ପ୍ରେମରେ ଧର୍ମ ସାଜିଲା ପ୍ରତିବନ୍ଧକ । ଭିନ୍ନ ଧର୍ମର ଯୁବତୀଙ୍କୁ ପ୍ରେମ କରିବାରୁ ଦିଲ୍ଲୀ ଆଦର୍ଶ ନଗରର ୧୮ ବର୍ଷିୟ ଦଳିତ ଯୁବକଙ୍କୁ ପିଟି ପିଟି ହତ୍ୟା । ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ପ୍ରତିଶ୍ରୁତି ଦେଲେ ଦିଲ୍ଲୀ ଉପମୁଖ୍ୟମନ୍ତ୍ରୀ ।
କନକ ବ୍ୟୁରୋ : ପ୍ରେମରେ ଧର୍ମ ସାଜିଲା ପ୍ରତିବନ୍ଧକ । ଭିନ୍ନ ଧର୍ମର ଜଣେ ଜଣେ ଯୁବତୀଙ୍କୁ ପ୍ରେମ କରିବାରୁ ଦିଲ୍ଲୀ ଆଦର୍ଶ ନଗରର ଜଣେ ୧୮ ବର୍ଷିୟ ଦଳିତ ଯୁବକ ରାହୁଲଙ୍କୁ ପିଟି ପିଟି ହତ୍ୟା କରିଛନ୍ତି ଦୁର୍ବୃତ୍ତ । ପ୍ରେମିକାଙ୍କ ପରିବାର ଲୋକ ଯୁବକୁ ବିଚ ରାସ୍ତା ରାସ୍ତାରେ ପିଟି ପିଟି ହତ୍ୟା କରିଥିବା ଦୃଶ୍ୟ ସିସିଟିଭି କ୍ୟାମେରାରେ କଏଦ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ବିଜେପି ଏହାକୁ ନେଇ ପୀଡିତଙ୍କ ପରିବାରକୁ ଏକ କୋଟି ଟଙ୍କାର କ୍ଷତିପୂରଣ ସହ ଫାଷ୍ଟଟ୍ରାକ କୋର୍ଟରେ ମାମାଲା ରୁଜୁ କରି ତୁରନ୍ତ ଅଭିଯୁକ୍ତଙ୍କୁ ଗିରଫ କରିବାକୁ ଦାବି କରିଛି । ସେପଟେ ଦିଲ୍ଲୀ ଉପମୁଖ୍ୟମନ୍ତ୍ରୀ ମନୀଷ ସିସୋଦୀୟା ମୃତ ଯୁବକଙ୍କ ପରିବାର ଲୋକଙ୍କୁ ଭେଟି ସମବେଦନା ଜଣାଇବା ସହ ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ପ୍ରତିଶ୍ରୁତି ଦେଇଛନ୍ତି ।
ଏହି ଘଟଣାରେ ପୋଲିସ ୨ ଜଣଙ୍କୁ ଗିରଫ କରିଛି । ଗିରଫ ହୋଇଥିବା ଅଭିଯୁକ୍ତମାନେ ନାବାଳିକାର ସମ୍ପର୍କୀୟ ବୋଲି ଜଣାପଡିଛି । ତେବେ ଏହି ଘଟଣାରେ ପୋଲିସ ଆହୁରି ଅଧିକ ତଦନ୍ତ ଜାରି ରଖିଛି ।