ଚଳିତ ମାସ ୩୦ତାରିଖରେ ବିବାହ ବନ୍ଧନରେ ଆବଦ୍ଧ ହେବେ ୟୁବି ଓ ହେଜଲ୍
କ୍ରିକେଟ୍ ଖେଳାଳି ଯୁବରାଜ ସିଂହ ଓ ବଲିଉଡର ହେଜଲ୍ କିଚଙ୍କ ପ୍ରେମକାହାଣୀ ଏବେ ବିବାହର ମୋଡରେ ଆସି ପହଂଚିଛି । ଏହି ଦୁଇ ପ୍ରେମୀଯୁଗଳ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି । ଚଳିତ ମାସ ୩୦ ତାରିଖରେ ଭଭୟ ବିବାହ କରିବାକୁ ଯାଉଛନ୍ତି । ଏହି ପ୍ରେମୀଯୁଗଳ ଥରେ ନୁହେଁ ଦୁଇଥର ବିବାହ କରିବେ ।
Kanak News is now on WhatsApp
Join and get latest news updates delivered to you via WhatsApp
ପ୍ରଥମେ ଚଣ୍ଡୀଗଡ଼ର ଏକ ଗୁରୁଦ୍ୱାର ଏବଂ ଦ୍ୱିତୀୟଥର ଗୋଆରେ ହିନ୍ଦୁ ରୀତିନୀତି ଅନୁଯାୟୀ ବିବାହ କାର୍ଯ୍ୟକ୍ରମ ଆୟୋଜନ କରାଯିବ । ଚଣ୍ଡୀଗଡ଼ରେ ୟୁବିଙ୍କ ପରିବାର ବିବାହ କାର୍ଯ୍ୟକ୍ରମ ଆୟୋଜନ କରିବାକୁ ଥିବା ବେଳେ ଗୋଆରେ ହେଜଲଙ୍କ ପରିବାର ଲୋକେ ମଧ୍ୟ ତାଙ୍କ ରୀତିନୀତି ଅନୁଯାୟୀ ବିବାହ କାର୍ଯ୍ୟକ୍ରମ ଆୟୋଜନ କରୁଛନ୍ତି ।
ସୂଚନା ମୁତାବକ ଭାରତୀୟ କ୍ରିକେଟ୍ ଦଳକୁ ମଧ୍ୟ ୟୁବରାଜଙ୍କର ବିବାହ କାର୍ଯ୍ୟକ୍ରମରେ ସାମିଲ ହେବା ପାଇଁ ଆମନ୍ତ୍ରଣ କରାଯାଇଛି । ବିବାହ ପରେ ଦିଲ୍ଲୀର ଏକ ହୋଟେଲରେ ଭବ୍ୟଭୋଜିର ଆୟୋଜନ କରାଯାଇଛି । ଏମାନଙ୍କ ବିବାହ ଭୋଜିରେ ବହୁ ନାମୀଦାମୀ ବ୍ୟକ୍ତି ସାମିଲ ହେବାର କାର୍ଯ୍ୟକ୍ରମ ରହିଛି ।