କନକ ବ୍ୟୁରୋ : ପ୍ରଳୟଙ୍କାରୀ ବାତ୍ୟା ଫୋନି ରାଜ୍ୟର ଅଧା ଜିଲ୍ଲାକୁ ଛାରଖାର କରିଦେଇଛି । ଖାସକରି ପୁରୀ, ଖୋର୍ଦ୍ଧା ଓ କଟକ ଜିଲ୍ଲାରେ ଫୋନିର ପ୍ରକୋପ ଅଧିକ ଦେଖିବାକୁ ମିଳିଛି । ଆଉ ଏସବୁ ଭିତରେ ବାତ୍ୟା ଫୋନିରେ ପାଖାପାଖି ୧୨ ହଜାର କୋଟି ଟଙ୍କାର କ୍ଷୟକ୍ଷତି ହୋଇଥିବା ରାଜ୍ୟ ସରକାରଙ୍କ ପକ୍ଷରୁ ପ୍ରାଥମିକ ରିପୋର୍ଟରୁ ପ୍ରକାଶ ପାଇଛି । ପ୍ରାଥମିକ କ୍ଷୟକ୍ଷତି ରିପୋର୍ଟର ଆକଳନ ଅନୁଯାୟୀ, ରାଜ୍ୟରେ ୧୧,୯୪୨ କୋଟି ଟଙ୍କାର କ୍ଷତି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସରକାରଙ୍କ ପକ୍ଷରୁ ଯେଉଁ ପ୍ରାଥମିକ ରିପୋର୍ଟ ପ୍ରକାଶ କରାଯାଇଛି ସେଥିରେ କେଉଁ ବିଭାଗର କେତେ ଟଙ୍କାର ସମ୍ପତି ନଷ୍ଟ ହୋଇଛି ତାହାର ରିପୋର୍ଟ ପ୍ରକାଶ କରାଯାଇଛି । ଏହି ରିପୋର୍ଟକୁ ଆଜି କେନ୍ଦ୍ରୀୟ ଟିମକୁ ଦେବେ ରାଜ୍ୟ ସରକାର । ଏପରିକି କେନ୍ଦ୍ରୀୟ ଟିମ୍ ସହ କ୍ଷୟକ୍ଷତି ନେଇ ଆଲୋଚନା କରିବେ ରାଜ୍ୟ ସରକାର । ଭିତ୍ତିଭୂମି, ଟେଲି କମ୍ୟୁନିକେସନ ଓ ଚାଷ ଜମି ବାତ୍ୟାରେ ଅଧିକ କ୍ଷତିଗ୍ରସ୍ତ ହୋଇଥିବା ସରକାରଙ୍କ ରିପୋର୍ଟରେ କୁହାଯାଇଛି ।