ଝାରସୁଗୁଡା ବ୍ରଜରାଜନଗରରେ ଦୁର୍ବୃତ୍ତଙ୍କ ଗୁଳିମାଡ। ସ୍ଥାନୀୟ ଯୁବକ ଅମିତ ଧଳ ଗୁରୁତର ଆହତ ପରେ ଡାକ୍ତରଖାନାରେ ହେଲା ମୃତ୍ୟୁ
ପୋଲିସର ତନାଘନା, ପୂର୍ବ ଶତ୍ରୁତାରୁ ହତ୍ୟା ସୂଚନା
କନକ ବ୍ୟୁରୋ: ଝାରସୁଗୁଡା ବ୍ରଜରାଜନଗର ଅଂଚଳରେ ଫୁଟିଛି ଗୁଳି । ସ୍ଥାନୀୟ ବସଷ୍ଟାଣ୍ଡ ଅଂଚଳରେ ଦୁଇ ଜଣ ଦୁବୃର୍ତ ବାଇକରେ ଆସି ବ୍ରଜରାନଗର ବାସିନ୍ଦା ଅମିତ ଧଳ ଉପରକୁ ୫ ରାଉଣ୍ଡ ଗୁଳି ମାଡ କରିଥିଲେ । ଏହି ଗୁଳି ଅମିତଙ୍କ ପିଠି, ହାତ ଓ ଛାତିରେ ବାଜିଥିଲା । ତେବେ ଗୁରୁତର ଅବସ୍ଥାରେ ଅମିତଙ୍କୁ ପ୍ରଥମେ ମଣ୍ଡଳିଆ ଡାକ୍ତରଖାନାରେ ପ୍ରାଥମିକ ଚିକିତ୍ସା ପେର ବୁର୍ଲା ବଡଡାକ୍ତରଖାନା ସ୍ଥାନାନ୍ତର କରାଯାଉଥିଲା । କିନ୍ତୁ ବାଟରେ ଅମିତଙ୍କ ମୃତ୍ୟୁ ଘଟିଥିଲା ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ସଂଧ୍ୟାରେ ବସଷ୍ଟାଣ୍ଡ ନିକଟରେ ଅମିତ ଧଳ ତାଙ୍କ ସାଙ୍ଗମାନଙ୍କ ସହ ବସିଥିବା ବେଳେ ଦୁଇ ଜଣ ଦୁର୍ବୃତ ବାଇକରେ ଆସି ଗୁଳିମାଡ କରି ଫେରାର ହୋଇଯାଇଥିଲେ । ପୋଲିସ ଖବର ପାଇ ଘଟଣାର ତଦନ୍ତ ଆରମ୍ଭ କରିଛି । ପ୍ରାଥମିକ ତଦନ୍ତ ଅନୁସାରେ ପୂର୍ବ ଶତ୍ରୁତାରୁ ଏହି ଗୁଳିକାଣ୍ଡ ଘଟିଥିବା ସନ୍ଦେହ କରୁଛି ପୋଲିସ । ଅନ୍ୟପଟେ ଗତ ୧୦ ତାରଖରେ ମଣ୍ଡଳିଆଠରେ ମଧ୍ୟ ଏକ ଗୁଳିକାଣ୍ଡ ହୋଇଥିଲା । ଏହାର ଅଭିଯୁକ୍ତଙ୍କୁ ପୋଲିସ ଏଯାଏଁ ଧରିପାରି ନଥିବା ବେଳେ ଗତକାଲିର ଏହି ହତ୍ୟାକାଣ୍ଡ ପୋଲିସ ପାଇଁ ଚ୍ୟାଲେଂଜ ସୃଷ୍ଟି କରିଛି ।