ବିଶ୍ୱବ୍ୟାଙ୍କରୁ ପାକିସ୍ତାନକୁ ଝଟକା: କିଶନଗଙ୍ଗା ଡ୍ୟାମକୁ ନେଇ ବିବାଦ ନବଢାଇ ଭାରତର ପରାମର୍ଶକୁ ମାନିବାକୁ କହିଲେ ବିଶ୍ୱ ବ୍ୟାଙ୍କ ଅଧ୍ୟକ୍ଷ
କନକ ବ୍ୟୁରୋ: ଭାରତ ସହିତ ଜଳ ବିବାଦ ସମସ୍ୟାର ସମାଧାନ କରିବାକୁ ପାକିସ୍ତାନକୁ ବିଶ୍ୱ ବ୍ୟାଙ୍କର ନିର୍ଦ୍ଦେଶ । କିଶନଗଙ୍ଗା ଡ୍ୟାମ ବିବାଦକୁ ନେଇ ଅନ୍ତର୍ଜାତୀୟ କୋର୍ଟ ଯାଇଥିବା ପାକିସ୍ତାନକୁ ଭାରତର ପ୍ରସ୍ତାବ ସ୍ୱୀକାର କରିବାକୁ ବିଶ୍ୱ ବ୍ୟାଙ୍କ କହିଛି । ପାକିସ୍ତାନ କିଶନଗଙ୍ଗା ଡ୍ୟାମ ବିବାଦକୁ ନେଇ ଅନ୍ତର୍ଜାତୀୟ କୋର୍ଟ ଯାଇଥିବା ବେଳେ ଭାରତ ସ୍ୱତନ୍ତ୍ର ନିରପେକ୍ଷ ବିଶେଷଜ୍ଞଙ୍କୁ ନିଯୁକ୍ତି ପାଇଁ ପ୍ରସ୍ତାବ ଦେଇଛି । ଏବେ ଏହି ପ୍ରସ୍ତାବକୁ ପାକିସ୍ତାନ ସ୍ୱୀକାର କରିବାକୁ ବିଶ୍ୱ ବ୍ୟାଙ୍କ କହିଛି ।
Kanak News is now on WhatsApp
Join and get latest news updates delivered to you via WhatsApp
ବିଦେଶୀ ଗଣମାଧ୍ୟମ ଡନ ନ୍ୟୁଜ ଅନୁସାରେ, ଅନ୍ତର୍ଜାତୀୟ କୋର୍ଟ ଯିବା ନିଷ୍ପତିରେ ପରିବର୍ତନ ପାଇଁ ଗତ ସପ୍ତାହରେ ବିଶ୍ୱ ବ୍ୟାଙ୍କ ଅଧ୍ୟକ୍ଷ ଜିମ ୟୋଙ୍ଗ କିଙ୍ଗ ପାକିସ୍ତାନ ସରକାରକୁ କହିଥିଲେ । ସିନ୍ଧୁ ନଦୀ ଉପରେ ଭାରତ ଅନେକ ପ୍ରକଳ୍ପ ନିର୍ମାଣ କରିଛି ଯାହା ସିନ୍ଧୁ ଜଳ ଚୁକ୍ତିର ଉଂଲଘନ କରୁଥିବା ପାକିସ୍ତାନ ଅଭିଯୋଗ କରୁଛି । ୧୯୬୦ରେ ବିଶ୍ୱ ବ୍ୟାଙ୍କ ମଧ୍ୟସ୍ଥତାରେ ସିନ୍ଧୁ ଜଳ ଚୁକ୍ତିର ବୁଝାମଣା ହୋଇଥିଲା । ବିଶ୍ୱ ବ୍ୟାଙ୍କ, ସିନ୍ଧୁ ନଦୀ ଓ ଏହାର ଶାଖା ନଦୀର ପାଣିର ଭାଗବଂଟା ପାଇଁ ଏହି ଚୁକ୍ତି କରିଥିଲେ । ବର୍ତମାନ ସିନ୍ଧୁ ନଦୀ ଉପରେ ପାକିସ୍ତାନର ୮୦ ପ୍ରତିଶତ ଚାଷ ନିର୍ଭର କରୁଛି । ବନ୍ଧ ନିର୍ମାଣ ଦ୍ୱାରା ଅନେକ ନଦୀର ଜଳସ୍ତର କମିଯିବ ବୋଲି ପାକିସ୍ତାନ ଯୁକ୍ତି କରିଛି ।