ରାଜ୍ୟପାଳଙ୍କ ଉପରେ କହିଲେ ଟିଏମସି ସାଂସଦ ମହୁଆ ମୈତ୍ରା “ ଅଙ୍କଲ,ତୁମେ ତୁମର ପୁରା ଗାଁ ଓ ଖାନଦାନକୁ ରାଜଭବନ ନେଇ ଆସ”
ରାଜ୍ୟପାଳଙ୍କ ଉପରେ ମହୁଆ ମୈତ୍ରାଙ୍କ କଠୋର ମନ୍ତବ୍ୟ
କନକ ବ୍ୟୁରୋ : ପଶ୍ଚିମବଙ୍ଗ ରାଜ୍ୟପାଳ ଜଗଦୀପ୍ ଧନଖଡେଙ୍କ ଉପରେ କିଛିଦିନ ତଳେ ତାଙ୍କ ରାଜଭବନର ଓଏସଡି ପଦ ପାଇଁ ଖାଲି ପଡିଥିବା ପଦରେ ତାଙ୍କ ପରିବାର ଓ ସଂପର୍କୀୟଙ୍କୁ ନିଯୁକ୍ତି ଦେଇଥିବା ଅଭିଯୋଗ ହୋଇଥିଲା ଏହାକୁ ନେଇ ତୃଣମୂଳ କଂଗ୍ରେସ ସାଂସଦ ମହୁଆ ମୈତ୍ରା ଆଜି କିଛି ଏମିତି ବୟାନ ଦେଇଛନ୍ତି ଯାହା କି ରାଜ୍ୟସରକାର ଓ ସେଠିକାର ରାଜ୍ୟପାଳଙ୍କ ଭିତରେ ଥିବା ସଂପର୍କକୁ ପଦାରେ ପକାଇଛି । ମହୁଆ କହିଛନ୍ତି କି, ଅଙ୍କଲ, ତୁମେ ରାଜଭବନରେ ଏକୁଟିଆ ନରହି ପୁରା ପରିବାର ଓ ଗାଁ ଲୋକଙ୍କୁ ନେଇ ଆସନ୍ତୁ ।
Kanak News is now on WhatsApp
Join and get latest news updates delivered to you via WhatsApp
ଖାଲି ଏତିକି କହି ନାହାନ୍ତି ସେ ଆହୁରି ଆଗକୁ ଯାଇ କହିଛନ୍ତି ଯେ, ଅଙ୍କଲ ଖୋଲା ଖୋଲି ଭାବେ ତାଙ୍କ ପରିବାର ଓ ପରିଚିତ ଲୋକଙ୍କୁ ରାଜଭବନର ବିଶେଷ ପଦ କୋଷାଗାର (ଓଏସଡି) ରେ ନିଯୁକ୍ତି ଦେଇଛନ୍ତି ।
ମହୁଆ ରାଜ୍ୟପାଳଙ୍କୁ ଟ୍ୱିଟରରେ ବି ଟାର୍ଗେଟ୍ କରିଛନ୍ତି । ରାଜଭବନରେ ଓଏସଡି ପଦବୀରେ ରାଜ୍ୟପାଳଙ୍କ ପରିବାର ଓ ପରିଚିତ ଲୋକଙ୍କ ନାମ ବି କହିଛନ୍ତି ।
And Uncleji- while you’re at it- take the extended family you’ve settled in at WB RajBhavan with you. pic.twitter.com/a8KpNjynx9
— Mahua Moitra (@MahuaMoitra) June 6, 2021
“ପଶ୍ଚିମବଙ୍ଗର ଆଇନ ବ୍ୟବସ୍ଥା ଚିନ୍ତା ଜନକ” ରାଜ୍ୟପାଳଙ୍କ ଏଭଳି ଟ୍ୱିଟର ଉତ୍ତର ଦେବାକୁ ଯାଇ ମହୁଆ କହିଛନ୍ତି ଯେ “ଅଙ୍କଲଜୀ ପଶ୍ଚିମବଙ୍ଗର ଚିନ୍ତାଜନକ ସ୍ଥତି ଆପେ ସୁଧୁରିଯିବ , କ୍ଷମା କରି ଯଦି ଆପଣ ପଶ୍ଚିମବଙ୍ଗର ରାଜ୍ୟପାଳ ପଦରୁ ଉହୁରି ଯିବେ ।” ଏତିକିରେ କଥା ସରି ନଥିଲା । ମହୁଆ ଆଜି ରାଜ୍ୟପାଳଙ୍କ ଉପରେ କଠୋର ହୋଇ କହିଛନ୍ତି କି ରାଜ୍ୟପାଳ ପଦବୀ ଛାଡି ତୁମେ ଦିଲ୍ଲୀରେ ନୂଆ ଚାକିରୀ ଖୋଜ । ଯେମିତି କି, ଗୃହମନ୍ତ୍ରୀଙ୍କ ନିକଟରେ ପରାମର୍ଶଦାତା ଭାବେ ମହାମାରୀ ଭଳି ବିପଦ ସମୟରେ କିଭଳି ଲୁଚି ରହିହେବ ସେ ନେଇ ସେ ନେଇ ପରାମର୍ଶ ଦିଅ ।
କହିରଖୁ ପଶ୍ଚିମବଙ୍ଗ ରାଜ୍ୟପାଳ ଓ ପଶ୍ଚିମବଙ୍ଗ ଟିଏମସି ସରକାର ମଧ୍ୟରେ ବିଭିନ୍ନ ପ୍ରସଙ୍ଗକୁ ନେଇ ମତାନ୍ତର ଓ ପରସ୍ପର ବିରୋଧୀ ମନ୍ତବ୍ୟ ଚଳିତ ନିର୍ବାଚନ ପୂର୍ବରୁ ଜାରି ରହିଛି ।