ରାମ ମନ୍ଦିର ନିର୍ମାଣ ନେଇ ଏବେ ଜୋର ଧରିଛି ରାଜନୀତି । ଶିବସେନା ପ୍ରମୁଖ ଉଦ୍ଧବ ଠାକେରଙ୍କ ଅଯୋଧ୍ୟା ଗସ୍ତ ଓ ଆରଏସଏସର ଧର୍ମସଭା ପରେ ଏବେ ରାମ ମନ୍ଦିର ନିର୍ମାଣ ଦାବି ଜୋର ଧରିଛି । ଆଉ ଏଭଳି ସମୟରେ ଯୋଗଗୁରୁ ରାମଦେବ ରାମ ମନ୍ଦିର ନିର୍ମାଣକୁ ନେଇ ବଡ ବୟାନ ଦେଇଛନ୍ତି । ରାମ ମନ୍ଦିର ନିର୍ମାଣ ପାଇଁ ୨ଟି ରାସ୍ତା ଅଛି । ପ୍ରଥମଟି ହେଲା, ଲୋକେ ନିଜେ ମନ୍ଦିର ନିର୍ମାଣ କରିପାରିବେ । କିନ୍ତୁ ଏହାଦ୍ୱାରା ସାମାଜିକ ସଂର୍ଘଷ ଦେଖାଦେଇପାରେ । ଅନ୍ୟ ଉପାୟଟି ହେଉଛି ମନ୍ଦିର ନିର୍ମାଣ ପାଇଁ ସଂସଦରେ ଅଧ୍ୟାଦେଶ ଅଣାଯାଉ । ଏହାଦ୍ୱାରା ସାମ୍ପ୍ରଦାୟିକ ସଦଭାବନା ଭଲ ରହିବା ସହ ଭଗବାନ ରାମଙ୍କ ପ୍ରତି ଉଚିତ ସମ୍ମାନ ହେବ ବୋଲି ରାମଦେବ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
୨୦୧୯ ଲୋକସଭା ନିର୍ବାଚନ ପୂର୍ବରୁ ଅଯୋଧ୍ୟାରେ ରାମ ମନ୍ଦିର ନିର୍ମାଣ ପାଇଁ ମାହୋଲକୁ ଉଷ୍ମ କରୁଛନ୍ତି କିଛି ରାଜନୈତିକ ବ୍ୟକ୍ତି । ରାମଦେବ କହିଛନ୍ତି, ୨୦୧୯ ପୂର୍ବରୁ ରାମ ମନ୍ଦିର ନିର୍ମାଣ କାର୍ଯ୍ୟ ଆରମ୍ଭ ହୋଇପାରିବ । ଏହାକୁ କୌଣସି ଦଳ ବିରୋଧୀ ମଧ୍ୟ କରିବେ ନାହିଁ ବୋଲି ଯୋଗଗୁରୁ କହିଛନ୍ତି । ସଂସଦରେ ଯଦି ମନ୍ଦିର ନିର୍ମାଣ ନେଇ ଅଧ୍ୟାଦେଶ ଅଣାଯାଏ ତେବେ ସମସ୍ତ ପାର୍ଟି ଏହାକୁ ସମର୍ଥନ କରିବେ । କାରଣ ଏହା କୌଣସି ରାଜନୈତିକ ମୁର୍ଦ୍ଦା ନୁହେଁ ।
ଏହାପୂର୍ବରୁ ମଧ୍ୟ ମନ୍ଦିର ନିର୍ମାଣ ନେଇ ସରକାରଙ୍କ ଉପରେ ଲଗାତାର ଚାପ ପକାଇ ଆସୁଛନ୍ତି ବାବା ରାମଦେବ । ଯଦି ରାମ ମନ୍ଦିର ନିର୍ମାଣ ନ ହେବ ତେବେ ଦେଶରେ ସାମ୍ପ୍ରଦାୟିକ ପରିସ୍ଥିତି ସୃଷ୍ଟି ହେବ । ଯାହାଦ୍ୱାରା ଦେଶରେ ଅନେନ କ୍ଷତି ହେବ । ଏପରିକି ଯଦି ଏବେ ନୁହେଁ ତ କେବେ ନୁହେଁ ନ୍ୟାୟରେ ଯଦି ରାମ ମନ୍ଦିର ଏବେ ନିର୍ମାଣ ନ ହୁଏ ତେବେ ଆଉ ସମ୍ଭବ ନୁହେଁ ବୋଲି କହିଛନ୍ତି ବାବା ରାମଦେବ ।