ଗତ ୩ବର୍ଷରେ ତିନିଟି ନକଲି ବିବାହ କରି ୧୦ଲକ୍ଷ ଟଙ୍କା ଠକି ନେଇଥିବା ଜନୈକା ଲୁଟେରୀ ଦୁଲହନକୁ ଶେଷରେ ପୁଲିସ ଗିରଫ କରିଛି । ଏପ୍ରିଲ ୧୫ରେ ଅଭିଯୁକ୍ତ ମହିଳା ଜଣଙ୍କ ଫେରାର ଥିବା ବେଳେ ଗୁରୁବାର ପୁଲିସ ଉକ୍ତ ମହିଳାଙ୍କୁ ଗିରଫ କରି ଜେଲ ପଠାଇଥିବା ଜଣା ପଡ଼ିଛି । ଗିରଫ ହେବା ପରେ ମୁଁ କୌଣସି ଭୁଲ କରି ନାହିଁ ବୋଲି ଅଭିଯୁକ୍ତ ମହିଳା ଜଣଙ୍କ ପୁଲିସକୁ କହିଛନ୍ତି । ତାଙ୍କ କହିବା ଅନୁଯାୟୀ, କର୍ଣ୍ଣାଟକରେ ଥିବା ଆମ ଗାଁରେ ଏପରି କରିବା ଅତି ସାଧାରଣ । ପ୍ରାୟ ସବୁ ମହିଳାମାନେ ଏପରି ବିବାହ କରି ଟଙ୍କା ଠକି ଆଣିଥାନ୍ତି । ଏବଂ ମୋତେ ଏପରି କରିବା ପାଇଁ ମୋ ମା’ ହିଁ ମୋତେ କହିଥଲେ ବୋଲି ଅଭିଯୁକ୍ତ ମହିଳା ଜଣଙ୍କ ପୁଲିସକୁ ଜଣାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କିଛି ମାସ ପୂର୍ବରୁ ଅଶୋକ ଜୈନ୍ ନାମକ ଜଣେ ଯୁବକଙ୍କୁ ବିବାହ କରିବା ପରେ କିଛି ଦିନ ତାଙ୍କ ସହ ରହିଥିଲେ ଅଭିଯୁକ୍ତ ମହିଳା । ଏପ୍ରିଲ ୧୫ରେ ଶାଶୁ ଘରୁ ଫେରାର ହୋଇ ସେ ନିଜ ବାପ ଘରକୁ ଚାଲି ଯାଇଥିଲେ । ମେ ୯ ତାରିଖରେ ପୁଣି ଭରତ ଜୈନ୍ ନାମକ ଅନ୍ୟ ଜଣେ ଯୁବକଙ୍କ ଠାରୁ ୪.୫୦ଲକ୍ଷ ନେଇ ତାଙ୍କୁ ବିବାହ କରିଥିଲେ । କିଛି ଦିନ ସେଠାରେ ରହିବା ପରେ ସେଠୁ ମଧ୍ୟ ଲୁଚି କରି ଆସି ଆଉ ଜଣଙ୍କୁ ବିବାହ କରିବା ପାଇଁ ଯୋଜନା ଆରମ୍ଭ କରି ଦେଇଥିଲେ । କିନ୍ତୁ ଠିକ୍ ସମୟରେ ଗିରଫ କରି ନେଇଥିଲା ପୁଲିସ । ମହିଳାଙ୍କୁ ଏପରି କରିବା ପାଇଁ ତାଙ୍କ ମା’ କୌଶଲ୍ୟା ହିଁ ତାଙ୍କୁ ପ୍ରବର୍ତ୍ତାଇଥିବା ପୁଲିସ କର୍ମଚାରୀ କହିଛନ୍ତି ।