ପ୍ରଶାସନର ଉଦାସିନତାକୁ ପଦାରେ ପକାଇଲେ ଆଦିବାସୀ ! ନିଜ ଉଦ୍ୟମରେ ନାଗାବଳୀ ଉପରେ କାଠ ପୋଲ ନିର୍ମାଣ କଲେ କଲ୍ୟାଣସିଂହପୁରବାସୀ
କନକ ବ୍ୟୁରୋ : ଗୁହାରି ଶୁଣିଲାନି ପ୍ରଶାସନ । ପ୍ରଶାସନିକ ଅବହେଳାକୁ ପଦାରେ ପକାଇ ନିଜ ଉଦ୍ୟମରେ କାଠ ପୋଲ ନିର୍ମାଣ କରିଛନ୍ତି ରାୟଗଡା ଜିଲ୍ଲା କଲ୍ୟାଣସିହପୁର ବ୍ଲକର ବିଶିନପୁର ଗ୍ରାମବାସୀ । ୩ ବର୍ଷ ତଳେ ନାଗାବଳୀରେ ନିର୍ମାଣ ହୋଇଥିବା ଝୁଲା ପୋଲ ଗତ ବନ୍ୟାରେ ଭାସି ଯିବା ପରେ କାଠ ପୋଲ ନିର୍ମାଣ କରିଛନ୍ତି ଗ୍ରାମବାସୀ ।
Kanak News is now on WhatsApp
Join and get latest news updates delivered to you via WhatsApp
ପୋଲଟି ଭାସି ଯିବା ପରେ ବିଭିନ୍ନ ପ୍ରକାର ଅସୁବିଧାର ସମ୍ମୁଖୀନ ହେଉଥିବା ଆଦିବାସୀ ଗ୍ରାମବାସୀ ବିକଳ୍ପ ପାଇଁ, ଜନପ୍ରତିନିଧିଙ୍କ ଠାରୁ ଆରମ୍ଭ କରି କଲ୍ୟାଣସିହପୁର ବ୍ଲକ ପ୍ରଶାସନ ଯାଏଁ ସମସ୍ତଙ୍କୁ ଜଣାଇଥିଲେ । ହେଲେ କେହି ଏମାନଙ୍କୁ ଦୁଃଖ ବୁଝିନଥିବା ଅଭିଯୋଗ ହୋଇଛି ।
ପ୍ରଶାସନ ଠାରୁ ନିରାସ ହେବା ପରେ ବିଶିନପୁର ଗାଁର ଦେଢଶହ ପରିବାର ନିଜ ଉଦ୍ୟମରେ କାଠ ପୋଲ ନିର୍ମାଣ କରିବା ପାଇଁ ନିଷ୍ପତି ନେଇଥିଲେ । ଘର ପିଛା ୩୦ ଟଙ୍କା ଲେଖାଏ ଆଦାୟ କରି ୪ ଦିନ ଧରି ଜଙ୍ଗଲରୁ କାଠ, ବାଉଁଶ ଆଣି ନିଜ ପାଇଁ ପୋଲ କରି ପ୍ରଶାସନର ପାରିବା ପାଣିଆ ଉପରେ ପ୍ରଶ୍ନ ଠିଆ କରିଛନ୍ତି ଗ୍ରାମବାସୀ । ନାଗାବଳୀ ବନ୍ୟାରେ ଝୁଲା ପୋଲ ଭାସି ଯିବା ପରେ ବିଶିନିପୁରର ଆଦିବାସୀ ଲୋକ କଲ୍ୟାଣସିଂହପୁର ଠାରୁ ସମ୍ପୂଣ୍ଣରୂପେ ବିଚ୍ଛିନ୍ନ ହୋଇ ରହିଥିଲା ।