କଳାହାଣ୍ଡି ଗୋଲାମୁଣ୍ଡା ବ୍ଳକରେ ଅଭାବନୀୟ ଘଟଣା । ୬୩ ବର୍ଷିୟା ବୃଦ୍ଧାଙ୍କୁ ମଝି ରାସ୍ତାରେ ଝୁଣି ମାରିଦେଲେ ବୁଲା କୁକୁର
କନକ ବ୍ୟୁରୋ : କୁକୁର ନେଇଗଲା ଜୀବନ । ବିଚ୍ ରାସ୍ତାରେ ବୁଲା କୁକୁର ଝୁଣି ଝୁଣି ରକ୍ତାକ୍ତ କରିବା ପରେ ପ୍ରାଣ ହରାଇଲେ ବୃଦ୍ଧା । କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଳକରୁ ସାମ୍ନାକୁ ଆସିଛି ଏଭଳି ଏକ ଲୋମହର୍ଷଣକାରୀ ଘଟଣା । । ଗୋଲାମୁଣ୍ଡା ବ୍ଳକ ବାଞ୍ଜିବାହାଲ ଗ୍ରାମରେ ଜଣେ ୬୩ ବର୍ଷିୟ ବୃଦ୍ଧାଙ୍କୁ ଝୁଣି ଖାଇଛନ୍ତି ବୁଲାକୁକୁର । ବୁଲା କୁକୁରଙ୍କ ଆକ୍ରମଣରେ ଗୋଲାମୁଣ୍ଡା ବ୍ଲକର ଭୂମିସୂତା ମାଝିଙ୍କ ପ୍ରାଣବାୟୁ ଉଡିଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ଆଜି ସକାଳେ ଶୌଚ ପାଇଁ ନିକଟସ୍ଥ ପଡିଆକୁ ଯାଇଥିବା ବେଳେ ବୁଲାକୁକୁର ମହିଳାଙ୍କୁ ଆକ୍ରମଣ କରିଥିଲେ । ବୃଦ୍ଧା ଜଣକ ଦୌଡି ପଳାଇବା ପାଇଁ ଉଦ୍ୟମ କରିଥିଲେ ବି କୁକୁର ପଲ ତାଙ୍କ ପିଛା ଛାଡିନଥିଲେ । ବିଚ୍ ରାସ୍ତା ମଝିରେ ମହିଳାଙ୍କୁ କାମୁଡି କ୍ଷତାକ୍ତ କରି ଦେଇଥିଲେ । ତେବେ ମହିଳାଙ୍କ ଚିକ୍ରାର ଶୁଣି ସ୍ଥାନୀୟ ଲୋକେ ଘଟଣାସ୍ଥଳରେ ପହଁଚି କୁକୁରପଲକୁ ଘଉଡାଇବା ପାଇଁ ଢେଲାପଥର ମାଡ କରିଥିଲେ । ହେଲେ ସେତେବେଳକୁ ବହୁତ ବିଳମ୍ବ ହୋଇଯାଇଥିଲା । ବୁଲା କୁକୁରଙ୍କ ଆକ୍ରମଣରେ କ୍ଷତାକ୍ତ ହୋଇଥିବା ମହିଳା ସବୁଦିନ ପାଇଁ ଆଖି ବୁଜି ଦେଇଥିଲେ ।
ସ୍ଥାନୀୟ ଅଞ୍ଚଳରେ ଏହା ପ୍ରଥମ ଘଟଣା ନୁହେଁ । ଠିକ ଦୁଇମାସ ତଳେ ଏହି ଅଂଚଳରେ ଏକ ଛୋଟ ଶିଶୁକୁ ଝୁଣି ଖାଇଯାଇଥିଲେ ବୁଲା କୁକୁର । ଆଉ ଆଜି ଏଭଳି ଏକ ଘଟଣା ଦେଖିବାକୁ ମିଳିଛି । ଏସବୁ ଭିତରେ ସ୍ଥାନୀୟ ବାସିନ୍ଦାଙ୍କ ଅଭିଯୋଗ ହେଉଛି ସହରାଂଚଳରୁ ବୁଲାକକୁରଙ୍କୁ କାବୁ କରି ପ୍ରଶାସନ ଜଙ୍ଗଲ ଇଲାକାରେ ଛାଡିଦେଉଛି । ଆଉ କୁକୁର ହିଂସ୍ର ହୋଇ ଗାଁ ଲୋକଙ୍କୁ ଆକ୍ରମଣ କରୁଛନ୍ତି ।
ସାରା ଭାରତରେ ବୁଲାକୁକରୁଙ୍କ ସମସ୍ୟା ରହିଛି । ଏମିତିକି ଦେଶରେ ବହୁଲୋକ କୁକୁର କାମୁଡାରେ ମୃତ୍ୟୁବରଣ ବି କରୁଛନ୍ତି । କିଛି ବର୍ଷ ତଳେ ପୁରୀରୁ ବି ଏଭଳି ଏକ ସମ୍ବେଦନଶୀଳ ଖବର ଆସିଥିଲା । ଯେତେବେଳେ ଛୋଟଶିଶୁକୁ ଝୁଣି ଖାଇଯାଇଥିଲେ ବୁଲା କୁକୁର । ଆଉ କଳାହାଣ୍ଡିରୁ ଏଭଳି ଖବରର ପୁନରାବୃତ୍ତି ବେଶ ଚିନ୍ତାଦାୟକ ।