ଖୁବଶୀଘ୍ର ଆମେରିକାରୁ ଭାରତ ଫେରିବେ ବଲିଉଡର ଲୋକପ୍ରିୟ ଅଭିନେତା ଇରଫାନ୍ ଖାନ୍
କନକ ବ୍ୟୁରୋ : ବଲିଉଡର ଲୋକପ୍ରିୟ ଅଭିନେତା ଇରଫାନ୍ ଖାନ୍ ଅବଶେଷରେ ଲଣ୍ଡନରୁ ଦିନେ ଦୁଇ ଦିନ ଭିତରେ ମୁମ୍ବାଇ ଫେରିବେ ବୋଲି ଖବର ମିଳିଛି। ସେ ବେଶ୍ କିଛି ମାସ ଧରି କର୍କଟ ରୋଗରେ ପୀଡ଼ିତ ହୋଇ ଚିକିତ୍ସିତ ହେଉଥିଲେ । ଏବେ ଇରଫାନ୍ ଖାନ୍ ସୁସ୍ଥ ହୋଇ ଫେରିବାପରେ ପୁଣି ଅଭିନୟରେ ସକ୍ରିୟ ହେବେ ବୋଲି ଜଣାଗଲାଣି। ତାଙ୍କର ନୂଆ ସିନେମା ‘ହିନ୍ଦୀ ମିଡିଅମ୍-୨’ର ସୁଟିଂ ଏଇ ଡିସେମ୍ବର ପ୍ରଥମ ସପ୍ତାହରେ ଆରମ୍ଭ ହେଉଥିବା ସୂଚନା ମିଳିଛି।ଏହି ସିନେମାର ନିର୍ମାତା ପୂର୍ବରୁ ଇରଫାନ୍ ଖାନଙ୍କୁ ଲଣ୍ଡନରେ ଭେଟି କଥାବାର୍ତ୍ତା ହୋଇଥିଲେ।
Kanak News is now on WhatsApp
Join and get latest news updates delivered to you via WhatsApp
ଏଠାରେ ସୂଚନାଯୋଗ୍ୟ ଯେ ଇରଫାନ୍ କର୍କଟ ସହିତ ସଂଗ୍ରାମ କରୁଥିବା ବେଳେ ନିଜ ମନର କଥା ଜଣାଇଥିଲେ ସେଠାରେ । ସେ କହିଥିଲେ, ‘ମୋତେ ଉଚ୍ଚ ଶ୍ରେଣୀର ନ୍ୟୁରୋ କ୍ରାଇନ୍ କ୍ୟାନସର୍ ହୋଇଛି। ଏଥିପାଇଁ ମୋର ଚିକିତ୍ସା ଚାଲିଛି। ମୋର ଅଭିଧାନରେ ଏହି ଶଦ୍ଦ ନାହିଁ। ତୁଳନାତ୍ମକ ଭାବେ ଏହି ରୋଗ ସଂପର୍କରେ ମୋର ଧାରଣା ଖୁବ୍ କମ୍।