିକଙ୍କୁ ମାଡ ମାରିଥିବା ପୋଲିସ ବାବୁଙ୍କ ବିରୋଧରେ କି ଦଫା ଲାଗିବ? ପୋଲିସ ମାଡ ମାରିଲେ ସେମାନଙ୍କ ପାଇଁ ନିୟମ ଅଲଗା କି?