ବ୍ୟକ୍ତିଗତ ଜୀବନରେ ଆଦର୍ଶ ପାଲଟିଛନ୍ତି ଅଲିମ୍ପିଆନ୍ ଯୋଗେଶ୍ୱର ! ଯୌତୁକ ବାବଦକୁ ନେଲେ ମାତ୍ର ୧ ଟଙ୍କା
ମାତ୍ର ୧ ଟଙ୍କାର ଯୌତୁକ । ଅଲିମ୍ପିଆନ୍ ଯୋଗେଶ୍ୱର ଦତ ତାଙ୍କ ବିବାହ ପାଇଁ ଯୌତୁକ ବାବଦରେ ମାତ୍ର ଏକ ଟଙ୍କା ନେଇ ଅନ୍ୟମାନଙ୍କ ଲାଗି ଆଦର୍ଶ ପାଲଟିଛନ୍ତି । ସମାଜରେ ଯୌତୁକ ମାରାତ୍ମକ ବ୍ୟାଧି ଭାବେ କାୟା ବିସ୍ତାର କରୁଥିବା ବେଳେ ଯୋଗେଶ୍ୱର ଏପରି ନିଷ୍ପତି ନେଇ ପ୍ରଶଂସାର ପାତ୍ର ହୋଇଛନ୍ତି । ଅଲିମ୍ପିକ ମେଡାଲ ସହ କୁସ୍ତିଯୁଦ୍ଧରେ ଅନେକ ପଦକ ଜିତିବା ପରେ ବ୍ୟକ୍ତିଗତ ଜୀବନରେ ମଧ୍ୟ ସେ ପାଲଟିଛନ୍ତି ଉଦାହରଣ ।
Kanak News is now on WhatsApp
Join and get latest news updates delivered to you via WhatsApp
ହରିୟାଣାର କଂଗ୍ରେସ ନେତା ଜୟଭଗୱାନ ଶର୍ମାଙ୍କ ଝିଅ ଶିତଲଙ୍କ ସହ ସୋନିପତର ମୁର୍ଥାଲରେ ଅନୁଷ୍ଠିତ ହୋଇଛି ତାଙ୍କର ରିଙ୍ଗ ସେରିମନି । ଜାନୁୟାରୀ ୧୬ ତାରିଖରେ ତାଙ୍କର ବିବାହ । ପରଂପରାକୁ ରକ୍ଷା କରି ଯୌତୁକ ସୂରୂପ ମାତ୍ର ଟଙ୍କାଟିଏ ଗ୍ରହଣ କରିଛନ୍ତି ଯୋଗେଶ୍ୱର ।
ସେ କହିଛନ୍ତି, ଝିଅମାନଙ୍କ ବିବାହରେ ଯୌତୁକ ପାଇଁ ପରିବାରକୁ ସଂଘର୍ଷ କରୁଥିବା ମୋତେ ବ୍ୟଥିତ କରିଥାଏ । ଆଉ ଏହା ହିଁ ତାଙ୍କୁ ଯୌତୁକ ଗ୍ରହଣ ନକରିବାକୁ ପ୍ରେରଣା ଯୋଗାଇଥିବା କହିଛନ୍ତି ଅଲିମ୍ପିଆନ୍ ଯୋଗେଶ୍ୱର । ଯୌତୁକ ବିରୋଧରେ ତାଙ୍କର ଏହି କାର୍ଯ୍ୟକୁ କ୍ରୀଡାଜଗତ ସହ ବିଭିନ୍ନ ମହଲରୁ ପ୍ରଶଂସାର ସୁଅ ଛୁଟିଛି । ଏହା ସହ ଦେଖନ୍ତୁ ଏହି ଭିଡିଓ :