ମୌସୁମି ଅଧିବେଶନରେ ହଟ୍ଟଗୋଳ: ଶୀତକାଳିନ ଅଧିବେଶନରୁ ନିଲମ୍ବିତ ହେଲେ ୧୨ ରାଜ୍ୟସଭା ସାଂସଦ
କନକ ବ୍ୟୁରୋ: ମୌସୁମି ଅଧିବେଶନରେ କରିଥିବା ହଙ୍ଗାମା ପାଇଁ ଶୀତ ଅଧିବେଶନରେ ଦଣ୍ଡ ପାଇଲେ ୧୨ ସାଂସଦ । ୧୧ ଅଗଷ୍ଟ ମୌସୁମି ଅଧିବେଶନ ବେଳେ ହଙ୍ଗାମା କରିଥିବାରୁ ଶୀତକାଳିନ ଅଧିବେଶନରେ ରାଜ୍ୟସଭାରୁ ନୀଲମ୍ବିତ ହୋଇଛନ୍ତି ୧୨ ଜଣ ସାଂସଦ । ଚଳିତ ଅଧିବେଶନ ଶେଷ ହେବା ପର୍ଯ୍ୟନ୍ତ ଗୃହକାର୍ଯ୍ୟରେ ସାମିଲ ହୋଇ ପାରିବେ ନାହିଁ ଏହି ସବୁ ସାଂସଦ । ନୀଲମ୍ବିତ ସାଂସଦଙ୍କ ମଧ୍ୟରେ କଂଗ୍ରେସର ୬ ଜଣ, ଶୀବସେନାର ୨ ଜଣ, ତୃଣମୂଳ କଂଗ୍ରେସର ୨ ଜଣ, ସିପିଏମର ଜଣେ ଓ ସିପିଆଇର ଜଣେ ସାଂସଦ ରହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗତ ମୌସୁମି ଅଧିବେଶନ ବେଳେ ୧୧ ଅଗଷ୍ଟରେ ଇନସୁରାନ୍ସ ବିଲ୍ ଉପରେ ଚର୍ଚ୍ଚାବେଳେ ରାଜ୍ୟସଭାରେ ଜୋରଦାର ହଙ୍ଗାମା ହୋଇଥିଲା । ସଂସଦ ଭିତରେ ହାତାହାତିର ଅଭିଯୋଗ ମଧ୍ୟ ହୋଇଥିଲା । ଏପରିକି ହଟ୍ଟଗୋଳକୁ ଅଟକାଇବା ପାଇଁ ମାର୍ଶାଲଙ୍କୁ ମଧ୍ୟ ଡକାଯାଇଥିଲା । ସେଦିନ ହଙ୍ଗାମାକୁ ନେଇ ଦୁଃଖ ଜାହିର କରି ଦୁଃଖ ପ୍ରକାଶ କରିଥିଲେ ଉପରାଷ୍ଟ୍ରପତି ଭେଙ୍କୟା ନାଇଡୁ । ସେପଟେ ସଂସଦରୁ ନୀଲମ୍ବିତ ହେବା ପରେ ଶୀବସେନା ସାଂସଦ ପ୍ରିୟଙ୍କା ଚତୁର୍ବେଦୀ କହିଛନ୍ତି ଏହା ଲୋକତନ୍ତ୍ରର ହତ୍ୟା ।