ଦିନରେ ଦୁଇଥର ଅଦୃଶ୍ୟ ହୋଇଯାଏ ସଡକ ! ଅଦ୍ଭୁତ ରାସ୍ତାକୁ ଦେଖିବା ପାଇଁ ପର୍ଯ୍ୟଟକଙ୍କ ଭିଡ
ଦୁନିଆରେ ଏପରି ରାସ୍ତା ଅଛି ଯାହା ବିଷୟରେ ଶୁଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ । ଏହି ସଡକ ଦିନରେ ମାତ୍ର ଦୁଇ ଥର ଦେଖାଯାଇଥାଏ । ଆପଣ ଭାବୁଥିବେ ତେବେ ଦିନର ଅନ୍ୟ ସମୟରେ କୁଆଡେ ଯାଏ ଏହି ରାସ୍ତା ? ତାର ରହସ୍ୟ ଜାଣିଲେ ଆପଣ ବି ତାଜୁବ ହୋଇଯିବେ ! ସମୁଦ୍ରର କୋଳରେ ଅନ୍ୟ ସମୟ ଲୁଚିଯାଏ ଏହି ରାସ୍ତା ।
Kanak News is now on WhatsApp
Join and get latest news updates delivered to you via WhatsApp
ସମୁଦ୍ରରେ ନିର୍ମିତ ଏହି ରାସ୍ତାକୁ ଦେଖିବା ପାଇଁ ଦେଶ ବିଦେଶରୁ ଅନେକ ପର୍ଯ୍ୟଟକ ଏଠାରେ ଭିଡ ଲଗାଇଥାନ୍ତି । ପର୍ଯ୍ୟଟକଙ୍କମାନେ ଏହି ରାସ୍ତାରେ ଯିବା କୌଣସି ରୋମାଂଚ ଠାରୁ ବି କମ ନୁହେଁ । ଆପଣ ବର୍ତମାନ ଭାବୁଥିବେ ତେବେ ଏହି ବିରଳ ରାସ୍ତା କେଉଁଠାରେ ରହିଛି ।
ଫ୍ରାନ୍ସରେ ନିର୍ମିତ ଏହି ରାସ୍ତା ମ୍ୟାନଫିଲ୍ଡରୁ ନର୍ମାଡିକୁ ଯୋଡୁଛି । ଏହାକୁ ‘ପ୍ୟାସେଜ ଡୁ ଗୋଇସ’ ବୋଲି କୁହାଯାଏ । ଦିନରେ ଦୁଇଥର ନଜରକୁ ଆସିବା ପରେ ତାଉପରେ ୧୩ ଫୁଟର ପାଣି ଲହଡି ଭାଙ୍ଗେ । ଖୁବ ସୁନ୍ଦର ଦେଖାଯାଉଥିବା ଏହି ରାସ୍ତା ପ୍ରକୃତରେ ବହୁତ ବିପଦପୂର୍ଣ୍ଣ । ପ୍ରକୃତି ତଥା ରୋମାଂଚକୁ ଭଲ ପାଉଥିବା ଲୋକଙ୍କ ପାଇଁ ଏହି ରାସ୍ତା ବଡ ଆକର୍ଷଣ । ପର୍ଯ୍ୟଟକ ମାନେ ଏହି ରାସ୍ତାରେ ଗାଡି ଚଲାଇ ଖୁବ ମଜା ଉଠାଇଥାନ୍ତି ।
୧୭୦୧ ମସିହାରେ ଏହି ରାସ୍ତା ବିଷୟରେ ଜଣାପଡିଥିଲା । ଲହଡି ଆସିଲେ ଏହା ଉଫରେ ୧.୩ ଫୁଟର ପାଣି ଜମିଯାଏ । ଏହା ଲୋକଲୋଚନକୁ ଆସିବା ପରେ ଏକ ପକ୍କା ରାସ୍ତା ନିର୍ମାଣ କରାଯାଇଥିଲା ।ଏହି ୪.୫ କିଲୋମିଟର ରାସ୍ତାରେ କାର ପ୍ରତିଯୋଗିତା କରାଯାଇଥାଏ । ଅନେକ ପର୍ଯ୍ୟଟକ ଏଠାକୁ ଆସି ସଡକ ବୁଡୁଥିବାର ଦୃଶ୍ୟକୁ ଉପଭୋଗ କରିଥାନ୍ତି ।