ସିମରନ୍ ମୃତ୍ୟୁ ଉପରୁ ଉଠୁନି ପରଦା ! ପରିବାର ଲୋକଙ୍କ ଅଭିଯୋଗ ଆଧାରରେ ପୁଲିସ ପକ୍ଷରୁ ରୁଜୁ ହେଲା ହତ୍ୟା ମାମଲା
ଜେଲରେ ଥିବା ସିମରନଙ୍କ ସ୍ୱାମୀଙ୍କୁ ରିମାଣ୍ଡରେ ଆଣିବ ପୁଲିସ
କନକ ବ୍ୟୁରୋ : ଆଲବମ ଅଭିନେତ୍ରୀ ସିମରନଙ୍କ ମୃତ୍ୟୁ ଉପରୁ ହଟୁନି ପରଦା । ବୁର୍ଲା ଥାନାରେ ପୁଲିସ ପକ୍ଷରୁ ହତ୍ୟା ମାମଲା ରୁଜୁ ହୋଇଛି । ସିମରନଙ୍କ ବାପାଙ୍କ ଅଭିଯୋଗ ଆଧାରରେ ଏହି ମାମଲା ରୁଜୁ କରାଯାଇଛି । ମାମଲାର ରୁଜୁ ପରେ ଆରମ୍ଭ ହୋଇଛି ତଦନ୍ତ । ଜେଲରେ ଥିବା ସିମରନଙ୍କ ସ୍ୱାମୀଙ୍କୁ ରିମାଣ୍ଡରେ ଆଣି ପୁଲିସ ପଚରାଉଚରା କରାଯିବ । ସିମରନଙ୍କ ମୃତ୍ୟୁ ହତ୍ୟା ନା ଆତ୍ମହତ୍ୟା ସେ ନେଇ ଖୋଳତାଡ କରିବ ପୁଲିସ । ଗତ ୩ ତାରିଖ ଦିନ ସମ୍ବଲପୁର ମହାନଦୀ ପଠାରୁ ସିମରନଙ୍କ ମୃତଦେହ ମିଳିଥିଲା । ତେବେ ସିମରନଙ୍କ ମୃତ୍ୟୁ ଉପରୁ ଏଯାଏ ହଟିନି ପରଦା । ଏହା ହତ୍ୟା ନା ଆତ୍ମହତ୍ୟା ଏଯାଏ ସ୍ପଷ୍ଟ ହୋଇନି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଡିସେମ୍ବର ୩୧ ରାତିରେ ଘରେ ଜିରୋ ନାଇଟ୍ ସେଲିବ୍ରେସନ, ଜାନୁଆରୀ ୧ରେ ଭବାନିପାଟଣାରେ ଷ୍ଟେଜ୍ ସୋ’ କରିଥିଲେ ସିମରନ୍ । ପ୍ରୋଗ୍ରାମ ପରେ ୨ ତାରିଖ ଦିନ ଘରକୁ ଫେରୁଥିଲେ ସେଲଫି ବେବୋ । ସଂଧ୍ୟା ବେଳେ ପରିବାର ସହ କଥା ମଧ୍ୟ ହୋଇଥିଲେ । ଫୋନରେ ସ୍ୱାମୀ ଅନ୍ୟତ୍ର ବିବାହ କରୁଥିବା ନେଇ ମାଆଙ୍କୁ ଜଣାଇଥିଲେ ସିମରନ୍ । ବ୍ୟସ୍ତ ବିବ୍ରତ ଥିବାରୁ ତାଙ୍କୁ ଘରକୁ ଫେରିବାକୁ କହିଥିଲେ ମାଆ । ହେଲେ ଘରେ ପହଁଚିବା ପୂର୍ବରୁ ୩ ତାରିଖ ସକାଳେ ବୁର୍ଲା ନିକଟ ମହାନଦୀ ବ୍ରିଜ୍ ତଳୁ ମିଳିଥିଲା ସିମରନଙ୍କ ମୃତଦେହ ।