ମାଡି ଆସୁଛି ବିପଦ, ଫାଟିଲାଣି ପୃଥିବୀ ! ୬ମହଲା ବିଲ୍ଡିଂ ଗଭୀରତାର ସୃଷ୍ଟି ହେଲା ଫାଟ ।
ନ୍ୟୁଜଲାଣ୍ଡର ଏକ ଫାର୍ମରେ ପୃଥିବୀ ଫାଟି ଯାଇଥିବାର ଦୃଶ୍ୟ ସାମ୍ନାକୁ ଆସିଛି । ଯାହାକି ଦୁଇଟି ଫୁଟବଲ ପଡିଆର ଲମ୍ବ ଏବଂ ଏକ ୬ ମହଲା ବିଲ୍ଡିଂର ଗଭୀରତାର ଫାଟ ସୃଷ୍ଟି ହୋଇଛି । ଆଉ ଏହାକୁ ଏପର୍ଯ୍ୟନ୍ତ ଦେଶର ସବୁଠାରୁ ବଡ ଫାଟ ବୋଲି କୁହାଯାଉଛି । ତେବେ କ୍ରମାଗତ ଭାବେ ବର୍ଷା ଲାଗି ରହିବାରୁ ଏହି ଫାଟ ସାମ୍ନାକୁ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ଫାର୍ମର ମାଲିକ କାଲିନ ଟ୍ରିମେନ କହିଛନ୍ତି ଯେ, ଯେତେବେଳେ ସେ ୨୦୦ ମିଟର ଲମ୍ବା ଏବଂ ୨୦ ମିଟର ଗଭୀରତା ଏହି ଫାଟକୁ ଦେଖିଥିଲେ ସେତେବେଳେ ସେ ନିଜ ଆଖିକୁ ବିଶ୍ୱାସ କରିପାରିନଥିଲେ । ତେବେ ସାଧାରଣତଃ ଏଭଳି ଫାଟ ନ୍ୟୁଜଲାଣ୍ଡରେ କେବେ ଦେଖାଯାଇନଥାଏ । ପୂର୍ବରୁ ନ୍ୟୁଜଲାଣ୍ଡରେ ଦେଖାଯାଇଥିବା ଫାଟଗୁଡିକ ଏହି ବିଶାଳ ଫାଟର ଏକ ତୃତୀୟାଂଶ ହେବ ବୋଲି ଜଣାପଡିଛି ।
ନ୍ୟୁଜଲାଣ୍ଡରେ ୧୦୦ ବର୍ଷର ବର୍ଷା କାରଣରୁ ଏହି ଫାଟ ସୃଷ୍ଟି ହୋଇଛି ବୋଲି ଜଣାପଡିଛି । ତେବେ ଗତ ସପ୍ତାହରେ ହୋଇଥିବା ଭୀଷଣ ବର୍ଷା କାରଣରୁ ଏହି ଫାଟ ସାମ୍ନାକୁ ଆସିଛି । ମାଟି ଭିତରେ ଚୂନା ପଥର ପାଣିରେ ମିଶୁଥିବା କାରଣରୁ ମାଟି ଧସିଯାଇଛି । ବର୍ଷ ବର୍ଷ ଧରି ମାଟି ଭିତରେ ଧିରେ ଧିରେ ଫାଟ ସୃଷ୍ଟି ହୋଇ ହଠାତ ଏଭଳି ଏକ ବିଶାଳ ଫାଟ ସୃଷ୍ଟି ହୋଇଛି । ଫାର୍ମର ମାଲିକ କାଲିନ କହିଛନ୍ତି ଯେ, ସେ ଏବେ ପଶୁମାନଙ୍କୁ ସୁରକ୍ଷିତ ରଖିବା ପାଇଁ ପ୍ରୟାସ କରୁଛନ୍ତି । ଯେପରିକି କେହି ପଶୁ ସେହି ଫାଟ ଭିତରେ ନପଡିବେ ।