ସୁନା ଠାରୁ ୩୦ ଗୁଣ ଅଧିକ ଦାମୀ ଏହି ଚା’ : ଏହାର ଦାମ୍ ଶୁଣିଲେ ଉଡିଯିବ ଆପଣଙ୍କ ହୋଶ, ଜାଣନ୍ତୁ ଏହାର ବିଶେଷତ୍ୱ
ଚା’ ର ଏକ ଛୋଟ ପ୍ୟାକେଟ ପାଇଁ ୧୦ ହଜାର ଡଲାର ବହୁତ ମହଙ୍ଗା ଲାଗେ ଏବଂ ଚା’ର ଏହି ମୂଲ୍ୟ ଉପରେ ଆପଣ ବିଶ୍ୱାସ କରିବା ମୁସ୍କିଲ ହୋଇଯିବ । କିନ୍ତୁ ଏହା ସତ୍ୟ ଅଟେ । “ଦାହୁଙ୍ଗ ପାଓ” ନାମକ ଚା’ ପତିକୁ ଦୁନିଆର ସବୁଠାରୁ ମହଙ୍ଗା ଚା’ ପତି କୁହାଯାଏ । ଏବଂ ଏହି ଚା’ କୁ ପିଇବା ପାଇଁ ବହୁତ ଲୋକ ସୁନା ଠାରୁ ୩୦ ଗୁଣ ଅଧିକ ମୂଲ୍ୟ ଦେବାକୁ ପ୍ରସ୍ତୁତ ଥାନ୍ତି । ଗୋଟିଏ କିଲୋ “ଦାହୁଙ୍ଗ ପାଓ” ଚା’ପତିର ମୂଲ୍ୟ ୩୦ କିଲୋ ସୁନା ସହିତ ସମାନ ।
Kanak News is now on WhatsApp
Join and get latest news updates delivered to you via WhatsApp
“ଦାହୁଙ୍ଗ ପାଓ” ନାମକ ଏହି ଚା’ପତିର ମହଙ୍ଗା ହେବାର କାରଣ ଏହା ଯେ, ଏହି ଚା’ ପତି ଗଛ ବହୁତ ଦୁର୍ଲଭ ଏବଂ ତାହାର ଏକ ବିଶେଷ ପ୍ରକାରର ଯତ୍ନର ଆବଶ୍ୟକତା ଥାଏ । ପୁରୁଣା କାଳରେ ଚୀନରେ ଚା’ ଚାଷ କରୁଥିବା ଚାଷୀ, ବସନ୍ତ ଋତୁରେ ସକାଳେ ପାହାଡକୁ ଯାଉଥିଲେ ଏବଂ ଫସଲ ଭଲ ହେବା ପାଇଁ ପ୍ରାର୍ଥନା କରୁଥିଲେ । କୁହାଯାଏ କି ଏହି ଚା’ ପତିକୁ ଛେଳିର କ୍ଷୀରରେ ଧୁଆଯାଏ । ଏବଂ ତା’ପରେ ଏହାକୁ ରୋଷେଇ କରି ଶୁ୍ଖିବା ପାଇଁ ରଖାଯାଏ । ଏବଂ ଏହି ପ୍ରକ୍ରିୟାକୁ ୮୦ ବର୍ଷ ସମୟ ଲାଗିପାରେ ।
ଚିନି ଲୋକଙ୍କ କହିବାନୁସାରେ, “ଦାହୁଙ୍ଗ ପାଓ” ଚା’ପତି ଅସଲି ଥିବ ଯଦି ତାକୁ ପିଇଲେ ବହୁତ ଗୁଡାଏ ରୋଗ ଦୂର ହୋଇଯାଏ । ଯେତେବେଳେ ମିଙ୍ଗ ଶାସନ ଶୃଙ୍ଖଳାରେ ମହାରାଣୀଙ୍କ ସ୍ୱାସ୍ଥ୍ୟ ଖରାପ ଥିଲା, ଏହି ଚା’ରେ ତାଙ୍କୁ ସୁସ୍ଥ କରାଯାଇଥିଲା । ସେବେଠାରୁ ରାଜା “ଦାହୁଙ୍ଗ ପାଓ”ର ଚାଷ କରିବାକୁ ଆଦେଶ ଦେଇଥିଲେ । ରାଜା ସବୁବେଳେ ଏକ ଲମ୍ବା ଚୋଗା ପିନ୍ଧୁଥିବାରୁ ଏହାର ନାମ “ଦାହୁଙ୍ଗ ପାଓ” ବା ଲମ୍ବା ଲାଲ ଚୋଗା ହୋଇଗଲା । ଏବେ ଏହି ଚା’ପତିର ମାତ୍ର ୬ଟି ଗଛ ଅଛି । ଏହି ଚା’ କୁ ସମସ୍ତେ କିଣି ପାରନ୍ତିନି । ଶେଷ ଥର ସନ୍ ୧୮୪୯ ରେ ଏକ ବ୍ରିଟିଶ ବନସ୍ପତି ବିଶେଷଜ୍ଞ ଏହି ଚା’ର କିଛି ମଞ୍ଜି ଚୋରି କରି ଏହାକୁ ଭାରତ ନେଇ କି ବୁଣିଥିଲେ । କିନ୍ତୁ ସେଥିରେ ଗଛ ବଢ଼ିନଥିଲା । ପରେ ଜଣାପଡିଲା କି ଏହି ଚା’ କେବଳ ଚୀନରେ ହିଁ ହୁଏ ।