ୱାର୍ଲଡ ହାର୍ଟ ଡେ ଅବସରରେ କଳିଙ୍ଗ ହସ୍ପିଟାଲ ପକ୍ଷରୁ ଅୟୋଜିତ ମିନି ମାରାଥନକୁ ଉଦଘାଟନ କଲେ ଆମ ଓଡିଶା ଅଧ୍ୟକ୍ଷ ସୌମ୍ୟରଞ୍ଜନ ପଟ୍ଟନାୟକ
କନକ ବ୍ୟୁରୋ : ୱାର୍ଲଡ ହାର୍ଟ ଡେ ଅବସରରେ ଆଜି ଭୁବନେଶ୍ୱରରେ ଆୟୋଜିତ ହୋଇଯାଇଛି ମାରାଥନ । ବିଶ୍ୱ ହୃଦୟ ଦିବସକୁ ସ୍ମରଣ କରିବା ପାଇଁ କଳିଙ୍ଗ ହସ୍ପିଟାଲ ତରଫରୁ ଏହି ମାରାଥନ ଆୟୋଜନ କରାଯାଇ ଲୋକଙ୍କୁ ସଚେତନ କରାଯାଉଛି । ଏହି ମାରାଥନ ଜୟଦେବ ବିହାର ଛକରୁ ବାହାରି କଳିଙ୍ଗ ହସପିଟାଲ ଛକ ଯାଏଁ ଯାଇଥିଲା । ଏହି ମାରାଥନକୁ ଆମ ଓଡିଶା ଅଧ୍ୟକ୍ଷ ସୌମ୍ୟରଞ୍ଜନ ପଟ୍ଟନାୟକ ନାଲି ପତାକା ଦେଖାଇ ଉଦଘାଟନ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏହି ମାରାଥନ ଉତ୍ସବରେ ଯୋଗ ଦେଇ ସ୍ୱାସ୍ଥ୍ୟ କ୍ଷେତ୍ରରେ କଳିଙ୍ଗ ହସ୍ପିଟାଲର ଅବଦାନକୁ ସେ ବେଶ ପ୍ରଂଶସା କରିଥିଲେ । ପୂର୍ବରୁ ବେସରକାରୀ ହସ୍ପିଟାଲ ଭାବେ ସାଧାରଣ ଲୋକଙ୍କର ପ୍ରଥମ ପସନ୍ଦ କଳିଙ୍ଗ ହସ୍ପିଟାଲ ଥିଲା ବୋଲି ସେ କହିଛନ୍ତି । ଏହାସହ ସ୍ୱଳ୍ପ ମୂଲ୍ୟରେ ଉନ୍ନତ ମାନର ଚିକିତ୍ସା ଯୋଗାଇଦେବାରେ କଳିଙ୍ଗ ହସ୍ପିଟାଲର ନାଁ ଥିଲା ଏବଂ ଏବେ ମଧ୍ୟ ଲୋକମାନେ କଳିଙ୍ଗ ହସ୍ପିଟାଲ ଉପରେ ଭରସା ରଖିଛନ୍ତି ବୋଲି କହିଛନ୍ତି ସୌମ୍ୟରଞ୍ଜନ ପଟ୍ଟନାୟକ ।