ପୁଣି ଲେଉଟିଲା କରୋନା ଲକଡାଉନ : ମହାରାଷ୍ଟ୍ରର ୮ ଜିଲ୍ଲାରେ ତାଲାବନ୍ଦ; ମହାରାଷ୍ଟ୍ରର ସ୍କୁଲ ଓ ହଷ୍ଟେଲ ଗୁଡ଼ିକରେ ଉଦବେଗଜନକ ଭାବେ ବଢ଼ୁଛି ସଂକ୍ରମଣ
କନକ ବ୍ୟୁରୋ : ମହାରାଷ୍ଟ୍ରରେ ସଂକ୍ରମଣ ଉପରମୁହାଁ ରହିଛି । ସଂକ୍ରମଣ ବଢ଼ୁଥିବା ଜିଲ୍ଲାମାନଙ୍କରେ କଡ଼ାକଡ଼ି ଲକ ଡାଉନ ପାଳନ ପାଇଁ ନିଷ୍ପତି ନେଇଛନ୍ତି ମହାରାଷ୍ଟ୍ର ସରକାର । ରାଜ୍ୟର ୮ ଜିଲ୍ଲାରେ ସଂକ୍ରମଣ ଲଗାତର ବଢ଼ୁଥିବାରୁ ଲକଡାଉନ ଲାଗୁ ହୋଇଛି । ଗତ ୨୪ ଘଂଟା ମଧ୍ୟରେ ପୁଣି ମହାରାଷ୍ଟ୍ରରେ ୧୫ ହଜାର ୮୨୩ ମାମଲା ଚିହ୍ନଟ ହୋଇଛି । ସରକାର ଏହି ଜିଲ୍ଲାମାନଙ୍କରେ କୋଭିଡ ନିୟମ କଡାକଡି କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପୁନେରେ ରାତି ୧୧ରୁ ସକାଳ ୬ଟା ନାଇଟ୍ କର୍ଫ୍ୟୁ ଜାରି ହୋଇଥିବା ବେଳେ ଅକୋଲାରେ କଡାକଡ଼ି ଲକଡାଉନ ପାଳନ ହେଉଛି । ଅକୋଲାରେ ଗତକାଲି ସଂଧ୍ୟା ୮ଟାରୁ ସୋମବାର ସକାଳ ୬ଟା ପର୍ଯ୍ୟନ୍ତ ଲକଡାଉନ ଜାରି କରାଯାଇଛି । ମାର୍ଚ୍ଚ ୧୨ରୁ ୨୨ ପର୍ଯ୍ୟନ୍ତ ପାନଭେଲରେ ନାଇଟ କଫ୍ୟୁ ଜାରି ହେବ । ସେହିପରି ପାରଭଣି ଜିଲ୍ଲାରେ ଗତକାଲି ରାତି ୧୨ଟାରୁ ଆସନ୍ତା ଗୁରୁବାର ସକାଳ ୬ଟା ପର୍ଯ୍ୟନ୍ତ ଲକ୍ଡାଉନ ଜାରି ହୋଇଛି ।
ସେହି ଜିଲ୍ଲାମାନଙ୍କରେ ସ୍କୁଲ, କଲେଜ ବନ୍ଦ ରହିଛି । ଗତକାଲି ନାଗପୁରରେ ଲକ୍ଡାଉନ ଜାରି ହୋଇଥିବା ବେଳେ ପୂର୍ବରୁ ଅମରାବତୀରେ ଲକଡାଉନ ଜାରି ହୋଇଥିଲା । ଏହାରି ଭିତରେ ପଲଭରି ଜିଲ୍ଲାର ଏକ ଆଦିବାସୀ ସ୍କୁଲରେ ୪୪ ଛାତ୍ର ସଂକ୍ରମିତ ହୋଇଛନ୍ତି । ସମସ୍ତଙ୍କୁ ସଙ୍ଗରୋଧରେ ରଖାଯାଇଛି । ମୁମ୍ବାଇରେ ଗତ ୨ମାସ ଭିତରେ ସଂକ୍ରମଣ ମାମଲା ଆସିଛି ସେଥିରୁ ୯୦ ପ୍ରତିଶତ ଆପାର୍ଟମେଂଟ ବିଲ୍ଡିଂରୁ ଚିହ୍ନଟ ହୋଇଛି । କେବଳ ୧୦ ପ୍ରତିଶତ ମାମଲା ବସ୍ତିରୁ ଚିହ୍ନଟ ହୋଇଥିବା ସୂଚନା ରହିଛି ।