ଭଦ୍ରକର ଇରମ ଗସ୍ତ ପରେ କେନ୍ଦ୍ର ଗୃହମନ୍ତ୍ରୀଙ୍କ ଭୂଲ ଟ୍ୱିଟ । ସମାଲୋଚନା ପରେ ତ୍ରୁଟି ସୁଧାରିଲେ ।
ବଡ କଥା ହେଉଛି, ଯେଉଁ ସବୁ ମହାନ ବ୍ୟକ୍ତିବିଶେଷଙ୍କ ନାଁ କେନ୍ଦ୍ର ଗୃହମନ୍ତ୍ରୀ ଉଲ୍ଲେଖ କରିଛନ୍ତି, ଏମାନଙ୍କ ଭିତରୁ କେହି ମଧ୍ୟ ଇରମର ନର ସଂହାରରେ ଶହୀଦ ହୋଇନଥିଲେ, ଯାହାକୁ ଦେଶର ଦ୍ୱିତୀୟ ଜାଲିୱାନାଲାବାଗ ଘଟଣା ବୋଲି ମଧ୍ୟ ଅଭିହିତ କରାଯାଇ ଥାଏ ।
କେନ୍ଦ୍ର ଗୃହମନ୍ତ୍ରୀ ରାଜନାଥ ସିଂ ଏକ ଭୁଲ ଟ୍ୱିଟକୁ ନେଇ ସୋସିଆଲ ମିଡିଆରେ ସମାଲୋଚିତ ହୋଇଛନ୍ତି । ଭଦ୍ରକ ଗସ୍ତ ଅବସରରେ ଇରମ୍ ଯାଇଥିବା ରାଜନାଥ ସିଂ ଯେଉଁ ଟ୍ୱିଟ କରିଥିଲେ ସେଥିରେ ଥିଲା ଭୁଲ ତଥ୍ୟ । ଯାହାକୁ ନେଇ ପ୍ରତିକ୍ରିୟା ପ୍ରକାଶ ପାଇବା ପରେ ରାଜନାଥ ନିଜ ଟ୍ୱିଟର ପେଜରୁ ଏହାକୁ ହଟାଇ ନେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଭଦ୍ରକର ଇରମକୁ ଗସ୍ତ କରିବା ପରେ ରାଜନାଥ ସିଂ ଟ୍ୱିଟ କରି ଲେଖିଥିଲେ,
ଓଡିଶାର ଭଦ୍ରକରେ ଇରମ ଶହୀଦଙ୍କୁ ଶ୍ରଦ୍ଧାଂଜଳୀ ଅର୍ପଣ କଲି । ସେପଟେମ୍ବର ୨୮, ୧୯୪୨ରେ ଶହୀଦ ହୋଇଥିବା ଗୋପବନ୍ଧୁ ଦାଶ, ବକ୍ସି ଜଗବନ୍ଧୁ, ବୀର ସୁରେନ୍ଦ୍ର ସାଏ ଏବଂ ମଧୁସୁଦନ ଦାଶଙ୍କ ବଳିଦାନକୁ ଦେଶ କେବେ ମଧ୍ୟ ଭୂଲିବ ନାହିଁ ।
ରାଜନାଥ ସିଂ, କେନ୍ଦ୍ର ଗୃହମନ୍ତ୍ରୀ
ବଡ କଥା ହେଉଛି, ଯେଉଁ ସବୁ ମହାନ ବ୍ୟକ୍ତିବିଶେଷଙ୍କ ନାଁ କେନ୍ଦ୍ର ଗୃହମନ୍ତ୍ରୀ ଉଲ୍ଲେଖ କରିଛନ୍ତି, ଏମାନଙ୍କ ଭିତରୁ କେହି ମଧ୍ୟ ଇରମର ନର ସଂହାରରେ ଶହୀଦ ହୋଇନଥିଲେ, ଯାହାକୁ ଦେଶର ଦ୍ୱିତୀୟ ଜାଲିଆନାୱାଲାବାଗ ଘଟଣା ବୋଲି ମଧ୍ୟ ଅଭିହିତ କରାଯାଇ ଥାଏ ।
ଏହି ପୋଷ୍ଟର କିଛି ମିନିଟ ମଧ୍ୟରେ କେନ୍ଦ୍ର ଗୃହମନ୍ତ୍ରୀ ଟ୍ୱିଟରରେ ସମାଲୋଚିତ ହୋଇଥିଲେ ।
Home minister @rajnathsingh tweet says Gopabandhu Das, Buxi Jagabandhu, Veer Surendra Sai, and Madhu Babu were martyred on Sept 28, 1942!…… While Gopabandhu died in 1928. Madhu Babu died in 1934. Buxi Jagabandhu died in 1829. Veer Surendra Sai became martyr in 1884 pic.twitter.com/xaoXR5lehY
— Ashok Pradhan (@AshokPradhanTOI) February 17, 2019
ପରେ ନିଜ ପୋଷ୍ଟକୁ ହଟାଇ ଦେଇ ନୂଆ ଟ୍ୱିଟ କରିଥିଲେ କେନ୍ଦ୍ର ଗୃହମନ୍ତ୍ରୀ ।
Paid tributes to the martyrs of India’s freedom struggle at Eram in Bhadrak(Odisha). The nation will never forget the sacrifice of these martyrs. pic.twitter.com/uqkovB1kf7
— Rajnath Singh (@rajnathsingh) February 17, 2019
ରାଜ୍ୟ ବିଜେପିର ଦଳୀୟ କାର୍ଯ୍ୟକ୍ରମରେ ସାମିଲ ହେବାକୁ ଦିନିକିଆ ଓଡିଶା ଗସ୍ତରେ ଆସିଥିଲେ ରାଜନାଥ ସିଂ ।
ସେପଟେମ୍ବର ୨୮, ୧୯୪୨ରେ ବ୍ରିଟିଶ ଗୁଳିର ଶୀକାର ହୋଇଥିଲେ ୨୯ ଜଣ ସ୍ୱାଧୀନତା ସଂଗ୍ରାମୀ । ଉକ୍ତ ସ୍ଥାନରେ ଶହୀଦ ସ୍ତମ୍ଭ ସ୍ଥାପନ କରି ଶହୀଦଙ୍କ ଉଦ୍ଦେଶ୍ୟରେ ଜଣାଯାଇଥିଲା ସମ୍ମାନ । ସେବେଠାରୁ ଏହି ସ୍ଥାନ ରକ୍ତ ତୀର୍ଥ ଭାବେ ମଧ୍ୟ ଜଣାଶୁଣା ।