୩୧ ମେ’ ସୁଦ୍ଧା ବ୍ୟାଙ୍କ ଖାତାରେ ଜମା ନକଲେ ୩୪୨ ଟଙ୍କା । ତେବେ ଆପଣଙ୍କର ହୋଇପାରେ ୪ ଲକ୍ଷ ଟଙ୍କାର କ୍ଷତି

1,877

ଚଳିତ ମାସ ଶେଷ ସୁଦ୍ଧା ଅର୍ଥାତ୍ ୩୧ ମଇ ସୁଦ୍ଧା ଆପଣଙ୍କୁ ଆପଣଙ୍କର ବ୍ୟାଙ୍କ ଖାତାରେ ୩୪୨ ଟଙ୍କା ଜମା କରିବାକୁ ହେବ । ଯଦି ଆପଣ ଏଭଳି ନକରନ୍ତି ତେବେ ଆପଣଙ୍କୁ ଏଥିପାଇଁ ବଡ କ୍ଷତି ସହିବାକୁ ପଡିପାରେ । ତେବେ ଏହି ଖବର ସେହି ବ୍ୟକ୍ତିବିଶେଷମାନଙ୍କ ପାଇଁ ଯେଉଁମାନେ କି ପ୍ରଧାନମନ୍ତ୍ରୀ ଜୀବନ ଜ୍ୟୋତି ବୀମା ଯୋଜନା ଏବଂ ପ୍ରଧାନମନ୍ତ୍ରୀ ସୁରକ୍ଷା ବୀମା ଯୋଜନାର ଲାଭ ଉଠାଉଛନ୍ତି ।

କେନ୍ଦ୍ର ସରକାରଙ୍କ ପ୍ରଧାନମନ୍ତ୍ରୀ ଜୀବନ ଜ୍ୟୋତି ବୀମା ଯୋଜନା ଏବଂ ପ୍ରଧାନମନ୍ତ୍ରୀ ସୁରକ୍ଷା ବୀମା ଯୋଜନା ଅନୁସାରେ ଲୋକଙ୍କୁ ଜୀବନ ବୀମାର ସୁବିଧା ମିଳିଥାଏ । ହେଲେ ଯଦି ୩୧ ମଇ ସୁଦ୍ଧା ଆପଣ ଆପଣଙ୍କ ବ୍ୟାଙ୍କ ଖାତାରେ କିସ୍ତି ବାବଦକୁ ୩୪୨ ଟଙ୍କା ଜମା ନକରନ୍ତି ତେବେ ଆପଣଙ୍କର ଏହି ଇନସ୍ୟୁରାନ୍ସ ରଦ୍ଦ ହୋଇଯିବ । ସୂଚନା ମୁତାବକ, କେନ୍ଦ୍ର ସରକାରଙ୍କ ଦ୍ୱାରା ଜାରି ହୋଇଥିବା ଏହି ଦୁଇଟି ଯୋଜନା ଅନୁସାରେ କିଛି ଲୋକଙ୍କୁ ୪ ଲକ୍ଷ ଟଙ୍କାର ଇନସ୍ୟୁରାନ୍ସ ମିଳିଥାଏ । ପ୍ରଧାନମନ୍ତ୍ରୀ ସୁରକ୍ଷା ବୀମା ଯୋଜନା ଅନୁସାରେ କୌଣସି ଦୁର୍ଘଟଣା ଜନିତ ମୃତ୍ୟୁ ହେବା ଦ୍ୱାରା କିମ୍ବା ବିକଳାଙ୍ଗ ହେବା ଦ୍ୱାରା ଦୁଇ ଲକ୍ଷ ଟଙ୍କା ମିଳିଥାଏ । ସେହିପରି ପ୍ରଧାନମନ୍ତ୍ରୀ ଜୀବନ ଜ୍ୟୋତି ବୀମା ଯୋଜନା ଅନୁସାରେ ଯିଦ ବୀମା କରିଥିବା ବ୍ୟକ୍ତି ବିଶେଷଙ୍କ ମୃତ୍ୟୁ ହୋଇ ଯାଏ ତେବେ ନୋମିନିଙ୍କୁ ୨ ଲକ୍ଷ ଟଙ୍କାର ବୀମା ରାଶି ମିଳିଥାଏ ।

ଏଠାରେ ଆମେ କହି ରଖୁଛୁ କି, ପ୍ରଧାନମନ୍ତ୍ରୀ ଜୀବନ ଜ୍ୟୋତି ଯୋଜନା ପ୍ରତି ବର୍ଷ ରିନ୍ୟୁ ହୋଇଥାଏ । ତେବେ ଆକାଉଂଟ ବାଲାନ୍ସ ମେଣ୍ଟେନ ନହେବା କାରଣରୁ ଆପଣଙ୍କ ଇନସ୍ୟୁରାନ୍ସ ରଦ୍ଦ ହୋଇଯିବ । ଏଥି ସହିତ ହିଁ ବ୍ୟାଙ୍କ ଆକାଉଂଟ ବନ୍ଦ ହେବାର ସ୍ଥିତିରେ ବି ଆପଣଙ୍କ ଇନସ୍ୟୁାରନ୍ସ ରଦ୍ଦ ହୋଇଯିବ । ଏହି ଯୋଜନା ଅନୁସାରେ କେବଳ ଗୋଟିଏ ବ୍ୟାଙ୍କ ଆକାଉଂଟକୁ ହିଁ ଏହି ଯୋଜନାରେ ଲିଙ୍କ କରାଯାଇପାରିବ ।