ମହିଳା କର୍ମଚାରୀ ପୁରୁଷ ସହକର୍ମୀଙ୍କୁ ପିନ୍ଧାଇବେ ରାକ୍ଷୀ ! ଡାମନ୍ ଆଣ୍ଡ୍ ଡିଉ ସରକାରଙ୍କ କଡା ନିର୍ଦ୍ଦେଶ
ସମସ୍ତ ସରକାରୀ ଅଫିସରେ ମହିଳା କର୍ମଚାରୀ ପୁରୁଷ ସହକର୍ମୀଙ୍କୁ ପିନ୍ଧାଇବେ ରାକ୍ଷୀ । ଏଭଳି ଏକ ଆଶ୍ଚର୍ଯ୍ୟକର ତଥା ସ୍ପଷ୍ଟ ନିର୍ଦ୍ଦେଶ ଦେଇଛି ଡାମନ୍ ଆଣ୍ଡ୍ ଡିଉ ସରକାର । ଏନେଇ ଏକ ନୋଟିସ୍ ମଧ୍ୟ ଜାରି କରାଯାଇଛି । ଯେଉଁଥିରେ ସ୍ପଷ୍ଟ ଭାବରେ ଲେଖାଯାଇଛି ରାକ୍ଷୀ ପୂର୍ଣ୍ଣମୀ ଦିନ ଅର୍ଥାତ୍ ଚଳିତ ମାସ ୭ ତାରିଖରେ କୌଣସି ସରକାରୀ କର୍ମଚାରୀ ଛୁଟି ନେଇପାରିବେ ନାହିଁ । ସମସ୍ତ କର୍ମଚାରୀ ସେଦିନ ଉପସ୍ଥିତ ରହିବେ । ଏବଂ ମହିଳା କର୍ମଚାରୀ ସେମାନଙ୍କ ପୁରୁଷ ସହକର୍ମୀଙ୍କୁ ରାକ୍ଷୀ ପିନ୍ଧାଇବେ ।
Kanak News is now on WhatsApp
Join and get latest news updates delivered to you via WhatsApp
ଏହା ସହ ସମସ୍ତ କର୍ମଚାରୀ ସେହି ଦିନ ଅଫିସରେ ଉପସ୍ଥିତ ଥିଲେ କି ନାହିଁ ପରଦିନ ଆଟେଣ୍ଡାନ୍ସ ରିପୋର୍ଟ ମଧ୍ୟ ପଠାଇବାକୁ କହିଛି ଡାମନ୍ ଆଣ୍ଡ୍ ଡିଉ ସରକାର । ତେବେ ଏହି ନିର୍ଦ୍ଦେଶ ପରେ ଏବେ ଅନେକ ପ୍ରଶ୍ନ ଉଠିଛି । ଯଦି କୌଣସି ଦମ୍ପତି ବା ପ୍ରେମୀଯୁଗଳ ଗୋଟିଏ ଅଫିସରେ କାମ କରନ୍ତି ତେବେ ସେମାନେ କଣ କରିବେ ।
ତେବେ ଏହାକୁ ଘୋର ବିରୋଧ କରିଛନ୍ତି ସାମାଜିକ କର୍ମୀ ନମ୍ରତା ଚଢ଼ା । କନକ ନ୍ୟୁଜକୁ ନିଜ ପ୍ରତିକ୍ରିୟା ଦେଇ କହିଛନ୍ତି , ରାକ୍ଷୀ ବନ୍ଧିବା ଏକ ପାରିବାରିକ ପର୍ବ । କିନ୍ତୁ ଏହାକୁ ନେଇ କାହାକୁ ଜବରଦସ୍ତ କରିବା ଉଚିତ୍ ନୁହେଁ । କାରଣ ଏହା ଏକ ସମ୍ବେଦନଶୀଳ ସଂପର୍କ । ହୃଦୟରୁ ଭାଇ କିମ୍ବା ଭଉଣୀର ସ୍ନେହ ଓ ସମ୍ମାନ ନଆସି ରାକ୍ଷୀ ପିନ୍ଧାଇବା ଅର୍ଥ ଉଭୟ ସଂପର୍କ ଏବଂ ରାକ୍ଷୀର ଅବମାନନା କରିବା ।