କୁପୋଷଣ ନୁହେଁ ମୋଟାପଣ ହୋଇପାରେ ଆମ ଦେଶର ଅନ୍ୟ ଏକ ବଡ ସ୍ୱାସ୍ଥ୍ୟ ସଂକଟ : ପଢ଼ନ୍ତୁ ଆଶ୍ଚର୍ଯ୍ୟଜନକ ତଥ୍ୟ
କୁପୋଷଣ ମାମଲାରେ ୨୬ ମିଲିୟନ ପିଲାଙ୍କ ସହ ଭାରତ ବିଶ୍ୱର ସବୁଠାରୁ ବଡ ଦେଶ ଯେଉଁଠି ପିଲାମାନେ ଉଚ୍ଚତା ଅନୁପାତରେ କମ୍ ଓଜନ ବିଶିଷ୍ଟ ଅଛନ୍ତି । ଅନ୍ୟ ରୋଚକ ତଥ୍ୟ ଏହା ଯେ, ପିଲାଙ୍କ ଠାରେ ଦେଖା ଦେଉଥିବା ମୋଟାପଣ ହିସାବରେ ଭାରତ ବିଶ୍ୱରେ ଦ୍ୱିତୀୟ ସ୍ଥାନରେ ଅଛି । ଆକଳନ ହିସାବରେ ଚୀନ ୧୫.୩ ମିଲିୟନ ମୋଟାପଣ ସହ ଲଢ଼ୁଥିବା ପିଲାଙ୍କ ସହିତ ଦୁନିଆରେ ଏକ ନମ୍ବରରେ ଅଛି । ସେଇଠି ଭାରତ ବି ୧୪.୪ ମିଲିୟନ ସଂଖ୍ୟା ସହିତ ଏହି ମାମଲାରେ ଅଧିକ ପଛରେ ନାହିଁ । ବର୍ଷ ୧୯୮୦ ଏବଂ ୨୦୧୫ ମଧ୍ୟରେ ଭାରତର ପିଲାଙ୍କ ଠାରେ ମୋଟାପଣ ବଢ଼ି ଦୁଇଗୁଣ ଏବଂ ବୟସ୍କଙ୍କ ଠାରେ ୩ଗୁଣ ହୋଇଗଲାଣି ।
Kanak News is now on WhatsApp
Join and get latest news updates delivered to you via WhatsApp
କେବଳ ଏହା ନୁହେଁ, ଦେଶରେ ୨୦୨୫ ପର୍ଯ୍ୟନ୍ତ ୨.୬ ମିଲିୟନରୁ ବି ଅଧିକ ପିଲା ମୋଟାପଣର ଶିକାର ହେବେ । ଏହା ଏକ ଏମିତି ସ୍ଥିତି ଯାହାର ନିବାରଣ ନ କରାଗଲେ, ଆଗକୁ ଏକ ଗମ୍ଭୀର ସମସ୍ୟା ଭାବେ ବଢ଼ିଚାଲିଥିବ । ଏହା ଭାରତ ପାଇଁ ଏକ ଚେତାବନୀ ଯେ ଏବେ ଆମକୁ ପର୍ଯ୍ୟାପ୍ତ ପୋଷଣ ସହ ସଠିକ୍ ପୋଷଣ ଉପରେ ବି ଧ୍ୟାନ ଦେବାକୁ ପଡିବ । ବଢ଼ୁଥିବା ମୋଟାପଣ ହୃଦୟ ରୋଗ, ରକ୍ତ ଶର୍କରା ଏବଂ କିଛି ମାମଲାରେ କ୍ୟାନସର ଭଳି ରୋଗର ବିପଦ ସୃଷ୍ଟି କରେ । ଲଗାତାର କରାଯାଉଥିବା ଗବେଷଣାରୁ ଜଣାପଡୁଛି ଯେ ଭାରତୀୟଙ୍କ ଠାରେ ଅନ୍ୟ ଦେଶ ମୁକାବିଲାରେ ଅଧିକ ଫ୍ୟାଟ୍ ଓ କମ୍ ମାଂସପେଶୀ ଅଛି ।
ଏହାକୁ ରୋକିବା ପାଇଁ ସ୍କୁଲ ଆଖପାଖ ଅଂଚଳରେ ଜଙ୍କ ଫୁଡ୍ ବିକ୍ରି ଉପରେ ପ୍ରତିବନ୍ଧକ ଲଗାଇବା ଉଚିତ୍ । ଏହା ବ୍ୟତୀତ ଜଙ୍କ ଫୁଡ୍ ଉପରେ ଟ୍ୟାକ୍ସ ଦର ବୃଦ୍ଧି କରି ନିମ୍ନ ଆୟ ବର୍ଗ ଲୋକଙ୍କୁ ସୁସ୍ଥ ଜୀବନ ବଂଚିବା ପାଇଁ ଉତ୍ସାହିତ କରାଯାଇପାରିବ । ଏହା ସହିତ ଆମକୁ ମୋଟାପଣ ଏବଂ କୁପୋଷଣ ଉପରେ ଧ୍ୟାନ ଦେବା ଜରୁରୀ ।