‘ଅଳସୀ’ ଡାକୁଛି ଆ… କୁହୁଡିର ଚାଦର ପିନ୍ଧି କୋରାପୁଟ ଛାତିରେ ଝୁଲିଝୁଲି ଶୀତୁଆ ସକାଳର ସୂର୍ଯ୍ୟ ପହୁଁଛି ଅଳସୀ ଫୁଲ । ପ୍ରକୃତିର ହଳଦୀ ରଙ୍ଗ ଦେଖି ହୃଦୟ ହେଉଛି ଚୋରି…
କନକ ବ୍ୟୁରୋ: ସକାଳର କୁହୁଡି ସାଙ୍ଗକୁ ସବୁଜିମାରେ ଭରା ପାହାଡ । ଆଉ ଅଳସୀ ଫୁଲରେ ସୂର୍ଯ୍ୟଙ୍କ ପହିଲି କିରଣ ପଯ୍ୟଟକଙ୍କୁ ମତୁଆଲା କରୁଛି । ପଯ୍ୟଟକ ହୁଅନ୍ତୁ କି ପଥଚାରୀ । ସମସ୍ତଙ୍କ ଆଳସ୍ୟକୁ ଦୂର କରି ଆନମନା କରୁଛି ଅଳସୀ ଫୁଲର ଅପୂର୍ବ ସମ୍ଭାର ।
Kanak News is now on WhatsApp
Join and get latest news updates delivered to you via WhatsApp
ମୁଁ ଅଳସୀ, ଅନ୍ୟଙ୍କ ଆଳସ୍ୟ ଭାଙ୍ଗେ, ଦେଖଣାହାରୀଙ୍କୁ ଆନମନା କରେ… କବିଙ୍କୁ ଭାବୁକ କରେ.. ପାହାଡ ଉପରେ ଅଳସୀ ଫୁଲର ଅପୂର୍ବ ସମ୍ଭାର ପଯ୍ୟଟକଙ୍କୁ ଆକୃଷ୍ଟ କରେ । ଧରାରେ ଶୀତୁଆ ସକାଳର କୁହୁଡି ବୋଳା ଚାଦର ଆଉ ଉପରେ ନୀଳ ଆକାଶ । ଏହାରି ଭିତରେ ସବୁଜିମା ଭରା ପାହାଡ ମଝିରେ ଅଳସୀ ଫୁଲର ସମ୍ଭାର । ଫୁଲରେ ସୂର୍ଯ୍ୟଙ୍କ ପହିଲି କିରଣ ପୁରା ପରିବେଶକୁ ମତୁଆଲା କରୁଛି । ଆଉ କୋରାପୁଟ ଜିଲ୍ଲାର ପ୍ରାକୃତିକ ପରିବେଶକୁ ଉପଭୋଗ କରିବାକୁ ଆସୁଥିବା ପର୍ଯ୍ୟଟକ ନିଜ କ୍ୟାମେରାରେ ଫୁଲେଇ ଅଳସୀ ଫୁଲର ସୌନ୍ଦଯ୍ୟକୁ କଏଦ କରୁଛି ।
କୋରାପୁଟର ପ୍ରାକୃତିକ ସୌନ୍ଦଯ୍ୟ ଓ ପରିବେଶ ବର୍ଷ ତମାମ ପଯ୍ୟଟକଙ୍କୁ ଆକୃଷ୍ଟ କରେ । କିନ୍ତୁ ଶୀତ ଦିନ ଆହୁରି ଅଧିକ ସୁନ୍ଦର ଦେଖାଯାଏ । କୋରାପୁଟର ଏହି ଅପୂର୍ବ ସୌନ୍ଦଯ୍ୟ ଆଉ ଏ ଅଳସୀ ଫୁଲ କବି ଓ ଲେଖକଙ୍କୁ ଶବ୍ଦ ଯୋଗାଏ । କଳାକାର ଟିଏ ପାଇଁ କିଛି ନୂଆ ଚିନ୍ତା କରିବାର ବାଟ ଦେଖାଇଥାଏ ।