୪୦୦୦ କୋଟିର ମାଲିକ ରାଜ୍ୟସଭା ପ୍ରାର୍ଥୀ : ଜାଣନ୍ତୁ ସବୁଠାରୁ ଧନଶାଳୀ ପ୍ରାର୍ଥୀଙ୍କ ବାବଦରେ
ବିହାର ଜାହାନାବାଦର ଡା. ମହେନ୍ଦ୍ର ପ୍ରସାଦ ସପ୍ତମ ଥର ପାଇଁ ରାଜ୍ୟସଭାରେ ନିଜ ଉପସ୍ଥିତି ଜାହିର କରିବାକୁ ଯାଉଛନ୍ତି । ତାଙ୍କର ଶପଥ ପତ୍ର ଅନୁସାରେ ସେ ବର୍ତ୍ତମାନର ସବୁଠୁ ଧନୀ ରାଜ୍ୟସଭା ପ୍ରାର୍ଥୀ ରୁପେ ସାମନାକୁ ଆସିଛନ୍ତି । କିଙ୍ଗ ମହେନ୍ଦ୍ର ନାମରେ ପରିଚିତ ଡା. ମହେନ୍ଦ୍ର ପ୍ରସାଦ ତାଙ୍କର ଶପଥ ପତ୍ରରେ ୪୦୦୦ କୋଟି ସମ୍ପତ୍ତିର ତଥ୍ୟ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
୭୮ ବର୍ଷୀୟ ଡା ମହେନ୍ଦ୍ର ତୃତୀୟ ଥର ପାଇଁ ବିହାରରୁ ଜେଡିୟୁ ଦଳରୁ ପ୍ରାର୍ଥୀ ପତ୍ର ଦାଖଲ କରିଛନ୍ତି । ନିର୍ବାଚନୀ ଶପଥ ପତ୍ରରେ ତାଙ୍କ ଚଳ ସମ୍ପତ୍ତି ରେ ୪,୦୧୦,୨୧ କୋଟି ଟଙ୍କାର ତଥ୍ୟ ଦେଇଥିବା ବେଳେ ୨୯.୧ କୋଟି ଟଙ୍କାର ଅଚଳ ସମ୍ପତ୍ତି ଅଛି ବୋଲି ସୂଚନା ଦେଇଛନ୍ତି ।
ଡା. ପ୍ରସାଦଙ୍କ ଦୁଇଟି ଫାର୍ମା କମ୍ପାନୀ , ଗୋଟିଏ ମାପ୍ରା ଲେବୋରୋଟୋରୀ ପ୍ରାଇଭେଟ ଲିମିଟେଡ ଓ ଅନ୍ୟଟି ଆରିଷ୍ଟୋ ଫାର୍ମାସ୍ୟୁଟିକାଲ୍ସ । ଏହି କମ୍ପାନୀ ଗୁଡିକରୁ ତାଙ୍କ ଆୟ ପାଖାପାଖି ୨,୨୩୯ କୋଟି ଯାହା ଷ୍ଟେଟ ବ୍ୟାଙ୍କରେ ଜମା ଅଛି ।
ଶପଥପତ୍ର ଅନୁସାରେ ଏହି ଅରବପତି ନେତାଙ୍କ କୈାଣସି ପ୍ରକାର ମୋଟର ବା ବାହାନ ବୀମା ନାହିଁ । କିନ୍ତୁ ତାଙ୍କ ପାଖରେ ୪୧ ଲକ୍ଷ ଟଙ୍କାର ସୁନା ଗହଣା ଅଛି । ୨୦୧୬-୧୭ ଆର୍ଥିକ ବର୍ଷରେ ଡା ପ୍ରସାଦ ଆୟକର ରିର୍ଟନରେ ତାଙ୍କର ମୋଟ ଆୟ ୩୦୩.୫ କୋଟି ବୋଲି କହିଥିଲେ ।
ସେ ୧୯୮୦ରେ ପ୍ରଥମ ଥର ପାଇଁ ଜାହାନାବାଦ ଲୋକସଭାରୁ କଂଗ୍ରେସ ଟିକେଟରେ ନିର୍ବାଚନ ଜିତି ସାଂସଦକୁ ଯାଇଥିଲେ । କିନ୍ତୁ ଦ୍ୱିତୀୟ ଥର ୧୯୮୪ରେ ସାଧାରଣ ନିର୍ବାଚନ ହାରି ଯାଇଥିଲେ । ୧୯୮୫ରେ କଂଗ୍ରେସରୁ ପୁଣି ଥରେ ରାଜ୍ୟସଭା ସିଟରୁ ବିଜୟ ହାସଲ କଲେ ଏବଂ ସେବେଠୁ ହିଁ ସେ ଉଚ୍ଚ ସଦନରେ କଂଗ୍ରେସ, ଆରଜେଡି ଓ ଜେଡିୟୁରୁ ନିର୍ବାଚନ ଜିତିଥିଲେ ।
ସବୁଠୁ ବେଶି ଥର ସାଂସଦରେ ନିଜର ଉପସ୍ଥିତି ପ୍ରକଟ କରିଥିବା ଡା. ପ୍ରସାଦ ୨୧୧ଟି ଦେଶ ଭ୍ରମଣ କରି ସାରିଛନ୍ତି । ତାଙ୍କ ଅନ୍ତର୍ଜାତୀୟ ଯାତ୍ରାକୁ ଦେଖିବା ଯଦି ତେବେ ସେ ୫୩ ଥର ସଂଯୁକ୍ତ ରାଷ୍ଟ୍ର ଓ ୧୦ ଥର ଆମେରକିାର ଭ୍ରମଣ କରିସାରିଛନ୍ତି । ଏହା ବ୍ୟତୀତ ସେ ୯ ଏପ୍ରିଲ ୨୦୦୨ରୁ ୮ ଏପ୍ରିଲ ୨୦୦୩ ମଧ୍ୟରେ ଏକ ବର୍ଷରେ ୮୪ଟି ଦେଶର ଭ୍ରମଣ କରିସାରିଛନ୍ତି ।