ମାସୁମାଙ୍କ କମାଲ : ବଦଳାଇଦେଲେ ରାଷ୍ଟ୍ରପତି ଭବନର ରୂପ
କନକ ବ୍ୟୁରୋ : ମହିଳାଙ୍କୁ ନେଇ ଆମ ସମାଜରେ ଭିନ୍ନ ଦୃଷ୍ଟିଭଙ୍ଗୀ ରହିଛି । ଅନେକ କ୍ଷେତ୍ରରେ ମହିଳାମାନେ ନିର୍ଯାତନାର ଶିକାର ହୋଇଥିବା ନଜରକୁ ଆସିଥାଏ । ତେବେ ଏଭଳି ଅନେକ ମହିଳା ଭାରତରେ ଅଛନ୍ତି, ଯେଉଁମାନେ ଅନ୍ୟମାନଙ୍କ ପାଇଁ ଆଦର୍ଶ ପାଲଟିଛନ୍ତି । ବିଶ୍ୱସ୍ତରରେ ଭାରତକୁ ଗର୍ବିତ ବି କରିଛନ୍ତି । ସେହିଭଳି ଜଣେ ମହିଳା ହେଉଛନ୍ତି ମାସୁମା ରିଜଭି । ଯାହାଙ୍କ ସଫଳତା ଆପଣଙ୍କୁ ଆଶ୍ଚର୍ଯ୍ୟ କରିପାରେ । ମାସୁମଙ୍କ ବୟାନ ତାଙ୍କ ଆତ୍ମବିଶ୍ୱାସ ଓ ସଫଳତାବିଷୟରେ କହିଥାଏ । ସେ ନିଜ ବିଷୟରେ କହନ୍ତି, ‘କର୍ମ ଓ କିମ୍ବା ଭାଗ୍ୟ ଯାହାକୁ ବି ପଚାର , ମୋର ବିଶ୍ୱାସ କି ମୋର ଜନ୍ମସ୍ଥାନର ଶୋଭା ବଢାଇବା ପାଇଁ ମୁଁ ଜନ୍ମ ହୋଇଛି’ ।
Kanak News is now on WhatsApp
Join and get latest news updates delivered to you via WhatsApp
ଇଂଟେରିୟର ଡିଜାଇନିଙ୍ଗ, ମ୍ୟୁଜିଓଲୋଜି,କଳା ପ୍ରଦର୍ଶନୀରେ ଥିବା ଦୁଇ ଦଶନ୍ଧିର ଅଭିଜ୍ଞତାକୁ ପାଥେୟ କରି ଦିଲ୍ଲୀରେ ନିଜର ଫାର୍ମ ସ୍ଥାପନ କରିଛନ୍ତି ।ରାଷ୍ଟ୍ରପତି ଭବନକୁ ନୂଆ ରୂପ ଓ ଜୀବନ୍ତ କରାଇବାରେ ପ୍ରମୁଖ ଭୂମିକା ନେଇଥିଲେ ମାସୁମା ରିଜଭି । ପୂର୍ବତନ ରାଷ୍ଟ୍ରପତି ପ୍ରତିଭା ପାଟିଲଙ୍କ ନିର୍ଦ୍ଦେଶ ଓ ମାସୁମାଙ୍କ ପରିକଳ୍ପନାରେ ରାଷ୍ଟ୍ରପତି ଭବନ ନୂଆରୂପ ପାଇଥିଲା । କେବଳ ରାଷ୍ଟପତି ଭବନ ନୁହେଁ, ମାସୁମାଙ୍କ ପ୍ରଚେଷ୍ଟାରେ ପ୍ରବାସୀ ଭାରତୀୟ କେନ୍ଦ୍ର ସହ ମାନେକ୍ସା ବିଲିଡିଙ୍ଗ ଆକର୍ଷଣୀୟ ଓ ଜୀବନ୍ତ ରୂପ ପାଇଥିଲା । ଜଣେ ଯବାନଙ୍କ ପତ୍ନୀ ହିସାବରେ ଏଭଳି କ୍ୟାରିୟର ଆପଣାଇବା ଅତ୍ୟନ୍ତ କଷ୍ଟଦାୟକ । ଆର୍ମି ୱାଇଭସ ୱେଲଫେୟାର ଆସୋସିଏସନ ପକ୍ଷରୁ ତାଙ୍କୁ ପୁରସ୍କୃତ କରାଯାଇଥିଲା । ପ୍ରବାସୀ ଭାରତୀୟ କେନ୍ଦ୍ର ଉଦଘାଟନୀ ଉତ୍ସବରେ ବୈଦେଶିକ ମନ୍ତ୍ରୀ ସୁଷମା ସ୍ୱରାଜ, ମାସୁମାଙ୍କୁ ଅନେକ ପ୍ରଂଶସା କରିଥିଲେ । ଆର୍କିଟେକ୍ଟରେ ପୋଷ୍ଟ ଗ୍ରାଜୁଏଟ ଶେଷ କରିଥିବା ମାସୁମା ବର୍ତ୍ତମାନ ଭାରତର ପୁରୁଣା ପୁରୁଣା ବିଲିଡିଂ ଓ ସ୍ଥପତିକୁ କିପରି ନୂଆ ରୂପ ଦେଇହେବ ତାଉପରେ ଜ୍ଞାନ ହାସଲ ପାଇଁ ପିଏଚଡି ଡିଗ୍ରୀ କରୁଛନ୍ତି । ଆନ୍ଧ୍ରର ପୂର୍ବ ଗୋଦାବରୀରେ ଜନ୍ମିତ ମାସୁମାଙ୍କ ପିଲାଦିନ ଭାରତ ଓ ଆମେରିକାର ବିଭିନ୍ନ ପ୍ରାନ୍ତରେ କଟିଥିଲା । ସବୁଠି ଭାରତର ସଂସ୍କୃତିକୁ ପ୍ରଂଶସା କରୁଥିବା ଦେଖିବାକୁ ସେ ପାଇଥିଲେ । ୧୯ ବର୍ଷରେ ଯେତେବେଳେ ସେ ଜଣେ ଆର୍ମି ଅଫିସରଙ୍କୁ ବିବାହ କରିଥିଲେ ତାଙ୍କୁ ଗସ୍ତ ଆହୁରି ଅଧିକ ହୋଇଯାଇଥିଲା ।
ପିଲାଦିନରୁ ତାଙ୍କର ଘରସଜାଇବା ପ୍ରତି ଆକର୍ଷଣ ରହିଥିଲା । କଣ୍ଢେଇରେ ଘର ସଜାଇବା ରେ ତାଙ୍କର ଅଧିକ ସମୟ କଟୁଥିଲା । ବଡହେବା ପରେ ଆର୍କିଟେକ୍ଟ ପଢିବା ସହ ଘରର ସୌନ୍ଦର୍ଯ୍ୟ କିପରି ବଢାଇ ହେବ ତାଉପରେ ଗୁରୁତ୍ୱ ଦେଇଥିଲେ । ମାସୁମା କହନ୍ତି ” ଆମ ଉପରେ
ଦିନକୁ ଦିନ ମାନସିକ ଚାପ ବଢୁଥିବା ବେଳେ ପରିବେଶରୁ ଶାନ୍ତିପାଇବା କଷ୍ଟକର ହୋଇପଡୁଛି । ଯଦି ଆମେ ଘର ଓ କର୍ମସ୍ଥଳୀରେ ଆନନ୍ଦଦାୟକ ଓ ସୁନ୍ଦର ରଙ୍ଗ ବ୍ୟବହାର କରିବା ନିଶ୍ଚିତ ଭାବେ ଆମକୁ ମାନଶିକ ଶାନ୍ତି ମିଳିବ ।”
ତାସହ ସେ କହିଥିଲେ, ଘରକୁ ଅଧିକ ଆକର୍ଷଣୀୟ ପାଇଁ ଅଧିକ ଟଙ୍କାର ଆବଶ୍ୟକତା ନାହିଁ । ଉପଯୁକ୍ତ ବୁଦ୍ଧି ଦ୍ୱାରା କମ ଟଙ୍କାରେ ଘରର ସୌନ୍ଦର୍ଯ୍ୟ ବଢାଯାଇପାରିବ । ପାଂଚ ମହଲା ବିଶିଷ୍ଟ ଘରର ସୌନ୍ଦର୍ଯ୍ୟ ଦୁଇ ମହଲା ବିଶିଷ୍ଟ ଘରେ ଦେଖିବାକୁ ମିଳିପାରିବ । ଫାର୍ମ କରି କେବଳ ମାସୁମ ଲାଭବାନ ହୋଇନାହାନ୍ତି । ମାସୁମ ୧୪ଜଣଙ୍କୁ ନେଇ ଗୋଟିଏ ଟିମ କରିଛନ୍ତି । ସେ ୮୦ଜଣ ଶିଳ୍ପୀଙ୍କୁ ସେ କର୍ମସଂସ୍ଥାନ ଯୋଗାଇ ପାରିଛନ୍ତି । ପୁରୁଷଙ୍କୁ ନେଇ କାମ କରି ସଫଳ ହେବା ଜଣେ ମହିଳାଙ୍କ ପାଇଁ ନିଶ୍ଚିତ ଭାବେ ଚ୍ୟାଲେଞ୍ଜ । ଘରର ପତ୍ୟୋକ ସ୍ଥାନକୁ ସୁନ୍ଦର ଭାବେ ସଜାଇବା ଓ ଆକର୍ଷଣୀୟ ରୂପ ଦେବା କଷ୍ଟକର । ଆଉ ଯଦି ଆପଣ ଏକ ଖରାପ ବିଲିଡିଂକୁ ଜୀବନ୍ତ କରିପାରନ୍ତି ତେବେ ଖୁସି ମିଳିପାରିବ । ଦିଲ୍ଲୀର ମାନେକ୍ସା ସେଂଟର ମାସୁମାଙ୍କ ହୃଦୟରେ ସ୍ଥାନ ପାଇଥିଲା । ଆମ ଦେଶର ସୀମା ଓ ବିବିଧତାକୁ ଏଠାରେ ପ୍ରଦର୍ଶନ କରାଯାଇଥିଲା । ସେହିପରି ଦିଲ୍ଲୀ ପ୍ରବାସୀ ଭାରତୀୟ କେନ୍ଦ୍ର ଜୀବନ୍ତ ମ୍ୟୁଜିୟମରେ ପରିବର୍ତନ କରାଇଥିଲା ମାସୁମ ଟିମ । ଏହାକ କାନ୍ଥ ଓ କରିଡର ଜୀବନ ହୋଇଥିଲା ଏବଂ ବିଦେଶରେ ରହୁଥିବା ଲୋକଙ୍କ ପାଇଁ ଚର୍ଚ୍ଚା ପାଲଟିଥିଲା । ବ୍ରୋଞ୍ଜରେ ନିର୍ମିତଏକ ପ୍ରତିକୃତି ଆପଣ ଦେଖିଲେ ଜାଣିପାରିବେ । କାମ ପାଇଁ ପ୍ରଥମେ ବିଦେଶ ଯାଇଥିବା ଚାରିଜଣ ପୁରୁଷ ଓ ଜଣେ ମହିଳା ଡଙ୍ଗାରେ ବସିଥିବା ପ୍ରତିକୃତିକୁ ଦେଖିଲେ ଆଖିରେ ବିଶ୍ୱାସ କରିହେବନାହିଁ । ଏହା ଥିଲା ମାସୁମାଙ୍କ ଯାଦୁ ।
ଅବସର ସମୟରେ ସେ ୱାଟର କଲର କରିବା ସହ ବ୍ରୋଂଚରେ ମୂର୍ତ୍ତି କରିବାକୁ ଭଲ ପାଆନ୍ତି । ସ୍ୱାମୀଙ୍କ ସହଯୋଗ ବିନା ସେ ଆଜ ଏଠି ପହଂଚି ପାରିନଥାନ୍ତେ ବୋଲି କହିଛନ୍ତି । ତାଙ୍କ ସ୍ୱାମୀଙ୍କର ଯେତେବେଳେ ବଦଳି ହୋଇଥିଲା, ସେ ସ୍ୱାମୀଙ୍କ ସାଙ୍ଗରେ ନଯାଇ ଦିଲ୍ଲୀରେ ରହିଯାଇଥିଲେ । ସେ ମ୍ବାମୀଙ୍କ ଠାରୁ ଅଲଗା ହେବା କେବେବି ଅଲଗା ଦୃଷ୍ଟିରେ ଦେଖୁନଥିଲେ । ତାଙ୍କର ବିଶ୍ୱାସ, ଅପେକ୍ଷା, ଗଭୀର ପ୍ରେମ ଓ ବିଶ୍ୱାସ ରହିଲେ ଶାରିରୀକ ଭାବେ ଏକାଠି ରହିବା ଅନାବଶ୍ୟକ । ସବୁବେଳେ ମହିଳାମାନେ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରିବା ଉଚିତ ଓ ନିଜର ସ୍ୱପ୍ନକୁ ସାକାର କରିବା ପାଇଁ ଉଦ୍ୟମ କରିବା ଆବଶ୍ୟକ । ମାସୁମା କହନ୍ତି,ସ୍ୱପ୍ନ ସତ୍ୟରେ ପରିଣତ ହେବ ଯେତେବେଳେ ଆପଣ କାମ କରିବେ ।
ଜଣେ ମହିଳା ହୋଇ ପରିବାରକୁ ବୁଝି ଏଭଳି ସଫଳତା ନିଶ୍ଚିତ ଭାବେ ସମସ୍ତଙ୍କ ପାଇଁ ଉଦାହରଣ । ପୁରୁଷ ପ୍ରାଧାନ୍ୟ ସମାଜରେ ନିଜ ସ୍ୱପ୍ନକୁ ସାକାରକରିବା ପାଇଁ ଅହରହ ଉଦ୍ୟମ କରିଥିବା ମାସୁମା କେବଳ ମହିଳା ନୁହେଁ ପୁରୁଷଙ୍କ ପାଇଁ ଆଇକନ ହୋଇରହିବେ । ତାଙ୍କ ନିଷ୍ଠା, ଚେଷ୍ଟା, ଆତ୍ମବିଶ୍ୱାସ ଓ କାମ କରିବାର ଶୈଳୀ ନିଶ୍ଚିତ ଭାବେ ଅନ୍ୟମାନଙ୍କୁ ପ୍ରେରଣା ଦେବ ।