ଆଜି ବିଶ୍ୱ ସାପ ଦିବସ ! କାହିଁକି ପାଳନ ହୁଏ ଏହି ଦିନ ଏବଂ ସାପ ମାନଙ୍କୁ ନେଇ ଜାଣନ୍ତୁ କିଛି ଅଜଣା କଥା
ଆଜି ବିଶ୍ୱ ସାପ ଦିବସ । ସାପ ମାନଙ୍କ ପ୍ରତି ନିଜ ସ୍ନେହ ଦେଖାଇବା ପାଇଁ ବିଶ୍ୱରେ ବିଭିନ୍ନ ସ୍ଥାନରେ ଲୋକମାନେ ବିଭିନ୍ନ ପ୍ରକାର ଆୟୋଜନ କରିଥାନ୍ତି । ଯାହାର ମୁଖ୍ୟ ଉଦ୍ଦେଶ୍ୟ ସାପ ମାନଙ୍କୁ କ୍ଷତି ନପହଂଚାଇବା ପାଇଁ ସଚେତନତା ସୃଷ୍ଟି କରିବା ।
Kanak News is now on WhatsApp
Join and get latest news updates delivered to you via WhatsApp
ସାପ ମାନଙ୍କୁ ଦେଖିବା କ୍ଷଣି ଭୟରେ ଲୋକମାନେ ସେମାନଙ୍କୁ ମାରିବା ପାଇଁ ବିଭିନ୍ନ ପ୍ରକାର କାଇଦା ଆପଣେଇବା ଆରମ୍ଭ କରିଦିଅନ୍ତି । ତେବେ ଜାଣି ଆଶ୍ଚର୍ଯ୍ୟ ହେବେ ଯେତିକି ସାପଙ୍କୁ ଲୋକମାନେ ଭୟରେ ମାରିଦିଅନ୍ତି ସେଥିମଧ୍ୟରୁ ମାତ୍ର ୧୦ ପ୍ରତିଶତ ବିଷାକ୍ତ ଥାନ୍ତି ।
୧୯୬୭ ଜୁଲାଇ ୧୬ରେ ସାପ ମାନଙ୍କୁ ନେଇ ଟେକ୍ସାସରେ ଏକ ଅଭିଯାନ ଆରମ୍ଭ ହୋଇଥିଲା । ଏହା ଦ୍ୱାରା ଲୋକମାନଙ୍କ ମଧ୍ୟରେ ସାପକୁ ନେଇ ସଚେତନତା ସୃଷ୍ଟି କରାଯାଇଥିଲା । ପରେ ଜୁଲାଇ ୧୬କୁ ବିଶ୍ୱ ସାପ ଦିବସ ରୂପେ ଘୋଷଣା କରାଯାଇଥିଲା ।
ନଜର ପକାନ୍ତୁ ସାପ ମାନଙ୍କୁ ନେଇ କିଛି ଅଜଣା କଥା :
• ଭାରତରେ ପ୍ରାୟ ୩୦୦ ପ୍ରଜାତିର ସାପ ଅଛନ୍ତି । ତେବେ ସେଥିମଧ୍ୟରୁ କେବଳ ୫୦ପ୍ରଜାତି ବିଷାକ୍ତ ଥାନ୍ତି ।
• ସାପ ନିଜ ଶିକାରକୁ ଚୋବାଇ ନଥାଏ ବରଂ ଗିଳି ଦେଇଥାଏ ।
• ସାପ ମାନଙ୍କର ବୟସ ୪ ରୁ ୨୫ବର୍ଷ ବୟସ ପର୍ଯ୍ୟନ୍ତ ହୋଇଥାଏ ।
• ବିଷାକ୍ତ ସାପ ମାନଙ୍କ ମଧ୍ୟରେ କିଙ୍ଗ୍ କୋବ୍ରା ସବୁଠାରୁ ଅଧିକ ଲମ୍ବା ।
• ବ୍ରାଜିଲର ସ୍ନେକ୍ ଆଇଲାଣ୍ଡରେ ସାପମାନଙ୍କ ସଂଖ୍ୟା ଅଧିକ ।
• କିଛି ସାପଙ୍କର ଦୁଇଟି ମୁହଁ ଥାଏ । ଏପରି ସାପ ମାନେ ନିଜ ହିସାବରେ ଶରୀରକୁ କଂଟ୍ରୋଲ୍ କରିଥାନ୍ତି । କେବେ କେବେ ନିଜ ଶିକାରକୁ ନେଇ ଏହି ଦୁଇ ମୁହଁ ଭିତରେ ଝଗଡା ମଧ୍ୟ ହୋଇଥାଏ ।
• ରିପୋର୍ଟ ଅନୁସାରେ, ଏମିତି ଏକ ପ୍ରଜାତିର ସାପ ଅଛି ଯିଏ ପୁରୁଷ ସାପ ବିନା ଅଣ୍ଡା ଦେଇପାରେ ।
• ଗ୍ରାସ୍ ସ୍ନେକ୍ ଏବଂ ସ୍ପେଟିଂ କୋବ୍ରାର ଏକ ପ୍ରଜାତିର ସାପ ଅଛି ଯିଏ ବିପଦ ଅନୁଭବ କଲେ ମରିବାର ନାଟକ କରିଥାନ୍ତି । ସେମାନଙ୍କ ଶରୀର ସଙ୍କୁଚିତ ହୋଇଯିବା ସହ ଜିଭ ବାହାରକୁ ବାହରି ଆସେ । ଏମିତି ଅବସ୍ଥା ଦେଖି ଲୋକେ ମୃତ ଭାବି ଚାଲିଯିବା ପରେ ସେମାନେ ପ୍ରାକୃତିକ ଅବସ୍ଥାକୁ ଚାଲିଆସିଥାନ୍ତି ।