କନକ ବ୍ୟୁରୋ : ନଦୀରେ ପୋଲ ତିଆରି କଲେ ଗାଁଲୋକେ । ଫୁଲବାଣୀ ସଦର ମହକୁମା ଠାରୁ ମାତ୍ର ୫କିଲୋମିଟର ଦୂର ସାଲୁଙ୍କି ନଦୀ ଉପରେ କାଠ ପୋଲ ତିଆରି କଲେ ଗ୍ରାମବାସୀ । ଦଡକି, ଦୁଡୁକି ଓ ଆଲାମି ଗ୍ରାମପଂଚାୟତର ୧୬ଟି ଗାଁରଲୋକେ ମିଶି ଏହି ପୋଲ ତିଆରି କରୁଛନ୍ତି । ପ୍ରତି ଘରୁ ୩୦ଟଙ୍କା ଓ ୧କିଲୋଗ୍ରାମ ଚାଉଳ ସଂଗ୍ରହ କରି ପ୍ରାୟ ଶହେରୁ ଅଧିକ ଯୁବକ ମିଶି ନିର୍ମାଣ କଲେ ପୋଲ । ଏହି ପୋଲି ଦେଇ ଫୁଲବାଣୀକୁ ଆସିଲେ ୫କିଲୋମିଟର ରାସ୍ତା ହେଉଥିବାବେଳେ ବର୍ଷା ଦିନରେ ଏହା ଧୋଇଗଲେ ପଂଚାୟତବାସୀଙ୍କୁ ୧୨ କିଲୋମିଟର ଅତିକ୍ରମ କରି ଫୁଲବାଣୀକୁ ଆସିବାକୁ ପଡେ ।
Kanak News is now on WhatsApp
Join and get latest news updates delivered to you via WhatsApp
ବର୍ଷା ଦିନରେ ଜଳବନ୍ଦୀ ଭାବେ ଦିନ ବିତାଉଥିବା ଲୋକେ ବର୍ଷା ଦିନ ପରେ ହିଁ ପ୍ରତି ବର୍ଷ ଆରମ୍ଭ କରିଦିଅନ୍ତି କାଠ ପୋଲ ନିର୍ମାଣ କାମରେ । ସ୍କୁଲ, କଲେଜ, ସ୍ୱାସ୍ଥ୍ୟ କେନ୍ଦ୍ର ଓ ଦିନ ମଜୁରିଆ ଭାବେ କାମ କରୁଥିବା ଲୋକେ ଫୁଲବାଣୀ ଉପରେ ନିର୍ଭରଶୀଳ । ତେଣୁ ବାଧ୍ୟ ହୋଇ ପ୍ରତିବର୍ଷ ପଂଚାୟତବାସୀ ନିଜେ ଶ୍ରମଦାନ କରି ପୋଲ ନିର୍ମାଣ କରନ୍ତି । ଏନେଇ ବିଡିଓଙ୍କୁ ପଚାରିବାରୁ ସାଲୁଙ୍କି ନଦୀରେ ପୋଲ ତିଆରି ପାଇଁ ଜିଲ୍ଲାପାଳଙ୍କ ଦୃଷ୍ଟି ଆକର୍ଷଣ କରାଯାଇଥିବା ସହ ପୋଲ ର୍ନିମାଣରେ ସାମିଲ ଥିବା ଲୋକଙ୍କୁ ଏମଜି ଏନଆରଇଜିଏସରେ ଅନ୍ତର୍ଭୁକ୍ତ କରାଯିବ ବୋଲି କହିଛନ୍ତି ।
ଗାଁକୁ ଯିବାକୁ ସ୍ଥାୟୀ ପୋଲଟିଏ ମଧ୍ୟ ନାହିଁ । ପ୍ରଶାସନ ନିକଟରେ ଗୁହାରୀ କରି କରି ନୟାନ୍ତ ଗ୍ରାମବାସୀ ଶେଷରେ ଶ୍ରମଦାନରେ ନିଜେ ପୋଲ ତିଆରି କଲେ ।