ଏମିତି ବି ହୁଏ ପ୍ରେମ ! ୫୦ ବର୍ଷ ବୟସରେ ନିଜ ପ୍ରେମିକାକୁ ବିବାହ କଲେ ଏହି ବିଧବା ମହିଳା । ଭାଇରାଲ ହେଲା ଲଭ ଷ୍ଟୋରୀ ।
ପ୍ରେମ କୌଣସି ବନ୍ଧନ କୁ ମାନି ନଥାଏ । ପ୍ରେମ ନା ବୟସ ଦେଖିଥାଏ ନା ଲୋକମାନଙ୍କର ଟାହିଟାପରାକୁ ଖାତିର କରିଥାଏ । ପ୍ରେମ ତ କେବଳ ହେଇଯାଇଥାଏ । ଏମିତି ହିଁ କିଛି ହୋଇଛି ଜଣେ ମହିଳାଙ୍କ ସହ । ଯିଏକି ନିଜ ପରିବାର, ସମାଜ ଏପରିକି ନିଜ ପିଲାମାନଙ୍କ ବିରୋଧ ପରେ ମଧ୍ୟ ୫୦ବର୍ଷ ବୟସରେ ଦ୍ୱିତୀୟ ବିବାହ କରି ନିଜ ପ୍ରେମକୁ ସାର୍ଥକ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କୋମୋଲାଙ୍କ ପ୍ରେମ ଭରା କାହାଣୀକୁ ଜଣେ ବାଲାଂଦେଶୀ ଫୋଟୋଗ୍ରାଫର ଜିଏମବି ଆକାଶ ନିଜ ଫେସବୁକ ପେଜ୍ ରେ ବର୍ଣ୍ଣନା କରିଛନ୍ତି । ଫୋଟୋଗ୍ରାଫରଙ୍କ ପୋଷ୍ଟ ଅନୁସାରେ, ଏହି ମହିଳା କୋମୋଲା ମହଜ ଜଣଙ୍କୁ ୨୫ ବର୍ଷ ବୟସ ହୋଇଥିବା ବେଳେ ତାଙ୍କ ସ୍ୱାମୀଙ୍କ ଦେହାନ୍ତ ହୋଇଥିଲା । ତାଙ୍କ ଯତ୍ନ ନେବାକୁ ମଧ୍ୟ କେହି ନଥିଲେ । ଗତ ୨୦ ବର୍ଷ ଧରି ସେ ବ୍ରେଡ ଏବଂ ଅଣ୍ଡା ବିକ୍ରି କରି ନିଜ ପିଲାମାନଙ୍କର ପେଟ ଭରିବା ସହ ପରିବାର ପ୍ରତିପୋଷଣ କରୁଥିଲେ । ବହୁତ ପରିଶ୍ରମ କରିବା ପରେ ଶେଷରେ ତାଙ୍କର ଆର୍ଥିକ ଅବସ୍ଥାରେ ପରିବର୍ତ୍ତନ ହୋଇଥିଲା ଏବଂ ସେ ଏକ ରେଷ୍ଟ୍ରୁରାଣ୍ଟ ଖୋଲିଥିଲେ । ସେଥିରୁ ଯାହା ଆୟ କରିଥିଲେ ସେଥିରେ ସେ ଗାଁରେ ଏକ ଜାଗା କିଣି ସେଥିରେ ଘର କରିଥିଲେ ଏବଂ ନିଜ ପିଲାମାନଙ୍କର ବାହାଘର ମଧ୍ୟ କରିଥିଲେ ।
କୋମୋଲା ତାଙ୍କର ପୁରା ଦାୟିତ୍ୱ ସଠିକ ଭାବରେ କରୁଥିଲେ କିନ୍ତୁ ହୃଦୟ ଭିତରେ ସେ ବିଲକୁଲ ଏକାକୀ ଥିଲେ । ଭାବନାତ୍ମକ ରୂପରେ ତାଙ୍କୁ ସାହାରା ଦେବା ପାଇଁ କେହି ନଥିଲେ । କିନ୍ତୁ ଭାଗ୍ୟ ତାଙ୍କ ପାଇଁ ବୋଧେ ଆଉ କିଛି ଭାବିଥିଲା । ଏକ ଶ୍ରମିକ ଅଧିକାଂଶ ସମୟ ତାଙ୍କ ରେଷ୍ଟ୍ରୁରାଣ୍ଟକୁ ଆସନ୍ତି । ଗୋଟିଏ ଦିନ ସେ କୋମୋଲାଙ୍କ ପ୍ରତି ଆକର୍ଷିତ ହୋଇଗଲେ । ଏବଂ ଏହା ପରେ ସେ କୋମୋଲାଙ୍କୁ ଦେଖିବାକୁ ପ୍ରତିଦିନ ତାଙ୍କ ରେଷ୍ଟ୍ରୁରାଣ୍ଟ କୁ ଯାଇଥାନ୍ତି । କିନ୍ତୁ ସେ କେବେ ତାଙ୍କୁ କିଛି ବି କହିନଥାନ୍ତି । ଏପରିକି ରେଷ୍ଟ୍ରୁରାଣ୍ଟରେ ସେ କୋମୋଲାଙ୍କୁ କାମରେ ସାହାଯ୍ୟ କରିଥାନ୍ତି । କେତେବେଳେ ବାସନ ମାଜି ଦେଇଥାନ୍ତି ତ ଆଉ କେତେବେଳେ ସଫା କରି ଦେଇଥାନ୍ତି ।
ସେହି ଶ୍ରମିକ ଜଣଙ୍କ ପ୍ରତିଦିନ ସବୁ କାମରେ କୋମୋଲାଙ୍କୁ ସାହାଯ୍ୟ କରିଥାନ୍ତି । ଧିରେ ଧିରେ ଦୁଇଜଣଙ୍କ ମଧ୍ୟରେ ପ୍ରେମ ସମ୍ପର୍କ ଗଢି ଉଠିଥିଲା । ତେବେ ଗୋଟିଏ ଦିନ ସେ କୋମୋଲାଙ୍କୁ ବିବାହ ପାଇଁ ପ୍ରସ୍ତାବ ଦେଇଥିଲେ । ଏଥିରେ କୋମୋଲା ଖୁସି ତ ଥିଲେ କିନ୍ତୁ ତାଙ୍କୁ ସମାଜର ଭୟ ଘାରି ହୋଇଥିଲା । କେବଳ ଏତିକି ନୁହେଁ ଯେତବେଳେ ତାଙ୍କ ପିଲାମାନେ ଏ ବାବଦରେ ଜାଣିବାକୁ ପାଇଥିଲେ, ସେମାନେ ସେହି ଶ୍ରମିକଙ୍କୁ ଖୁବ ପିଟିଥିଲେ । ଆଉ ଏହା ପରେ କୋମୋଲା ସେହି ଶ୍ରମିକ ଜଣଙ୍କୁ ଗାଁ ଛାଡି ପଳାଇ ଯିବା ପାଇଁ କହିଥିଲେ ।
ଏସବୁ ପରେ କୋମୋଲା ପୁଣି ଥରେ ଏକା ହୋଇଯାଇଥିଲେ । ତାଙ୍କ ଭାବନାକୁ କେହି ହେଲେ ମଧ୍ୟ ବୁଝିପାରୁନଥିଲେ । କିନ୍ତୁ କତାରେ ଅଛି ପ୍ରେମ ଯଦି ସତ ହୋଇଥିବ ତେବେ ଦୂରତା ନିକଟତାରେ ପରିଣତ ହୋଇଥାଏ । ତାଙ୍କ ସହ ମଧ୍ୟ କିଛି ଏମିତି ହିଁ ହୋଇଥିଲା । କୋମୋଲା ଭାବିଥିଲେ ଯେ, ତାଙ୍କ ପିଲାମାନଙ୍କ ଠାରୁ ଏତେ ମାଡ ଖାଇବା ପରେ ସେ ଆଉ କେବେ ବି ଗାଁକୁ ଫେରିବେ ନାହିଁ । କିନ୍ତୁ ସେ ଫେରିଥିଲେ ଏବଂ ପୁଣି ଥରେ କୋମୋଲାଙ୍କୁ ବିବାହ ପାଇଁ ପ୍ରସ୍ତାବ ଦେଇଥିଲେ । ଗତ ୫ ବର୍ଷ ହେବ ଦୁଇ ଜଣ ଏକାଠି ଅଛନ୍ତି । ଏବଂ ମିଳିମିଶି ରେଷ୍ଟ୍ରୁରାଣ୍ଟ ଚଳାଉଛନ୍ତି ।