ଆପଣଙ୍କୁ ଠିକ୍ ସମୟରେ ଦରମା ମିଳୁନାହିଁ କି ? ତେବେ ଜାଣି ରଖନ୍ତୁ ଏହି ୫ଟି ଅଧିକାର ବିଷୟରେ, ତୁରନ୍ତ ଟଙ୍କା ଦେବାକୁ ବାଧ୍ୟହେବ କଂପାନୀ

29

କିଛି କଂପାନୀ ଏଭଳି ବି ଥାନ୍ତି କି, ସେମାନେ କର୍ମାଚୀରଙ୍କୁ ନିଯୁକ୍ତି ଦେଇଥାନ୍ତି ସତ ହେଲେ ତାଙ୍କୁ ତାଙ୍କର ପାରଶ୍ରମିକ ଦେବାକୁ କୁଣ୍ଠାବୋଧ କରିଥାନ୍ତି । ସେହିପରି କିଛି କଂପାନୀ ତ ଯଦି କୌଣସି କର୍ମଚାରୀଙ୍କର ଚାକିରି ଛାଡିବାର ରହିଛି ଠିକ୍ ଏହି ସମୟରେ ହିଁ ତାଙ୍କ ଦରମାକୁ ରୋକି ଦେଇଥାନ୍ତି । ଖାଲି ଏତିକି ନୁହେଁ କିଛି କଂପାନୀ ତ କର୍ମଚାରୀଙ୍କୁ ବିନା କୌଣସି କାରଣରୁ ବାହାର ବି କରିଦେଇଥାନ୍ତି । ଏପରିକି ତାଙ୍କର ଦରମାକୁ ମଧ୍ୟ ଦେବାକୁ ରୋକ୍ ଠୋକ୍ ମନା କରିଦେଇଥାନ୍ତି । ତେବେ ଏଭଳି ପରିସ୍ଥିତିରେ କର୍ମଚାରୀ ଜଣକ ନିଜକୁ ବହୁତ ଅସହାୟ ମନେ କରିଥାଏ ।

ତେଣୁ ଯଦି ଏଭଳି ଘଟଣା ଆପଣଙ୍କ ସହ ଘଟୁଛି କିମ୍ବା ଆପଣଙ୍କର କୌଣସି ବନ୍ଧୁଙ୍କ ସହ ଘଟୁଥାଏ ତେବେ ଏଥିପାଇଁ ଆଦୌ ବ୍ୟସ୍ତ ହୁଅନ୍ତୁ ନାହିଁ । କାରଣ ସରକାର କର୍ମଚାରୀଙ୍କୁ ଏଭଳି କିଛି ଅଧିକାର ଦେଇଛନ୍ତି, ଯାହାକୁ ଆଧାର କରି ଜଣେ କର୍ମଚାରୀ ତାଙ୍କର ଟଙ୍କା ଫେରିପାଇବେ । ତେବେ ଆସନ୍ତୁ ଜାଣିବା ଏହି ଅଧିକାରୀ ସଂପର୍କରେ।

• ଯଦି ଆପଣଙ୍କ କଂପାନୀ ଦରମା ଦେବାକୁ ମନା କରୁଛି ତେବେ ଆପଣ ତାଙ୍କୁ ଲିଗାଲ ନୋଟିସ୍ ପଠାଇପାରିବେ । ଏଥିପାଇଁ ଆପଣଙ୍କୁ ଜଣେ ଭଲ ଆଇନଜୀବୀର ପରାମର୍ଶ ଲୋଡିବାକୁ ପଡିବ, ଯିଏ କି ଏସଂକ୍ରାନ୍ତରେ ଅଭିଜ୍ଞ ଥିବେ ।

• ଏହାଛଡା ଆପଣ କଂପାନୀ ସହ ବୁଝାମଣା ବି କରିପାରିବେ । କର୍ମଚାରୀଙ୍କୁ ପ୍ରଦାନ କରାଯାଉଥିବା ପାଖାପାଖି ସମସ୍ତ ଅଫର ଲେଟରରେ ଏଭଳି ଏକ ଭାଗ ରହିଛି , ଯେଉଁଥିରେ ଲେଖାଯାଇଥାଏ କି, କୌଣସି ବି ବିବାଦ ପରିସ୍ଥିତିରେ ମଧ୍ୟସ୍ଥତା ତଥା ବୁଝାମଣାର ରାସ୍ତା ଗ୍ରହଣ ଯୋଗ୍ୟ ।ଏହାଦ୍ୱାରା କର୍ମଚାରୀ ମଧ୍ୟସ୍ଥତା ଏବଂ ବୁଝାମଣା ଅଧିନିୟମ ୧୯୯୬ ନିୟମ ଅନୁସାରେ ଏଭଳି ମାମଲାକୁ ଆଗକୁ ବଢାଯାଇପାରିବ ।

• ଦରମା ନ ମିଳିବା ଉପରେ କର୍ମଚାରୀ ନିଜ ଜିଲ୍ଲାର ଶ୍ରମ ଆୟୋଗ ତଥା ଲେବର କମିସନରଙ୍କ ନିକଟକୁ ବି ଯାଇପାରିବେ । ଶ୍ରମ ଆୟୋଗ କର୍ମଚାରୀଙ୍କ ଅଧିକାର ପାଇଁ ଲଢିଥାନ୍ତି ।

• ଯଦି ଲେବର କମିସନର ଦ୍ୱାରସ୍ଥ ହେବା ସତ୍ୱେ ବି କୌଣସି ସୁଫଳ ନମିଳେ ତେବେ ଆପଣ କର୍ମଚାରୀ କୋର୍ଟର ଦ୍ୱାରସ୍ଥ ହୋଇପାରିବେ । କୋର୍ଟରେ ଇଣ୍ଡଷ୍ଟ୍ରିଆଲ ଡିସପ୍ୟୁଟ୍ ଆକ୍ଟ,୧୯୪୭ ର ଧାରା ୩୩(ସି) ଆଧାରରେ ମାମଲା ଦାଖଲ କରିପାରିବେ ।

• ଯଦି କୌଣସି କର୍ମଚାରୀ କଂପାନୀର କାର‌୍ୟ୍ୟକାରୀ ସ୍ତରର ଉଚ୍ଚ ସ୍ତରରେ ଅଛନ୍ତି ତେବେ ସେମାନେ ନାଗରିକ ପ୍ରକ୍ରିୟା ସଂଘିତା ୧୯୦୮ ଅନୁସାରେ ସିଭିଲ କୋର୍ଟରେ ମକଦ୍ଦମା ଦାୟର କରିପାରିବେ ।

• କୌଣସି କଂପାନୀ ବିରୋଧରେ କାର‌୍ୟ୍ୟାନୁଷ୍ଠାନ ନେବା ପୂର୍ବରୁ ଆପଣଙ୍କ ନିକଟରେ ଏହି ସବୁ ଦସ୍ତାବିଜ ଥିବା ଦରକାର

• କଂପାନୀ ବିରୋଧରେ ମାମଲା ଦାଖଲ କରିବା ପାଇଁ ହେଲେ ଆପଣଙ୍କ ନିକଟରେ ପ୍ରମାଣଥିବା ଦରକାର କି ଆପଣଙ୍କୁ ସେହି କଂପାନୀରେ ଚାକିରିରେ ରଖିଥିଲା ନା ନାହିଁ । ଏଥିପାଇଁ ଆପଣଙ୍କ ପାଖରେ କଂପାନୀ ତରଫରୁ ପଠାଯାଇଥିବା ଅଫର ଲେଟର କିମ୍ବା ଜବ କଂଟ୍ରାକ୍ଟ ଥିବା ନିହାତି ଦରକାର ।

• କଂପାନୀ ଆପଣଙ୍କୁ ଦରମା ଦେଉନି, ଏକଥାକୁ ପ୍ରମାଣିତ କରିବା ପାଇଁ ହେଲେ ଆପଣଙ୍କୁ ଆପଣଙ୍କର ବ୍ୟାଙ୍କ ଖାତାର ବିବରଣୀ ତଥା ବ୍ୟାଙ୍କ ଷ୍ଟେଟମେଂଟ ବି ଦେବାକୁ ପଡିବ ।

• ଯଦି କୌଣସି କଂପାନୀ ଫ୍ରଡ କରିଥାଏ ତେବେ ଉକ୍ତ କଂପାନୀ ବିରୋଧରେ ଧାରା ୪୪୭ ଅନୁସାରେ ମାମଲା ଦାଖଲ ହୋଇପାରେ ।

• ସେହିପରି, ଉକ୍ତ କଂପାନୀ ଯଦି ବାସ୍ତବରେ ଫ୍ରଡ ବୋଲି ପ୍ରମାଣିତ ହୋଇଯାଏ ତେବେ କର୍ମଚାରୀଙ୍କୁ ୬ ମାସରୁ ୧୦ ବର୍ଷ ପର‌୍ୟ୍ୟନ୍ତ ଜେଲ ଦଣ୍ଡାଦେଶ ହୋଇପାରେ । ଏମ୍ପେ୍ଲାଟ ଇଣ୍ଡିଆନ ପ୍ୟାନେଲ କୋଡ ଅନୁସାରେ, ଏମ୍ପେ୍ଲାୟରଙ୍କ ବିରୋଧରେ ଅପରାଧିକ ମାମଲା ବି ଦାଖଲ କରାଯାଇହେବ ।

ତେଣୁ ଏଥିପାଇଁ ଖାଲି ଆପଣଙ୍କର ମନୋବଳ ସୁଦୃଢ ରହିବା ନିହାତି ଆବଶ୍ୟକ । କିନ୍ତୁ ନିଜ ଅଧିକାର ସହିତ କର୍ତ୍ତବ୍ୟ ପ୍ରତି ମଧ୍ୟ ଗୁରୁ୍ତ୍ୱ ଦେବା ଉଚିତ ।

Comments are closed.