କେବଳ ମହିଳା ନୁହଁ ପୁରୁଷ ବି ହୁଅନ୍ତି ନିର୍ଯ୍ୟାତନାର ଶିକାର ! ଆପଣଙ୍କ କ୍ଷେତ୍ର୍ରରେ ବି ଯଦି ଏଭଳି କିଛି ଘଟୁଛି ତେବେ ସମ୍ବିଧାନ ଦେଉଛି ଆପଣଙ୍କୁ କିଛି ଅଧିକାର ।
ଭାରତର ରାଜଧାନୀ ଦିଲ୍ଲୀରେ କିଛି ଦିନ ତଳେ ଜଣେ ମହିଳା ସ୍ୱାମୀଙ୍କ ଜିଭ କାଟି ଦେଇଥିବାର ଘଟଣା ଖୁବ୍ ଚର୍ଚ୍ଚାର ବିଷୟ ପାଲଟିଥିଲା । ଯୁବକ ଜଣକ ଗୁରୁତର ଅବସ୍ଥାରେ ଡାକ୍ତରଖାଦାରେ ଭର୍ତ୍ତି ହୋଇଥିଲେ । ପୋଲିସ୍ ମୁତାବକ ମହିଳାଙ୍କ ଉପରେ ଆଇପିସି ଧାରା ୩୨୬ ଅନୁସାରେ ଆଜୀବନ କାରାଦଣ୍ଡର ଦଣ୍ଡ ଦିଆଯାଇଛି । ତେବେ ପୀଡିତ ଦ୍ୱିତୀୟ ଥର କଥା କହିପାରିବେ କି ନାହିଁ ତାହା କହିବା କଷ୍ଟକର । ଓକିଲଙ୍କ କହିବାନୁସାରେ ଏହି ଘଟଣାକୁ ଆଧାର କରି ସ୍ୱାମୀ ସ୍ତ୍ରୀଙ୍କ ଠାରୁ ଏଥିପାଇଁ ଛାଡପତ୍ର ବି ନେଇପାରିବେ । ହିନ୍ଦୁ ବିବାହ ନିୟମ ଅନୁସାରେ ସେକ୍ସନ୍ ୧୩ ରେ ଛାଡପତ୍ର ଆଧାର ରହିଛି । ଏହା ସ୍ୱାମୀ ଏବଂ ସ୍ତ୍ରୀ ଦୁହିଁଙ୍କ ଉପରେ ଲାଗୁ ହୋଇଥାଏ । ଏହାଛଡା ଆଇପିସିର ବିଭିନ୍ନ ଧାରା ଅନୁସାରେ ଏଥିପାଇଁ କେସ୍ ମଧ୍ୟ ହୋଇପାରିବ । ଜାଣନ୍ତୁ ମାରପିଟ ସହ ଜଡିତ ଥିବା ୫ ଧାରା ବିଷୟରେ ।
Kanak News is now on WhatsApp
Join and get latest news updates delivered to you via WhatsApp
ଯଦି କେହି ଆପଣଙ୍କୁ କୌଣସି ଧାରୁଆ ଅସ୍ତ୍ରରେ ଆକ୍ରମଣ କରିବାକୁ ଚେଷ୍ଟା କରୁଛନ୍ତି ତେବେ ସେଠାରେ ଆଇପିସିର ଧାରା ୩୨୪ ଲାଗିଥାଏ । ଏଥିରେ ଦାନ୍ତରେ କାମୁଡିବା,କୌଣସି ଜୀବଜନ୍ତୁ ଦ୍ୱାରା ମାରିବାକୁ ଚେଷ୍ଟା କରିବା କିମ୍ବା ନିଜେ ଅସ୍ତ୍ରରେ ମାରିବାକୁ ଚେଷ୍ଟା କରିବା,ଗମ୍ଭୀର କ୍ଷତ ଆସିବା ଆଦି ହେଲେ ଆଇପିସି ଧାରା ୩୨୫ ଲାଗୁ ହେବ । ଏଥିରେ ୭ ବର୍ଷ ପାଇଁ ଦଣ୍ଡବିଧାନ ହୋଇପାରେ । ଆକ୍ରମଣରେ ବିସ୍ଫୋଟକ ବ୍ୟବହାର କଲେ ଆଇପିସି ଧାରା ୩୨୬ ଲାଗୁ ହୋଇଥାଏ । ଏଥିରେ ୧୦ ବର୍ଷ ଏବଂ ଅଧିକତଃ ଆଜୀବନ କାରାଦଣ୍ଡର ଦଣ୍ଡ ମିଳେ । ଅନ୍ୟପକ୍ଷେ କାହାସହ ମାରପିଟ୍ କରିବା ,ଚାପୁଡା ମାରିବା ଆଦିରେ ଆଇପିସିର ଧାରା ୩୨୩ ଲାଗୁ ହେବ । ଏଭଳି ସ୍ଥିତିରେ ପୋଲିସ୍ ସିଧାସଳଖ କେସ୍ କରିପାରିବ ନାହିଁ କୋର୍ଟର ଆଦେଶ ମିଳିବା ପରେ ହିଁ କେସ୍ ହେବ । କାହାର ହତ୍ୟା ପାଇଁ ଉଦ୍ୟମ କରୁଥିଲେ ଆଇପିସି ଧାରା ୩୦୭ ଲାଗିଥାଏ ଯେଉଁଥିପାଇଁ ଆଜୀବନ କାରାଦଣ୍ଡ ଭୋଗିବାକୁ ପଡେ ।
