ଆଜି ୧୦ ରାଜ୍ୟର ୧୪ଟି ଆସନରେ ଉପ ନିର୍ବାଚନ ! ୟୁପିର କୈରାନା, ମହାରାଷ୍ଟ୍ରର ପାଲଘର, ବାନ୍ଦ୍ରା ଗୋନ୍ଦିୟା ଓ ନାଗାଲାଣ୍ଡ ଲୋକସଭା ଆସନରେ ଚାଲିଛି ଭୋଟ୍ ଗ୍ରହଣ
କନକ ବ୍ୟୁରୋ : ଆଜି ୧୦ଟି ରାଜ୍ୟର ୪ଟି ଲୋକସଭା ଓ ୧୦ଟି ବିଧାନସଭା ଆସନ ପାଇଁ ହେଉଛି ଉପନିର୍ବାଚନ । ଆଜି ୟୁପିର କୈରାନା, ମହାରାଷ୍ଟ୍ରର ପାଲଘର ଓ ବାନ୍ଦ୍ରା ଗୋଣ୍ଡିଆ, ନାଗାଲାଣ୍ଡ ଲୋକସଭା ଆସନ ପାଇଁ ହେଉଛି ଉପନିର୍ବାଚନ । ସେହିପରି ୟପୁିର ନୁରପୁର, ପଞ୍ଜାବର ଶାହକୋଟ,ବିହାରର ଜୋକିହାଟ, ଝାଡଖଣ୍ଡର ଗୋମିଆ ଓ ସିଲ୍ଲି, କେରଳର ଛେଙ୍ଗାନୁର, ମହାରାଷ୍ଟ୍ରର ପାଲୁସ୍ କୋଡେଗାଓଁ, ମେଘାଳୟର ଅମ୍ପତି, ଉତରାଖଣ୍ଡର ଥରାଲି, ପଶ୍ଚିମବଙ୍ଗର ମାହେଶତାଲା ବିଧାନସଭା ଆସନ ପାଇଁ ହେଉଛି ଭୋଟଗ୍ରହଣ ।
Kanak News is now on WhatsApp
Join and get latest news updates delivered to you via WhatsApp
ଏହା ସହିତ କର୍ଣ୍ଣାଟକ ନିର୍ବାଚନରେ ନକଲି ଭୋଟ ପରିଚୟ ପତ୍ର ମିଳିବା ପରେ ସ୍ଥଗିତ ଥିବା ରାଜେଶ୍ୱରୀ ନଗର ପାଇଁ ହେବ ମଧ୍ୟ ମତଦାନ ହେଉଛି । ତେବେ ୨୦୧୯ ନିର୍ବାଚନ ପୂର୍ବରୁ ୟୁପିର କୈରାନା ବିଜେପି ପାଇଁ ଅଗ୍ନିପରୀକ୍ଷା ବୋଲି କୁହାଯାଉଛି । ଗୋରଖପୁର ଓ ଫୁଲପୁର ଉପନିର୍ବାଚନ ହାରିବା ପରେ ବିଜେପି କୈରାନା ଆସନ ଦଖଲ କରିବା ପାଇଁ ପୂରା କସରତ ଲଗାଇ ଦେଇଛି । ସେହିପରି ମହାରାଷ୍ଟ୍ରର ପାଲଘର ଓ ବାନ୍ଦ୍ରା ଗୋଣ୍ଡିୟା ଲୋକସଭା ଉପନିର୍ବାଚନ ବିଜେପି ପାଇଁ ଗୁରୁତ୍ୱପୂର୍ଣ୍ଣ ପାଲଟିଛି । ରାଜ୍ୟରେ ବିଜେପି ଓ ଶିବସେନା ମେଂଟ ସରକାର ଥିବା ସତ୍ୱେ ଉଭୟ ଦଳ ପରସ୍ପର ବିରୋଧରେ ନିର୍ବାଚନ ଲଢ଼ୁଛନ୍ତି । ଏହି ଉପନିର୍ବାଚନକୁ ନେ ବିଜେପି ବନାମ ବିରୋଧୀଙ୍କ ମେଂଟ ଚର୍ଚ୍ଚାରେ ରହିଛି ।