ସାମାଜିକ କଳଙ୍କକୁ ନେଇ ମରିବାକୁ ଚାହୁଁନଥିଲେ, ୫୫ ବର୍ଷ ପରେ ହେଲା ଚମତ୍କାର । ୭୦ ବର୍ଷ ବୟସରେ ବନିଲେ ମା’
ରଜୋ ଦେବୀଙ୍କ ଝିଅ ୧୦ବର୍ଷର ହୋଇଗଲାଣି ।
ବିବାହ ପରେ ସବୁ ନାରୀମାନେ ମା’ ହେବାର ସ୍ୱପ୍ନ ଦେଖିଥାନ୍ତି । ମା’ହେଲେ ଗୋଟେ ନାରୀ ସମ୍ପୁର୍ଣ୍ଣ ହୁଏ ବୋଲି କୁହାଯାଉଥିବା ବେଳେ ପିଲା ଜନ୍ମ କରି ନପାରିଲେ ମହିଳାଙ୍କୁ ଅନେକ ଯାତନା ସହିବାକୁ ପଡ଼ିଥାଏ । ଠିକ୍ ସେଭଳି ଘଟିଥିଲା ହରିୟାଣାର ହିସାରରେ ରହୁଥିବା ରଜୋ ଦେବୀ ଲୋହାନଙ୍କ ସହ । ବିବାହ ପରେ ସେ ମା’ ହୋଇ ପାରିନଥିଲେ । ବିବାହର ୫୫ବର୍ଷ ପର୍ଯ୍ୟନ୍ତ ସେ ମା’ ହୋଇ ପାରିନଥିବାରୁ ତାଙ୍କ ମନରେ ଏକ ଦୁଃଖ ରହିଯାଇଥିଲା । କିନ୍ତୁ ୭୦ବର୍ଷ ବୟସରେ ନଭେମ୍ବର ୨୮,୨୦୦୮ରେ ସେ ମା’ ହେବାର ସୌଭାଗ୍ୟ ଅର୍ଜନ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ନଭେମ୍ବର ୨୮,୨୦୧୮କୁ ରଜୋ ଦେବୀଙ୍କ ଝିଅ ୧୦ବର୍ଷର ହେବାକୁ ଯାଉଥିବା ବେଳେ ତାଙ୍କ କାହାଣୀ ଏବେ ଚର୍ଚ୍ଚାର ବିଷୟ ପାଲଟିଛି । ୭୦ବର୍ଷ ବୟସରେ ସେ ମା’ ହୋଇ ଦୁନିଆର ସବୁଠାରୁ ଅଧିକ ବୟସ୍କ ମା’ ହେବାରେ ବିଶ୍ୱ ରେକର୍ଡ଼ ସୃଷ୍ଟି କରିଥିଲେ । ରଜୋ ଦେବୀଙ୍କ କହିବା ଅନୁଯାୟୀ, ୭୦ବର୍ଷ ବୟସରେ ମା’ ହେବା ସହଜ ନଥିଲା । ପ୍ରସବ ପରେ ମୁଁ ଦୁର୍ବଳ ହୋଇ ଯାଇଥିଲି । କିନ୍ତୁ ଏବେ ମୁଁ ଏବଂ ମୋ ଝିଅ ଦୁହେଁ ସୁସ୍ଥ ଅଛୁ । ତା’ର ବିବାହ ପର୍ଯ୍ୟନ୍ତ ମୁଁ ସୁସ୍ଥ ରହେ ଏହା ହିଁ ମୋର ଆଶା ।
ସୂଚନା ମୁତାବକ, ମା’ ହେବାର ଇଚ୍ଛା ପାଇଁ ରଜୋ ଦେବୀ ଆଇଭିଏଫ୍ ଟ୍ରିଟମେଣ୍ଟ ଉପାୟ ଆପଣାଇଥିଲେ । ଏହି ଉପାୟ ମାଧ୍ୟମରେ ମା’ ହୋଇ ପାରୁନଥିବା ମହିଳାମାନେ ଆଜି ମା’ ହେବାର ସୌଭାଗ୍ୟ ଅର୍ଜନ କରି ପାରୁଛନ୍ତି ।