କେବଳ ନିଶ ନୁହେଁ ମେହେନ୍ଦୀ ମାଧ୍ୟମରେ ମଧ୍ୟ ଅଭିନନ୍ଦନଙ୍କୁ ଦିଆଗଲା ସଲାମି ! କନ୍ୟା ନାମ ବଦଳରେ ଅଭିନନ୍ଦନଙ୍କ ନାଁର ମେହେନ୍ଦୀ ଲଗାଇଲା ବର ।
ଶତ୍ରୁଦେଶରୁ ଦେଶକୁ ସୁରକ୍ଷା ଦେଉଥିବା ଯବାନଙ୍କ ପାଇଁ ଦେଶବାସୀ ଭିନ୍ନ ଭିନ୍ନ ତରିକାରେ ଶ୍ରଦ୍ଧାଞ୍ଜଳୀ ଅର୍ପଣ କରୁଛନ୍ତି । ଶତ୍ରୁମାଟିରୁ ସ୍ୱଦେଶ ଫେରିବା ପରେ ୱିଙ୍ଗ୍ କମାଣ୍ଡର ଅଭିନନ୍ଦନ ବର୍ଦ୍ଧମାନଙ୍କୁ ମଧ୍ୟ ଦେଶବାସୀ ଭିନ୍ନ ଅନ୍ଦାଜରେ ସଲାମ୍ ଜଚ୍ଚାଉଛନ୍ତି । କିଏ ଅଭିନନ୍ଦନଙ୍କ ନିଶକୁ କପି କରୁଛନ୍ତି ତ ଆଉ କିଏ ତାଙ୍କ ଚିତ୍ର ପ୍ରସ୍ତୁତ କରି ସୋସିଆଲ୍ ମିଡିଆରେ ପୋଷ୍ଟ୍ କରୁଛନ୍ତି । ତେବେ ବର୍ତ୍ତମାନ ଜଣେ ବର କିଭଳି ଭାବରେ ନିଜର ବିବାହରେ କମାଣ୍ଡର ଅଭିନନ୍ଦନଙ୍କୁ ସଲାମ୍ ଜଣାଇ ହାତରେ ମେହେନ୍ଦୀ ମାଧ୍ୟମରେ ଚିତ୍ର ପ୍ରସ୍ତୁତ କରିଛନ୍ତି ତାହା ଏବେ ଚର୍ଚ୍ଚାର ବିଷୟ ପାଲଟିଛି ।
Kanak News is now on WhatsApp
Join and get latest news updates delivered to you via WhatsApp
ଇନ୍ଦୋରର ସାବଁରେ କ୍ଷେତ୍ରରେ ଥିବା ରିଙ୍ଗନୋଦିଆରେ ରହୁଥିବା କ୍ଷୀର ବ୍ୟବସାୟୀ ଶୁଭମ୍ ଜାଟ୍ କମାଣ୍ଡର ଅଭିନନ୍ଦନଙ୍କ ସାହସିକତାରେ ପ୍ରଭାବିତ ହୋଇ ଏହି ଯୁବକ ଜଣକ ହାତରେ ଅଭିନନ୍ଦନଙ୍କ ଚିତ୍ର କରି ତାଙ୍କୁ ସଲାମ୍ ଜଣାଇଥିଲେ । ବିବାହ ପୂର୍ବଦିନ ନିଜ ଭାବି ପତ୍ନୀଙ୍କୁ ଏହି ଯୁବକ ଜଣକ କହିଥିଲେ ଯେ ତୁମ ନାମ ବଦଳରେ ମୁଁ ୱିଙ୍ଗ୍ କମାଣ୍ଡର ଅଭିନନ୍ଦନଙ୍କ ଚିତ୍ର ପ୍ରସ୍ତୁତ କରିବାକୁ ଚାହେଁ । ତୁମେ ମୋ ହୃଦୟରେ ରହିବ କିନ୍ତୁ ହୃଦୟ ପୂର୍ବରୁ ଦେଶ ଆସେ ତେଣୁ ମୁଁ ଏହି ବୀର ପାଇଲଟଙ୍କୁ ସଲାମ ଜଣାଇବାକୁ ଯାଇ ହାତରେ ତାଙ୍କ ଛବି ଆଙ୍କୁଛି । ବରର ଏହି କଥାରେ କନିଆ ତ ରାଜି ହେଲେ ବିବାହରେ ଯୋଗ ଦେବାକୁ ଆସିଥିବା ଅତିଥି ମଧ୍ୟ ବରର ଏଭଳି ଉପାୟରେ ଅଭିନନ୍ଦନଙ୍କୁ ସଲାମ୍ କରିବାକୁ ସାବାସି ଦେଇଛନ୍ତିି ।