ବଦଳିବ ସ୍ମାଟସିଟିର ରୂପରେଖ! ଭୁବନେଶ୍ୱରର ପ୍ରତି ଅଞ୍ଚଳରେ ମିଳିବ ଇଣ୍ଟରନେଟ ସୁବିଧା
କନକ ବ୍ୟୁରୋ: ପୁରା ଭୁବନେଶ୍ୱର ହେବ ୱାଇଫାଇ । ସ୍ମାର୍ଟସିଟିର ପ୍ରତ୍ୟେକ ଅଞ୍ଚଳରେ ମିଳିବ ୱାଇଫାଇର ସୁବିଧା । ହକି ବିଶ୍ୱକପ ପୁର୍ବରୁ ରାଜଧାନୀରେ ଏହି ସୁବିଧା ଯୋଗାଇଦେବାକୁ ବିଏମସି ପକ୍ଷରୁ ଯୋଜନା କରାଯାଇଛି । ବିଶ୍ୱକପ ପାଇଁ ରାଜଧାନୀକୁ ଦେଶବିଦେଶରୁ ୩୦ ହଜାର ଅତିଥି ଆସୁଥିବା ବେଳେ ବିଶ୍ୱସ୍ତରୀୟ ସୁବିଧା ଯୋଗାଇଦେବାକୁ ରାଜ୍ୟସରକାର ଏଭଳି ପ୍ରୟାସ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିଶେଷ କରି ସହରର ୮୦ କିଲୋମିଟର ଭିତରେ ୩୦୦ଟି ସ୍ଥାନରେ ଏହି ସୁବିଧା ଉପଲବ୍ଧ ହେବ ବୋଲି ଜଣାପଡିଛି । ସ୍ମାର୍ଟସିଟି ସିଟି ପ୍ରୋଜେକ୍ଟରେ ୱାଇଫାଇ ସୁବିଧା ଗୋଟିଏ ପାର୍ଟ ହୋଇଥିବାରୁ ଉଭୟ ବିଏମସି ଏବଂ ବିଡିଏ ଏଥିପାଇଁ ଜୋରଦାର ଉଦ୍ୟମ ଆରମ୍ଭ କରିଛନ୍ତି । ଏଥିଲାଗି ହନିୱେଲ କଂମ୍ପାନୀ ସହିତ ବୁଝାମଣା ସ୍ୱାକ୍ଷରିତ ହୋଇଛି ।
ଏସବୁ ବ୍ୟତୀତ ହକି ବିଶ୍ୱକପ ପୂର୍ବରୁ ପୂରା ଭୁବନେଶ୍ୱରର ରୂପରେଖ ବଦଳିବ । ରାଜଧାନୀରେ ଆହୁରି ୧୦୦ଟି ନୂଆ ସିଟିବସ ଗଡିିବ । ଏପରିକି ରାଜଧାନୀର ରାସ୍ତା କଡରେ ଥିବା କାନ୍ଥ ଗୁଡିକରେ ବିଭିନ୍ନ ଚିତ୍ର କରାଯିବ । ଯେଉଁଥିରେ ଓଡିଶାର କଳା, ଐତିହ୍ୟକୁ ସ୍ଥାନ ଦିଆଯିବ ।