କନକ ବ୍ୟୁରୋ: ଏବେ ବି ଓଡ଼ିଶାରେ ନବୀନ ଆଗରେ ରହିଛନ୍ତି ଆଉ ବଢ଼ିଛି ବିଜେଡିର ଲୋପ୍ରିୟତା । ଜାତୀୟ ଗଣମାଧ୍ୟମ ଇଣ୍ଡିଆ ଟୁଡ଼େ ପଲିଟିକାଲ ଷ୍ଟକ ଏକ୍ସଚେଞ୍ଜ ରିପୋର୍ଟ ଅନୁସାରେ ଓଡ଼ିଶାରେ ଗତ ସେପ୍ଟେମ୍ବର ମାସରେ ବିଜେଡିର ଲୋକପ୍ରିୟତା ୪୪% ଥିବାବେଳେ ଚଳିତ ମାସରେ ଏହା ୪୯%କୁ ଛୁଇଁଛି । ଯାହା ଦର୍ଶାଉଛି ଆଗାମୀ ନିର୍ବାଚନରେ ରାଜ୍ୟର କ୍ଷମତା ଡ଼ୋରୀ ପୁଣି ଥରେ ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ହାତରେ ଧରାଇବେ ଓଡ଼ିଶାବାସୀ ।
Kanak News is now on WhatsApp
Join and get latest news updates delivered to you via WhatsApp
ସେହିଭଳି ମୁଖ୍ୟମନ୍ତ୍ରୀ ପସନ୍ଦରେ ରାଜ୍ୟବାସୀଙ୍କ ମନରେ ଏବେ ବି ନମ୍ବନ ୱାନ ଅଛନ୍ତି ନବୀନ ପଟ୍ଟନାୟକ। ଇଣ୍ଡିଆ ଟୁଡ଼େ ପଲିଟିକାଲ ଷ୍ଟକ ଏକ୍ସଚେଞ୍ଜ ସର୍ଭେ ତାଲିକାରେ ରାଜ୍ୟ ବିଜେପିର ମଙ୍ଗୁଆଳ ତଥା କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ପଛରେ ପକାଇ ନବୀନଙ୍କୁ ୫୨% ସହ ଏକ ନମ୍ବର ସ୍ଥାନରେ ରଖିଛନ୍ତି ରାଜ୍ୟବାସୀ । ଏହି ସର୍ଭେ ରିପୋର୍ଟ ଅନୁସାରେ ରାଜ୍ୟରେ ନବୀନଙ୍କ ବାଦ୍ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ୨୬%, ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କୁ ୮%, କେନ୍ଦ୍ରମନ୍ତ୍ରୀ ଜୁଏଲ ଓରାମଙ୍କୁ ୧% ଏବଂ ରାଜ୍ୟ ବିଜେପି ସଭାପତି ବସନ୍ତ ପଣ୍ଡାଙ୍କୁ ମାତ୍ର ୧% ଲୋକ ମୁଖ୍ୟମନ୍ତ୍ରୀ ଭାବେ ପସନ୍ଦ କରୁଥିବା ରିପୋର୍ଟ କହୁଛି ।
ସେପଟେ ଗତ କିଛି ମାସ ତୁଳନାରେ ଶାସକ ବିଜେଡି ଦଳର କାର୍ଯ୍ୟଶୈଳୀକୁ ବେସ୍ ପସନ୍ଦ କରିଛନ୍ତି ରାଜ୍ୟବାସୀ । ଯାହା ଦ୍ୱାରା ଗତ ସେପ୍ଟେମ୍ବର ମାସ ଠାରୁ ଚଳିତ ମାସ ଶେଷ ସୁଦ୍ଧା ୪୪ ପ୍ରତିଶତରୁ ୪୯ ପ୍ରତିଶତକୁ ବୃଦ୍ଧି ପାଇଛି ବିଜେଡିର ଲୋକପ୍ରିୟତା । ସେହିଭଳି ନବୀନଙ୍କ ଲୋକପ୍ରିୟତା ଆଗରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଅଧାରୁ ଅଧିକ ରାଜ୍ୟବାସୀ ମୁଖ୍ୟମନ୍ତ୍ରୀ ଭାବେ ଦେଖିବାକୁ ପସନ୍ଦ କରୁନଥିବା ରିପୋର୍ଟରେ ଦେଖିବାକୁ ମିଳିଛି ।
ସର୍ଭେ ରିପୋର୍ଟ ମୁତାବକ ଆସନ୍ତା ନିର୍ବାଚନକୁ ମାତ୍ର ଅଳ୍ପଦିନ ବାକିଥିବାବେଳେ ନବୀନଙ୍କ ଲୋକପ୍ରିୟତା ସାଙ୍ଗକୁ ଶାସକ ବିଜେଡି ଉପରେ ଆସ୍ଥା ପ୍ରକଟ କରୁଛନ୍ତି ରାଜ୍ୟବାସୀ । ଏହା ହୁଏତ ଉଭୟ ବିରୋଧୀ କଂଗ୍ରେସ ଓ ବିଜେପି ପାଇଁ ସମସ୍ୟା ସୃଷ୍ଟି କରିବ ବୋଲି ରାଜନୀତି ସମୀକ୍ଷକମାନେ ମତ ପ୍ରକାଶ କରିଛନ୍ତି ।