ଗୋଟିଏ ଦେହରେ ତିନୋଟି ଗୋଡ: ବାଲେଶ୍ୱରର ଏଭଳି ଶିଶୁକୁ ନେଇ ଚିକିତ୍ସା ବିଜ୍ଞାନରେ ଚର୍ଚ୍ଚା । ପରୀକ୍ଷା ପରେ ଜଣାପଡିବ କେମିତି ହେବ ଚିକିତ୍ସା
କନକ ବ୍ୟୁରୋ: ଗୋଟିଏ ଶିଶୁ ତିନୋଟି ଗୋଡ । କଥାଟା ଶୁଣିବାକୁ ଆଶ୍ଚର୍ଯ୍ୟ ଲାଗୁଥିଲେ ବି ଏହା ସତ । କାରଣ ଭୁବନେଶ୍ୱର ଏମ୍ସରେ ଭର୍ତ୍ତି ହୋଇଥିବା ଜଣେ ଶିଶୁର ତିନୋଟି ଗୋଡ ରହିଛି । ସାଧାରଣତ ୨ଟି ଗୋଡ ଯେମିତି ରହିବା କଥା ସେମିତି ରହିଛି ମାତ୍ର ଆଉ ଏକ ଗୋଡ ଅଣ୍ଟା ପାଖରୁ ବାହାରିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ବାଲେଶ୍ୱର ଜିଲ୍ଲା ଔପଦା ବ୍ଲକ ବଡ ପୋଖରୀ ଅଞ୍ଚଳର ୧୧ ବର୍ଷର ବାଳକ ସୁଦାମ ବେହେରା ଏମିତି କିଛି ଜଟିଳତା ଦେଇ ଗତି କରୁଛି । ମଧୁସୁଦନ ବେହେରାଙ୍କ ପୁଅ ସୁଦାମ ଜନ୍ମରୁ ଏମିତି ହୋଇଥିବା ବେଳେ ଅଣ୍ଟା ପାଖରେ ଗୋଟିଏ ଗୋଡ ଧିରେ ଧିରେ ବାହାରୁଛି ।
ତେବେ ସୁଦାମ ଭୁବନେଶ୍ୱର ଏମ୍ସରେ ଭର୍ତ୍ତି ହେବା ପରେ ଏହି ଘଟଣା ସାମ୍ନାକୁ ଆସିଛି । ସୁଦାମକୁ ଶିଶୁ ରୋଗ ବିଭାଗରେ ଭର୍ତ୍ତି କରାଯାଇଛି । ସେପଟେ ସୁଦାମର ସ୍ୱାସ୍ଥ୍ୟାବସ୍ଥା ନେଇ ଡାକ୍ତର କହିଛନ୍ତି ସେ ଠିକଠାକ ଅଛି । କିନ୍ତୁ କାହିଁକି ଓ କେମିତି ତୃତୀୟ ଗୋଡ ସୃଷ୍ଟି ହୋଇଛି ତାହା ସ୍ପଷ୍ଟ ହୋଇପାରୁ ନାହିଁ । ତେଣୁ ଏମଆରଆଇ ସମେତ ଆଉ କିଛି ପରୀକ୍ଷା କରିବା ପରେ ତୃତୀୟ ଗୋଡ ବିଷୟରେ ଜାଣିବା ସମ୍ଭବ ପର ହେବ । ଏହା ପରେ ଯାଇ ଚିକିତ୍ସା କେମିତି ହୋଇପାରିବ ତାହା ଜଣାପଡିବ ।
ସେପଟେ ପୁଅର ଏତେ ବଡ ଚିକିତ୍ସା ପରିବାର ପାଇଁ ଚିନ୍ତା ବଢାଇଛି । ଘରର ଆର୍ଥିକ ପରିସ୍ଥିତି ଭଲ ନଥିବାରୁ ପୁଅକୁ କେମିତି ଚିକିତ୍ସା ସେହି ଚିନ୍ତାରେ ପୂରା ପରିବାର । ତେବେ ପରିବାରର ଏଭଳି ସ୍ଥିତିରେ ସାମାଜିକ ସଙ୍ଗଠନ ସୁଦାମକୁ ସାହାଯ୍ୟ କରିବାକୁ ଆଗେଇ ଆସିଥିବା ବେଳେ କେମିତି ଉତ୍ତମ ଚିକିତ୍ସା ମିଳିପାରିବ ଓ ଆର୍ଥିକ ସହାୟତା ମିଳିବ ସେନେଇ ଚେଷ୍ଟା କରୁଛନ୍ତି । ତେବେ କିଛି ସହାୟତା ମିଳିଲେ ସୁଦାମର ଚିକିତ୍ସା ସୁରୁଖୁରରେ ହେବ ବୋଲି ପରିବାର ଲୋକେ ଦାବି କରିଛନ୍ତି ।