ଦଶମ ଓ ଦ୍ୱାଦଶ ଶ୍ରେଣୀ ପରୀକ୍ଷା ସ୍ଥଗିତ ରଖିଲେ ଗୁଜୁରାଟ ସରକାର , ପ୍ରଥମରୁ ଏକାଦଶ ଶ୍ରେଣୀର ପିଲାଙ୍କୁ ବିନାପରୀକ୍ଷାରେ ପାସ୍
କନକ ବ୍ୟୁରୋ : କରୋନା କାଳରେ ପରୀକ୍ଷା ସମ୍ଭବ ନୁହେଁ ବୋଲି ବିଚାର କରି ବଭିନ୍ନ ରାଜ୍ୟ ସରକାରମାନେ ରାଜ୍ୟରେ ଦଶମ ଓ ଦ୍ୱାଦଶ ଶ୍ରେଣୀ ପରୀକ୍ଷାକୁ ସ୍ଥଗିତ ରଖୁଛନ୍ତି । ଏହି କ୍ରମରେ ଆଜି ଗୁଜୁରାଟ ସରକାର ଆସନ୍ତା ମେ ୧୦ ତାରିଖରୁ ଅନୁଷ୍ଠିତ ହେବାକୁ ଥିବା ବୋର୍ଡ ଓ କାଉଁସିଲ ପରୀକ୍ଷାକୁ ସ୍ଥଗିତ ରଖିଛନ୍ତି । ଗୁଜୁରାଟ ଏସଏଚଏସଇବି ର ସଦସ୍ୟମାନେ ଆଜି ଏକ ବୈଠକ କରି ଏଭଳି ନିଷ୍ପତ୍ତି ନେଇଛନ୍ତି । ଅନ୍ୟପଟେ ପ୍ରଥମରୁ ଏକାଦଶ ଶ୍ରେଣୀର ପିଲାଙ୍କ ପାଇଁ ହେବାକୁ ଥିବା ପରୀକ୍ଷା ବାତିଲ କରାଯାଇ ସେମାନଙ୍କୁ ବିନାପରୀକ୍ଷାରେ ପାସ୍ କରିଦିଆଯିବା ନେଇ ନିଷ୍ପତ୍ତି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
In the wake of COVID-19 pandemic, Gujarat Govt decides to postpone Class 10 & 12 board examinations, scheduled to be held between May 10 to 25, and mass promotion for students of std 1 to 9 & 11. The new dates will be announced after reviewing the coronavirus situation on May 15.
— CMO Gujarat (@CMOGuj) April 15, 2021
ଅନ୍ୟପଟେ ଦଶମ ଓ ଦ୍ୱାଦଶ ଶ୍ରେଣୀ ପରୀକ୍ଷା କେବେ ହେବ ସେ ନେଇ ୨ ରୁ ୩ ସପ୍ତାହ ପରେ ବିଚାର କରାଯିବ ବୋଲି କୁହାଯିବା ସହ ପରୀକ୍ଷା ନିଶ୍ଚିତ ଭାବେ ଡେରିହେବ ବୋଲି ସୂଚନା ଦିଆଯାଇଛି ।
କହିରଖୁ କି କରୋନା ସଂକ୍ରମଣ ଦୃତହାରରେ ବୃଦ୍ଧି ପାଉଥିବା ବେଳେ ଗତ ୨୪ ଘଂଟା ମଧ୍ୟରେ ଗୁଜୁରାଟରେ ୪୬୯୫ ଜଣ ସଂକ୍ରମିତ ଚିହ୍ନଟ ହୋଇଛନ୍ତି ଓ ୭୩ ଜଣଙ୍କର ମୃତ୍ୟୁ ହୋଇଛି ।