ମୃତ୍ୟୁ ସହ ଏକ ଘଂଟାର ଲଢେଇ ! କେବୁଲ କାମ ଚାଲିଥିବା ବେଳେ ବିଦ୍ୟୁତ ଖୁଣ୍ଟ ଉପରେ ଅଚେତ ହୋଇଗଲେ ଶ୍ରମିକ । ୬୦ ଫୁଟ ଉଚ୍ଚରୁ ଉଦ୍ଧାର କଲା ଅଗ୍ନିଶମ ବିଭାଗ
କନକ ବ୍ୟୁରୋ: ମୃତ୍ୟୁ ସହ ଏକ ଘଂଟାର ଲଢେଇ । ବିଦ୍ୟୁତ ବିଭାଗର ଖାମଖିଆଲ ମନୋଭାବ ଓ ଠିକାଦାରଙ୍କ ଅବହେଳା ଯୋଗୁଁ ମୃତ୍ୟୁ ସହ ଲଢେଇ କରି ନୂଆ ଜୀବନ ପାଇଲେ ଯୁବକ । ଅଳ୍ପକେ ବର୍ତିଗଲା ଜୀବନ । ନବରଙ୍ଗପୁର ଉମରକୋଟ ମୁଖ୍ୟ ରାସ୍ତାରେ ପୁରୁଣା ତାର ବଦଳାଯାଇ ନୂଆ କେବୁଲ ବଦଳା କାମ ଚାଲିଥିଲା । କାମ କରିବାକୁ ୬୦ ଫୁଟ ଉଚ ବିଦ୍ୟୁତ ଖୁଂଟ ଉପରକୁ ଚଢିଥିଲେ ଦୁଇ ଶ୍ରମିକ ।
Kanak News is now on WhatsApp
Join and get latest news updates delivered to you via WhatsApp
ତେବେ କାମ କରୁଥିବା ସମୟରେ ହଠାତ ଜଣେ ଶ୍ରମିକଙ୍କ ମୁଣ୍ଡ ବୁଲେଇବା ଫଳରେ ଖୁଂଟ ଉପରେ ଅଚେତ ହୋଇପଡିଥିଲେ । ଫଳରେ ଶ୍ରମିକ ଜଣ ଖୁଂଟରୁ ଓହ୍ଲାଇପାରିନଥିଲେ । ଦୀର୍ଘ ଏକ ଘଂଟା ଧରି ଖୁଂଟ ଉପରେ ଅଚେତ ରହିଥିଲେ ଶ୍ରମିକ । ଖବର ପାଇ ଦମକଳ ବିଭାଗ ଘଟଣା ସ୍ଥଳରେ ପହଚିଂ ତାଙ୍କୁ ଉଦ୍ଧାର କରିବା ପରେ ଅଳ୍ପକେ ବର୍ତିଯାଇଥିଲେ । ବିନା ସେଫ୍ଟି ବେଲ୍ଟ ଓ ବିନା ହେଲମେଟରେୀ ଏଭଳି ବିପଦପୂର୍ଣ୍ଣ ଭାବେ କାମ କରୁଥିବାରୁ ବିଦ୍ୟୁତ ବିଭାଗକୁ ଏନେଇ ଦାୟୀ କରାଯାଇଛି ।