ସ୍ୱାମୀ ଓ ଶାଶୂଙ୍କ ନାଁ’ରେ ଥାନାରେ ଏତଲା ଦେଲେ ମହିଳା । କହିଲେ ପିଆଜ, ରସୁଣ ଖାଇବାକୁ ବାଧ୍ୟ କରୁଛନ୍ତି ଶାଶୂଘର ଲୋକେ
ଭୋଜନରେ ପିଆଜ ଓ ରସୁଣ ଖାଇବାକୁ ବାଧ୍ୟ କରାଯାଇଥିବା କାଦି ସହରବାସିନୀ ତଥା ସ୍ୱାମୀନାରାୟଣ ସମ୍ପ୍ରଦାୟର ଅନୁଗାମିନୀ ଜଣେ ୨୫ ବର୍ଷୀୟ ମହିଳା ତାଙ୍କ ସ୍ୱାମୀ ଓ ଶାଶୂଙ୍କ ନାଁ’ରେ ଗାନ୍ଧୀନଗର ଥାନାରେ ଏତଲା ଦେଇଛନ୍ତି। ତାଙ୍କ କହିବା କଥା ପିଆଜ ରସୁଣ ମିଶ୍ରିତ ଖାଦ୍ୟ ତାଙ୍କ ବିଶ୍ୱାସର ବିରୁଦ୍ଧାଚରଣ କରୁଛି।
Kanak News is now on WhatsApp
Join and get latest news updates delivered to you via WhatsApp
ଏତଲାରେ ମହିଳାଜଣକ କହିଛନ୍ତି, ପିଆଜ ରସୁଣ ପଡ଼ିଥିବା ବ୍ୟଞ୍ଜନ ଖାଇବାକୁ ସେ ମନା କରିବାରୁ ସ୍ୱାମୀ ଓ ଶାଶୂଘର ଲୋକେ ତାଙ୍କୁ ମାରିଥିଲେ। ପରେ ସ୍ୱାମୀ ଓ ଶାଶୂଘର ଲୋକେ ତାଙ୍କୁ ତାଙ୍କ ମାଆଙ୍କ ସହ କଥା ହେବାକୁ ବାରଣ କରିଥିଲେ। ଏଥିପାଇଁ ସେ ଜୁଲାଇ ୧୦ ତାରିଖ ଦିନ ଗାନ୍ଧୀନଗର ଅନ୍ତର୍ଗତ ସାନ୍ତେଜ ଥାନାରେ ଏତଲା ଦେଇଛନ୍ତି।
ସେ ତାଙ୍କ ଭାଇଙ୍କ ସାଙ୍ଗ ପ୍ରେମରେ ପଡ଼ି ୪ ବର୍ଷ ତଳେ ତାଙ୍କୁ ବାହା ହୋଇଥିଲି। କାଲୋଲରେ ତାଙ୍କ ସ୍ୱାମୀ ଚା’ ଓ ପାନ ଦୋକାନ ଖୋଲିଛନ୍ତି ଓ ସେ ଗୋଟାଏ ଘରୋଇ ଫାର୍ମରେ କାମ କ ରନ୍ତି ବୋଲି ସେ ଏତଲାରେ ଲେଖିଛନ୍ତି।
ସେ ପଟେଲ ସମ୍ପ୍ରଦାୟର ଏବଂ ସ୍ୱାମୀନାରାୟଣ ଗୋଷ୍ଠୀର ଅନୁଗାମିନୀ। ସ୍ୱାମୀ ଓ ଶାଶୂ ମୋତେ ପିଆଜ ରସୁଣ ପଡ଼ିଥିବା ବ୍ୟଞ୍ଜନ ଖାଇବାକୁ ବାଧ୍ୟ କରିଛନ୍ତି।
ଜାଣିଶୁଣି ଆଘାତ ଦେବା, ଗୃହ ହିଂସା ଏବଂ ଅପରାଧିକ ଧମକାଣ ଦେଇଥିବା କାରଣରୁ ତାଙ୍କ ସ୍ୱାମୀ ରୋନକ ପଟେଲ୍ ଓ ଶାଶୂଙ୍କ ନାଁରେ ମାମଲା ରୁଜୁ କରାଯାଇଛି ।