କନକ ବ୍ୟୁରୋ : ପୁଣି ବାଜିଲା ଆଇପିଏଲ ବିଗୁଲ । କ୍ରିକେଟର ସବୁଠୁ ବଡ ଟୁର୍ଣ୍ଣାମେଣ୍ଟ ପାଇଁ ଆରମ୍ଭ ହେଲା ସଜବାଜ । ଇଣ୍ଡିଆନ୍ ପ୍ରିମିୟର ଲିଗର ୧୩ତମ ସଂସ୍କରଣ ପାଇଁ ପ୍ରକ୍ରିୟା ଆରମ୍ଭ ହୋଇଯାଇଛି । ଆଇପିଏଲ୍ ୨୦୨୦ ପାଇଁ ଚଳିତବର୍ଷ ଡିସେମ୍ବର ମାସ ୧୯ ତାରିଖରେ କୋଲକାତା ଠାରେ ନିଲାମି ପ୍ରକ୍ରିୟା କରାଯିବ ।
Kanak News is now on WhatsApp
Join and get latest news updates delivered to you via WhatsApp
ତେବେ ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁଯାୟୀ, ଆଇପିଏଲ ୨୦୨୦ ନିଲାମୀ ପ୍ରକ୍ରିୟାରେ ଅଳ୍ପ କିଛି ଖେଳାଳୀଙ୍କୁ ନେଇ ଅକ୍ସନ ପ୍ରକ୍ରିୟା କରାଯିବ । ତେବେ ଏହା ପୂର୍ବରୁ ସମସ୍ତ ଫାଂଚାଇଜ୍ ମାନଙ୍କୁ ଏକ ନୋଟିସ ଜାରି କରାଯାଇଛି । ଯେଉଁଥିରେ କୁହାଯାଇଛି ଯେ, ସେମାନେ କେଉଁ ଖେଳାଳୀଙ୍କୁ ଅପରିବର୍ତ୍ତିତ ରଖିବେ ଏବଂ କେଉଁ ଖେଳାଳୀଙ୍କୁ ଦଳରୁ ବାଦ୍ ଦେବେ, ସେନେଇ ଆସନ୍ତା ନଭେମ୍ବର ୧୪ ତାରିଖ ମଧ୍ୟରେ ପ୍ରତିଟି ଦଳ ନିଷ୍ପତି ନେବେ ।
୨୦୧୯ ଆଇପିଏଲରେ ପ୍ରତ୍ୟକ ଫ୍ରାଂଚାଇଜଙ୍କୁ ନିଲାମୀ ପ୍ରକ୍ରିୟାରେ ୮୨ କୋଟି ଟଙ୍କା ଦିଆଯାଇଥିଲା । କିନ୍ତୁ ୨୦୨୦ ପାଇଁ ଏହି ରାଶି ୮୫ କୋଟି ଟଙ୍କା ରହିଛି । ତେବେ ଆସନ୍ତା ଡିସେମ୍ବର ମାସ ୧୯ ତାରିଖରେ କୋଲକାତା ଠାରେ ଆଇପିଏଲର ୧୩ତମ ସଂସ୍କରଣ ପାଇଁ ନିଲାମୀ ପ୍ରକ୍ରିୟା ଅନୁଷ୍ଠିତ ହେବ । ତେବେ ନଜର ପକାନ୍ତୁ ଖେଳାଳୀ କିଣିବା ପାଇଁ କେଉଁ ଦଳ ପାଖରେ କେତେ ଟଙ୍କା ରହିଛି ।
ଦିଲ୍ଲୀ କ୍ୟାପିଟାଲ୍ସ – ୮ କୋଟି ୨୦ ଲକ୍ଷ ଟଙ୍କା
ରାଜସ୍ଥାନ ରୟାଲ୍ସ – ୭ କୋଟି ୧୫ ଲକ୍ଷ ଟଙ୍କା
କୋଲକାତା ନାଇଟ୍ ରାଇଡର୍ସ – ୬ କୋଟି ୫ ଲକ୍ଷ ଟଙ୍କା
ସନ ରାଇଜର୍ସ ହାଇଦ୍ରାବାଦ – ୫ କୋଟି ୩ ଲକ୍ଷ ଟଙ୍କା
କିଙ୍ଗସ ଏକାଦଶ ପଞ୍ଜାବ – ୩ କୋଟି ୭ ଲକ୍ଷ ଟଙ୍କା
ଚେନ୍ନାଇ ସୁପରକିଙ୍ଗସ – ୩ କୋଟି ୨ ଲକ୍ଷ ଟଙ୍କା
ମୁମ୍ବାଇ ଇଣ୍ଡିଆନ୍ସ – ୩ କୋଟି ୫ ହଜାର ଟଙ୍କା
ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର – ୧ କୋଟି ୮ ଲକ୍ଷ ଟଙ୍କା ।