ତାଲାବନ୍ଦ ବେଳେ ଭିନ୍ନ ଭୂମିକାରେ ନଜର ଆସିଲେ ଗଣଶିକ୍ଷା ମନ୍ତ୍ରୀ । ଘରଣୀଙ୍କୁ ରୋଷେଇରେ କଲେ ସହଯୋଗ, ପରିବାରରେ ମହିଳାଙ୍କ ଉପରେ ଚାପ ନପକାଇବା ପାଇଁ ମୁଖ୍ୟମନ୍ତ୍ରୀଙ୍କ ପରାମର୍ଶ ପରେ ଆଗେଇ ଆସିଲେ ସମୀର ଦାସ ।
କନକ ବ୍ୟୁରୋ: ରୋଷେଇ ଘରେ ମନ୍ତ୍ରୀ । ତାଲାବନ୍ଦ ବେଳେ ଭିନ୍ନ ଭୂମିକାରେ ନଜର ଆସିଲେ ଗଣଶିକ୍ଷା ମନ୍ତ୍ରୀ । ଘରେ ଘରଣୀଙ୍କୁ ରୋଷେଇରେ ସହଯୋଗ କରିଛନ୍ତି ମନ୍ତ୍ରୀ ସମୀର ଦାସ । ମନ୍ତ୍ରୀ ନିଜେ ରୋଷେଇ କରୁଥିବା ଭିଡିଓକୁ ନିଜ ଟ୍ୱିଟର ଆକାଉଂଟରେ ସେୟାର କରି ଅନ୍ୟମାନେ ମଧ୍ୟ ଘରେ ସହଯୋଗ କରନ୍ତୁ ବୋଲି କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ତାଲା ବନ୍ଦ ବେଳେ ଘରେ ରହି ପୁରୁଷମାନେ ପରିବାରର ମହିଳାଙ୍କ ଉପରେ ଚାପ ନପକାଇବା ପାଇଁ ମୁଖ୍ୟମନ୍ତ୍ରୀ ପରାମର୍ଶ ପରେ ମନ୍ତ୍ରୀ ସମୀର ଦାସ ରୋଷେଇ ପାଇଁ ଆଗେଇ ଆସିଛନ୍ତି । ଏବଂ ଅନ୍ୟମାନେ ମଧ୍ୟ ଏହି କାମରେ ଆଗେଇ ଆସିବା ପାଇଁ ସେ ପରାମର୍ଶ ଦେଇଛନ୍ତି । ଗଣ ମନ୍ତ୍ରୀ ଫୁଲ କୋବି ଭାଜୁଥିବା ଭିଡଓ ସାମ୍ନାକୁ ଆସିଛି ।
ଆଜି ସକାଳୁ ସକାଳୁ ନିମାପଡ଼ା ବାରବାଟୀ ଠାରେ ହୋଇଥିବା ପରିବା ଦୋକାନ ବୁଲି ସେଠାରେ ପରିବା କିଣିଥିବା ନଜରକୁ ଆସିଥିଲେ ମନ୍ତ୍ରୀ ସମୀର ଦାସ । ଆଉ ଘର ପାଇଁ ଫୁଲ କୋବି କିଣି ନେଇ ତାଙ୍କ ସ୍ତ୍ରୀଙ୍କୁ ରୋଷେଇରେ ସହଯୋଗ କରିଥିବା ଦେଖିବାକୁ ମିଳିଛି ।