ଆଜି ଭୁବନେଶ୍ୱରରେ ସୃଷ୍ଟି ହେବ ଶୂନ୍ୟ ଛାୟା ଅବସ୍ଥା ! ଖରାରେ ଛିଡା ହେଲେ ବି ଦେଖାଯିବନି ଛାଇ, ଜାଣନ୍ତୁ କେତେବେଳେ ସୃଷ୍ଟି ହେବ ଏଭଳି ଅବସ୍ଥା
କନକ ବ୍ୟୁରୋ : ଆଜି ଭୁବନେଶ୍ୱରରେ ହେବ ବିନା ଛାଇର ଦିନ । ଅଥାର୍ତ ନିଜ ଛାଇ ନିଜେ ଦେଖିପାରିବେନି । ରାଜଧାନୀରେ ଦିନ ୧୧ଟା ୪୩ ମିନିଟ୍ ବେଳକୁ ଏହି ସ୍ଥିତି ସୃଷ୍ଟି ହେବ । ଖରାରେ ଠିଆ ହେଲେ ବି ଆପଣଙ୍କ ଛାଇ ଦେଖାଯିବ ନାହିଁ । ଏହା ପଛରେ କାରଣ ହେଉଛି ସୂର୍ଯ୍ୟ ଓ ସେହି ସ୍ଥାନର ଅବସ୍ଥିତି । ଯେତେବେଳେ ସୂର୍ଯ୍ୟ କୌଣସି ସ୍ଥାନର ଅବସ୍ଥିତି ଅର୍ଥାତ ଅକ୍ଷାଂଶ ଓ ଦ୍ରାଘିମାରେ ଅବସ୍ଥାନ କରନ୍ତି, ସେତେବେଳେ ସେହି ସ୍ଥାନରେ ଛାଇ ଦୃଶ୍ୟମାନ ହୁଏ ନାହିଁ । ଏହାକୁ ଶୂନ୍ୟ ଛାୟା ଅବସ୍ଥା ବୋଲି କୁହାଯାଏ । ଏହି ଦିନକୁ ଶୂନ୍ୟ ଛାୟା ଦିବସ କୁହାଯାଏ ।
Kanak News is now on WhatsApp
Join and get latest news updates delivered to you via WhatsApp
ଆଜି ୧୧ଟା ୪୩ ମିନିଟରେ ଭୁବନେଶ୍ୱରରେ ଏହି ସ୍ଥିତି ରହିବ । ସେହିପରି କଟକରେ ମେ ୨୨ ତାରିଖ ଦିନ ୧୧ଟା ୪୩ ମିନିଟ୍ରେ, ବଲାଙ୍ଗିରରେ ମେ ୨୩ ତାରିଖ ଦିନ ୧୧ଟା ୫୪ ମିନିଟ୍ ଓ ବାରିପଦାରେ ମେ ୩୧ ତାରିଖରେ ଦିନ ୧୧ଟା ୪୧ ମିନିଟରେ ଶୂନ୍ୟ ଛାୟା ଅବସ୍ଥା ରହିବ । ଅନ୍ୟ ସ୍ଥାନ ଗୁଡିକର ଶୂନ୍ୟ ଛାୟା ସମୟ ମଧ୍ୟ ଗଣନା କରିହେବ । ଭୁବନେଶ୍ୱର ସ୍ଥିତ ପଠାଣୀ ସାମନ୍ତ ପ୍ଲାନେଟୋରିଅମରେ ଶୂନ୍ୟ ଛାୟା ଦିବସ ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । ଏହି ବିରଳ ଦୃଶ୍ୟକୁ ଆପଣ ଘରେ ମଧ୍ୟ ଦେଖିପାରିବେ ।